ရိုက်ကူး ၊ တည်းဖြတ် – Honest Information
ကမ္ဘာ့အမွေအနှစ်စာရင်းဝင် ပုဂံဒေသဟာ ကိုဗစ်နဲ့အာဏာသိမ်းမှုကြောင့် ခရီးသွားလုပ်ငန်းရပ်တန့်သွားတာ နှစ်နှစ်ကျော်လာပြီး ဒီလုပ်ငန်းအပေါ် မှီခိုနေကြတဲ့ဒေသခံတွေရဲ့ စားဝတ်နေရေးဟာ ခက်ခဲကျပ်တည်းလာပါတယ်။
ဒီထဲမှာ ပုဂံဘုရားတွေမှာ သမိုင်းကြောင်းလိုက်လံ ရှင်းပြပေးနေတဲ့ ကလေးငယ်လေးတွေလည်းပါဝင်ပြီး လက်ရှိမှာ သူတို့ ဟာ အဆင်ပြေမယ့်လုပ်ငန်းတွေ ပြောင်းရွှေ့လုပ်ကိုင်နေကြပါတယ်။
ပုံမှန်ဘုရားသမိုင်း လိုက်လံရှင်းပြပေးနေတဲ့ကလေးငယ်တွေဟာ လက်ရှိမှာတော့ ဧည့်သည်လိုအပ်ချက်အပေါ်မူတည်ပြီး အလှ ဓါတ်ပုံရိုက်ပေးတာ၊ ဆံပင်ကျစ်ပေးတာ၊ သနပ်ခါးလိမ်းပေးတာ စတဲ့ လုပ်ငန်းတွေ ပြောင်းလုပ်လာတာပါ။
ဘုရားသမိုင်းကြောင်းကို ရှင်းပြသူတွေက ၁၀ ကျော်သက်ကလေးငယ်တွေများပါတယ်။ အခုနောက်ပိုင်းမှာတော့ မိဘတွေက အလုပ်မရှိ၊ ဝင်ငွေမရှိဖြစ်လာတဲ့အခါမှာ ကလေးငယ်တွေအလုပ်ထွက်လုပ်ရတော့တာပါ။
