Entries by Administrator

မုန်းဒေသက အခြေခံအမျိုးသမီးတွေနဲ့ ကွမ်းသီးခြစ်လုပ်ငန်း

/in

မယ်လွန်း။      ။ ပဲခူးတိုင်း၊ ကျောက်ကြီးမြို့နယ်၊ မုန်းမြို့ (မုန်းဒေသ) ဟာ ကရင်အမျိုးသားအစည်းအရုံး (KNU)နဲ့ မြန်မာ အစိုးရစစ်တပ်တို့ရဲ့ ထိန်းချုပ်မှုနယ်မြေထဲမှာရှိပြီး သေနတ်သံတွေ၊ မိုင်းသံတွေ၊ ရပ်စဲခဲ့တာ နှစ်အနည်းငယ် (နှစ်နှစ်ပတ်ဝန်း) ကျင်ပဲ ရှိပါသေးတယ်။ မုန်းဒေသမှာရှိတဲ့ ကျေးရွာတွေထဲကိုရောက်ရင် မျက်စိတဆုံး ဧကပေါင်းများစွာ ကျယ်ပြောလှတဲ့ ကွမ်းသီးခြံ (ဒေသအခေါ်ဥယျာဉ်ခြံ)တွေနဲ့ ကြည်နှူးစရာကောင်းလှပါတယ်။ ဥယျာဉ်ခြံပိုင်ရှင်အများစုကတော့ အခြားဒေသကလူတွေဖြစ်ကြပြီး လူနည်းစုသာ ရွာခံပိုင်ရှင်တွေဖြစ်ပါတယ်။ ဒေသခံအများစုဟာ အခြေခံလူတန်းစားတွေဖြစ်ကြပြီး ကွမ်းသီးခြံစောင့်အလုပ်၊ ကွမ်းသီးချိတ်တဲ့အလုပ်၊ ကွမ်းသီးကောက် အလုပ်၊ ကွမ်းသီးခြစ်တဲ့အလုပ်၊ ကွမ်းသီးထောင်းပြီးနေလှန်းတဲ့အလုပ်တွေနဲ့ အသက်မွေးဝမ်းကျောင်းပြုကြ ပါတယ်။ ကလေးအရွယ်ကနေ သက်ကြီးရွယ်အိုအဆုံး အမျိုးသမီးတွေကတော့ ကွမ်းသီးကောက်၊ ဥယျာဉ် ခြံစောင့်အလုပ်၊ ကွမ်းသီးခြစ်တဲ့ အလုပ်တွေကိုလုပ်ပြီး နေ့တဓူ၀ စားဝတ်နေရေး၊ ပညာရေး၊ ကျန်းမာရေး အတွက် ဖြေရှင်းကြပါတယ်။ […]

