“ကျနော်အသက်ရှင်နေတဲ့အချိန်ကာလတစ်ခုမှာ ကျနော့်နိုင်ငံ၊ ကျနော့်ပတ်ဝန်းကျင်မှာရှိတဲ့ သူတွေအတွက် ကျနော် ဘာလုပ်ပေးနိုင်မလဲလို့ တွေးတယ်။ အနည်းဆုံးတော့ ရှိတဲ့ ခွန်အားနဲ့တစ်ထောင့် တစ်နေရာကနေ အကျိုးပြုချင်တယ်။ ကိုဗစ် ကူးခံရမှာတော့ မကြောက်ပါဘူး။ ဒါပေမယ့် ကျွန်တော့်ကြောင့် အခြားသူကိုကူးမှာကိုတော့ ကျွန်တော်ကြောက်တယ်၊ ပြီးတော့ ကိုဗစ်ကြီးကို ပြီးဆုံးအောင် မတိုက်နိုင်မှာကိုပဲ ကြောက်တယ်”
-
-
“ အမျိုးသမီးတွေနိုင်ငံရေးလုပ်တဲ့အခါ လုပ်ဆောင်ချက်အပေါ်ဝေဖန်တာမျိုးမဟုတ်ပဲ အမျိုးသမီးဖြစ်တည်မှုကိုပဲတိုက်ရိုက်ထားပြီးပြောကြတာပေါ့နော်။ နိုင်ငံရေးဦးဆောင်မှုတွေက ယောကျာ်းလေးတွေရဲ့နေရာပဲ ဒါမျိုးသတ်မှတ်ထားတဲ့ဓလေ့ထုံးစံတွေကို တိုက်ထုတ်ရမယ်လို့ထင်တယ်”
-
“စစ်တပ်ထဲကပဲဖြစ်ဖြစ် ရဲထဲကပဲဖြစ်ဖြစ် ဘယ်နေရာကဖြစ်ဖြစ်လူတိုင်းက လွတ်လပ်စွာ ထုတ်ဖော်ပြောဆိုခွင့်ရှိတယ်။ ဒီအခွင့်အရေးကိုလွတ်လွတ်လပ်လပ်ကျင့်သုံးခွင့်ရှိတယ်။ စည်းကမ်းတကျပေါ့၊ လွတ်လပ်စွာ ဆဲဆိုခွင့်၊မဟုတ်တမ်းမတရားပြောပိုင်ခွင့်တွေတော့ မရှိဘူးပေါ့၊ ကိုယ့်ရဲ့ ယုံကြည်ရာ ကိုယ့်ရဲ့ ယုံကြည်ချက်ကိုယ့်ထင်မြင်ချက်ကို တခြားသူတစ်ဦးတစ်ယောက်ကို အနှောင့်အယှက်မဖြစ်စေဘူးဆိုရင်လွတ်လပ်စွာထုတ်ဖော်ပြောဆိုခွင့်ရှိတယ်”
-
“ကျမတို့ လှုပ်ရှားခဲ့တဲ့ နယ်စပ်ဒေသမှာဆိုရင်ကွန်ပြူတာ အသုံးပြုတတ်သူ ကိုယ့်အသိုင်းအဝိုင်းမှာ မရှိသလောက် ရှားပါးပြီးကွန်ပြူတာ ပိုင်ဆိုင်သူလည်း မရှိပါဘူး ။ အမျိုးသားနိုင်ငံရေး အဖွဲ့အစည်းရုံးတွေမှာသာ အနည်းအကျဉ်းရှိတဲ့ အခြေအနေဖြစ်တဲ့အတွက်ရံဖန်ရံခါ အမျိုးသား အဖွဲ့အစည်းတွေရဲ့ ပူးပေါင်းပါဝင်မှုတွေကိုလည်း ရယူပြီး အခမ်းအနားတွေကိုပြုလုပ်ရပါတယ်။ လှုပ်ရှားမှု အစီရင်ခံစာတွေကို လက်ရေးနဲ့ရေးပြီး ၃ နာရီလောက်လမ်းလျှောက်မှ ရောက်တဲ့ စာတိုက်ကနေ တဆင့် ရုံးချုပ်ကို ပို့ခဲ့ရပါတယ်”
-
