“ဆန်ပြုတ်တောင် ပုံမှန်မသောက်ရဘူး၊ မိခင်တွေဆို နို့ပါမထွက်တော့ ကလေးက ရေလောက်နဲ့ အသက်ဆက် ရတော့ မခံနိုင်ဘဲ ဆုံးတာ"

“အိပ်ဖို့ လှဲလိုက်တာနဲ့ မျက်ရည်ကျတော့တာပဲ၊ ငါဒီကို ဘာလို့ရောက်လာခဲ့တာလဲ မသိတော့ဘူး၊ အိမ်ပြန်ချင်ပြီ၊ ဘယ်တော့ မှ အိမ်ပြန်ရပါ့မလဲပေါ့၊ ငါ့မိဘတွေ ငါ့ကိုလိုက်ရှာနေမလားဆိုတဲ့အတွေးနဲ့ ပူလောင်နေတာပေါ့”

တော်လှန်ရေးနယ်မြေတွေထဲက အာဏာအလွဲသုံးစားပြုနေတဲ့ လက်နက်ကိုင်တချို့ဆီမှာ မုဒိမ်းမှုတွေ၊ လိင်ပိုင်းဆိုင်ရာကျူးလွန်တာတွေခံရပေမယ့်လည်း ကျူးလွန်သူက လက်နက်ကိုင်ထားသူဖြစ်တော့ ကိုယ့်လုံခြုံရေးစိုးရွံ့ရတာ၊ တိုင်ကြားပြန်တော့လည်း အရေးယူခံရဖို့က အလှမ်းဝေးနေတော့ ကျူးလွန်ခံရသူတွေမှာ လူသိရှင်ကြားဖြစ်ပေမယ့်နဲ့ တရားမျှတမှုရဖို့ ဝေးနေဆဲဖြစ်တယ်ဆိုတာ လက်တွေ့ကြုံနေကြရသူတွေရဲ့ ထုတ်ဖော်ပြောကြားချက်တွေအရ သိရပါတယ်။