သတင်းဆောင်းပါး
“ဆေးစစ်ဆေးချက်တွေအားလုံး အောင်မြင်သွားပြီးတော့ နောက်ဆုံးအနေနဲ့ ကျောက်ကပ်သွေးကြောအားကောင်း၊ မကောင်းကို ဓာတ်မှန်ရိုက်ရမယ်လို့ ဆရာဝန်တွေက ပြောလာပါတယ်။ အဲ့ဒီဓာတ်မှန်ရိုက်ဖို့အတွက် ဆေးသုံးလုံးထိုးရမယ်။ ဆေးထိုးချိန်မှာ အခန့်မသင့်ရင် ရှော့ခ် ဖြစ်ပြီးတော့ သေသွားနိုင်တယ်လို့ဆိုပါတယ်။ ဒါပေမယ့် ကျမက အဲဒီဆေးစစ်ချက်ကို ပြုလုပ်နိုင်ဖို့အတွက် ဆရာဝန်တွေဆီမှာ ဝန်ခံလက်မှတ်ထိုးပြီးတော့ စစ်ဆေးချက်ခံယူခဲ့ပါတယ် ”
“အဲ့ဒီနေ့ သပိတ်ဖြိုခွဲခံရတုန်းက ပြေးကြရတယ်။ အမေက လွတ်တယ်။ ဒါပေမယ့် အဲ့အချိန်တုန်းက အမျိုးသမီးတွေ အများကြီး ဖမ်းမိတယ်။ အဲ့အချိန်မှာ အမေက နာမည်ထွက်ထားပြီး လိုက်နေတာကြတာ ဆိုတော့ အမေ့ကို ဖမ်းချင်နေမှန်း အမေလည်းသိတယ်။ အမျိုးသမီးတွေအများကြီး ဓားစာခံဖြစ်သွားမှာစိုးလို့ အမေက ကျန်တဲ့သူတွေကို လွှတ်ပေးလိုက်ပါဆိုပြီး ကားပေါ်ကနေတခါတည်းဆွဲချပြီးတော့ သူ့ကိုဖမ်းချင်ရင် ဖမ်းသွားပါဆိုပြီး လိုက်သွားတယ်”
“ဒီအချိန်က ဘဝအတွက်ကြိုးစားနေရမယ့်အချိန်လေ၊ ဒီအချိန်မှာ ဒီလိုထွက်ပြေးနေရတာ၊ တချို့ဆိုအိမ်ကို တစ်သက်လုံးပြန်မလာနိုင်တော့ဘူး။ လူငယ်တွေရဲ့ အနာဂတ်ပျောက်ကုန်ပြီ၊ တန်ဖိုးရှိတဲ့အချိန်တွေဆုံးရှုံးရတယ်၊ အာဏာရှင်နဲ့ လက်ပါးစေတွေကို နာကျည်းမုန်းတီးတယ်”
“အခွင့်ထူးခံ လူတန်းစားလိုတော့ မလိုချင်ဘူး၊ မျှော်လည်းမမျှော်လင့်ဘူး။ သာတူညီမျှတဲ့ အခွင့်အရေးတွေရဖို့ပဲ မျှော် လင့်တယ်”
“ ကျနော်အနေနဲ့ တောက်လျောက် လူ့အခွင့်အရေးကိစ္စ လုပ်ဆောင်ခဲ့တယ်။ LGBT အရေးက ကျနော့်လုပ်ဆောင်မှုဖြစ် တယ်။ ဒါပေမယ့် ဝန်ကြီးတာဝန်ထမ်းဆောင်တဲ့အခါမှာတော့ အုပ်စုတစ်စုကိုပဲ ဦးတည်ပြီးတော့ လုပ်လို့မရတော့ဘူး။ ကျနော့်တာဝန်က မြန်မာပြည်မှာရှိတဲ့ လူသားတိုင်းတန်းတူရရှိဖို့ လူသားတိုင်းအားလုံးကို ကာကွယ်ပေးနိုင်ဖို့ဖြစ်တယ်”
“အမက ကိုယ်ဖြစ်တည်မူနဲ့ လွတ်လွတ်လပ်လပ်နေချင်တော့ နေစရာမရှိလည်း စိတ်ချလက်ချနဲ့ အိမ်ပေါ်ကနေ ဆင်းလိုက်တယ်”
“ နွေရာသီက ဘယ်လောက်ပဲပူပူ မြေပြင်မှာ နေလို့အဆင်ပြေပါတယ်။ မိုးရွာရင်တော့မခိုင်ခန့်တဲ့ ဒီအိမ်လေးတွေပေါ်မှာ နေတဲ့သူတွေအားလုံးက ပြိုကျမှာကို စိုးရိမ်ကြတယ်”
“ကျမတို့နဲ့ ကလေးတွေပြေးလာတာ။ ယောကျ်ားက ရွာမှာကျန်ခဲ့တယ်။ လမ်းတလျှောက်လုံး နေပူထဲ အရိပ်ကမရှိ၊ ရေကရှားတော့ ချွေတာသောက်ရတယ်။ ဒီထဲသစ်ကိုင်းခြောက်တွေထဲက ဖြတ်လာရတော့ တကိုယ်လုံးမှာလည်း ခြစ်ရာ တွေချည်းပဲ။ ချွေးနဲ့ဆိုတော့ စပ်တာပေါ့။”
“ တရုတ်နိုင်ငံက ပြန်ရောက်လာတော့ ကိုဗစ်-၁၉ ရောဂါပျံ့ပွားစပေါ့… အလုပ်အကိုင်တွေ သိပ်ကို ရှားပါးနေတဲ့အချိန်မှာ ကျွန်မ အမှိုက်ကွင်းထဲကိုသွားပြီးတော့ ပလပ်စတစ်ဗူးခွံတွေလိုက်ကောက်ပြီး ရောင်း တယ်။ ဈေးထဲမှာ ဟင်းသီးဟင်းရွက်တွေ ရောင်းပါတယ်၊ မရှက်တော့ပါဘူး…စားဝတ်နေရေးနဲ့ ကလေးတွေ စရိတ်က ကျွန်မအတွက် အရေးကြီးလာပါတယ်”
“ကျမ အမေအပါအဝင် အခြားသော မိခင်အားလုံးကိုလည်း ဂုဏ်ပြုပါတယ်။ ကျမတို့ နိုင်ငံမှာ ကျမတို့လိုချင်တဲ့ ဖက်ဒရယ် ဒီမိုကရေစီတည်ဆောက်နိုင်ပြီ စစ်အာဏာရှင်တွေ ပျက်သုဉ်းသွားပြီဆိုတဲ့ရလဒ်ကို မိခင်များနေ့အထိမ်းအမှတ်အနေနဲ့ အဲ့လက်ဆောင်ကို တကယ်ပေးချင်ခဲ့တယ်။ ဒီနှစ်မှာမပေးနိုင်ဘူးဆိုရင်တောင်မှ တနေ့နေ့မှာ ပေးနိုင်မယ်လို့ မျှော်လင့်ပါတယ်”