“Quarantine စင်တာတွေ စလုပ် ကတည်းက စပြောတယ်။ တံခါးရောရှိရဲ့လား။ ဂျက်ကောထိုးရဲ့လား။ အစောင့်ရော ရှိလားဆိုတော့…ပိုတယ်တွေ ဘာတွေ လုပ်တာ။ တမြို့ထဲသားချင်းပဲ ဘယ်သူကလုပ်မှာစိုးလို့လဲ။ ဘယ်သူက လုပ်မှာ မိုလို့လဲ။ ဘာလဲ။ ညာလဲ ။ ရွာမှာပဲ ဒီလောက်လုပ်တာကိုပဲ နင်တို့က ကျေးဇူးတင်ဦးဆိုတဲ့ ဟာတွေ ရှိတယ်။ အခုတော့ မဖြစ်သင့်ပဲ ဖြစ်သွားတဲ့ဟာဖြစ်တယ်”
-
“(တချို့ကတော့) သူတို့မှာ ဟာကွက်ရှိသွားလို့ တိုက်ခိုက်ခံရတာလေ။ အလကားနေရင်း ခြိမ်းခြောက်ခံရတာ မဟုတ်ဘူး။ ဝတ်လစ်စလစ် ဗီဒီယို ပို့ဖူးလို့၊ ဝတ်လစ်စလစ်ဓာတ်ပုံ ပို့ဖူးလို့၊ Sex Chat ဖူးလို့၊ ဘဲနဲ့ Sex Chat လုပ်တဲ့ ကာလမွာ Video ရိုက်မိလို့ သူတို့ ဒီလို ဖြစ်ကြတာများတယ်ဆိုတော့ သူတို့ကိုယ်တိုင်လည်း အမှားတွေ ရှိခဲ့ကြတာလေ”
-
“မွန်ရိုးရာဓလေ့အရ အမျိုးသမီးနဲ့ အမျိုးသားကို ခွဲခြားမှုတော့ရှိတယ်။ ကျမတို့ဆီက ခွဲခြားခြင်းဆိုတာ သိပ်ပြီး တော့ မသိသာဘူး။ ဒါပေမယ့် ပြုပြင်ရခက်တယ်။ ရှင်းရှင်းပြောရင် ထမင်းစားရင်တောင်မှ ယောကျာ်းတွေပဲ အရင် စားခိုင်းတယ်။ အမျိုးသမီးတွေက နောက်မှစားရတယ်။ အဲဒါတွေက အခုထက်ထိကို ရှိနေသေးတယ်”
-
“ ဒီတနှစ်မှာ မွေးဖွားခါနီး ကိုယ်ဝန်သည်တောင် ရိုက်တာတွေရှိတယ်။ နောက် ဖမ်းခေါ်သွားတာတွေ မကြာခဏဖြစ်တယ်။ ကွတ်ခိုင်နဲ့ နမ့်ဖတ်ကာဆိုရင် တော်တော်များတယ်။ ကျမ လက်လှမ်းမှီသလောက်ဆိုရင် ၅ ခု လောက်ရှိတယ်”
-
“အွန်လိုင်းမှာ လိင်ပိုင်းဆိုင်ရာနဲ့ပတ်သက်ပြီးအသရေဖျက်တဲ့ ကိစ္စတွေ ခြိမ်းခြောက်တဲ့ကိစ္စတွေကို သေသေချာချာ စုံစမ်းဖော်ထုတ်ပေးနိုင်မှုက အားနည်းနေသေးတယ်။ အားနည်းချက်တွေရှိတဲ့အတွက် အမျိုးသမီးတွေက တရားမျှတမှုရရှိဖို့ တချို့အခြေအနေမှာ အခက်အခဲတွေတွေ့ရတယ်”
-
အမျိုးသမီးတွေရဲ့ စိန်ခေါ်မှု အခက်အခဲတွေက စည်းရုံးရေးဆင်းတဲ့နေရာမှာ အမျိုးသမီးတွေ မသွားသင့်တဲ့ နေရာတွေ ရှိတယ် ပတ်ဝန်းကျင်က လက်မခံတဲ့ နေရာတွေ ရှိတယ်။ အမျိုးသမီးကိုယ်စားလှယ်ဆိုလို့ရှိရင် လူတွေက ပိုပြီးစိတ်ဝင်စားတယ်လို့ ပြောရမလား။ ပိုပြီးသတိထားကြတယ်။ ကျမတို့က အချိန်တိုင်းကို သတိနဲ့ သွားလာနေရတယ်။ အမျိုးသမီးတွေက နည်းနည်းလေးမှ ခြေလမ်းမှားလို့ မရဘူး။ မှားရင် ပြစ်တင် ဝေဖန်မှုတွေ အမျိုးသားတွေထက် ပိုရှိတယ်။