နန်းမိုဟွမ်အရေး ဘာကြောင့်နှုတ်ပိတ်နေကြသလဲ

/in

နန်းဆိုင်နွမ်။        ။ “ ကျမညီမအတွက်  အရမ်းစိတ်ပူတယ်။ အမြန်ပြန်လွှတ်ပေးဖို့ ပြောချင်ပါတယ်” ဟု နန်းမိုဟွမ်၏အစ်မဖြစ်သူ နန်းမိုခမ်းက ငိုယိုပြီး ပြောသည်။ “ နန်းမိုဟွမ်ရဲ့သားငယ်က အချိန်တိုင်း သူ့အမေကို မေးနေတာ ကျမစိတ်မကောင်းဘူး” ဟု သူမက ဝမ်းနည်းစွာဖြင့်  ဆက်လက်ပြောပြသည်။ နန်းမိုဟွမ်ပြန်လွှတ်လာရေးအတွက် အစ်မဖြစ်သူနန်းမိုခမ်းကိုယ်တိုင် ဦးဆောင်ပြီး စက်တင်ဘာ(၉)ရက်နေ့ နံနက် က နမ့်ခမ်းဒေသခံများနှင့်အတူ ဆန္ဒထုတ်ဖော်မှုများ ပြုလုပ်ခဲ့သည်။ ကလေး(၃)ယောက်မိခင် နန်းမိုဟွမ်တယောက် အမြန်ပြန်လွှတ်လာရန်တောင်းဆိုသည့် ဆန္ဒထုတ်ဖော်ပွဲတွင် နမ့် ခမ်းဒေသခံ (၃၀၀) ကျော်တက်ရောက်ခဲ့ပြီး၊ ရောက်လာသည့် အမျိုးသမီးများသည် နန်းမိုဟွမ်အတွက် ဝမ်းနည်းစွာ ငိုကြွေးခဲ့ကြသည်။ တအာင်းအမျိုးသားလွတ်မြောက်ရေးတပ်မတော် (TNLA) က သြဂုတ်လ(၁၇)ရက်နေ့၊ မနက်(၈)နာရီခွဲအချိန်မှာ ကလေးတွေကို ထမင်းကျွေးနေတဲ့ နန်းမိုဟွမ်ကို သေနတ်ဖြင့် ထောက်ပြီး ကားပေါ်သို့ […]

ဘားအံရေကြီးမှုနောက်ကွယ်က လယ်သူမဒေါ်ထွေးပို

/in

မယ်လွန်း။           ။ စိမ်းလဲ့တဲ့ ရေပြင်ကျယ်ကြီးဟာ အင်းလေးကန်ကြီးအလား ထင်ရပါတယ်။ တောင်တွေက ဟိုမှာတလုံး ဒီမှာတလုံး မြင်နေရပြီး သစ်ပင်သစ်အုပ်တွေ တရိပ်ရိပ်ရှိနေတာဟာ မြင်ရသူအဖို့ စိတ်လန်းဆန်းကြည်နူး စေမယ်လို့ထင်ရပါတယ်။ ဒါပေမဲ့ ရွာခံတောင်သူလယ်သမားတွေအဖို့တော့ ဒီမြင်ကွင်းက စိတ်အေးချမ်း စရာ မဟုတ်ခဲ့ပါဘူး။

ဇလွန်က ထောင်ဒဏ်နှစ် (၂၀)နောက်ကွယ်

/in

မယ်လွန်း။             ။ “အမျိုးဘာသာသာသနာဖျက်မ၊ ဝိုင်းပြီး share ပေးကြပါ”ဆိုပြီး မိန်းကလေးငယ်တဦးရဲ့ ဓာတ်ပုံတွေနဲ့အတူ လူမှုကွန်ယက်စာမျက်နှာပေါ်မှာ ပြီးခဲ့တဲ့ရက်ပိုင်းက သတင်းဖြန့်မှုတွေ တွေ့ရပါတယ်။ ဒါကတော့ အသက်(၁၂)နှစ်ကျော်အရွယ် မိန်းကလေးငယ်ကို မုဒိမ်းပြုကျင့်မှုကြောင့် ဧရာဝတီတိုင်း ဒေသ ကြီး ဇလွန်မြို့နယ်၊ ညောင်အိုင်ရွာက စိတ္တသုက္ခကျောင်း ကျောင်းထိုင်ဘုန်းကြီးတပါးဖြစ်ခဲ့သူ ဦးသုန္ဒရ (ခ) ဦးဟန်စိုးကို ထောင်ဒဏ်အနှစ်(၂၀) တရားရုံးက အမိန့်ချမှတ်ခဲ့တဲ့အပေါ် မကျေနပ်တဲ့ ရွာခံတဦးက ရေး တင်ခဲ့တာဖြစ်ပါတယ်။ အမိန့်ချပြီး နောက်တရက်ဖြစ်တဲ့ သြဂုတ်လ(၂၅)ရက်နေ့မှာပဲ ဒီလိုသတင်းဖြန့်မှုတွေ ထွက်ပေါ်လာခဲ့တာပါ။ မူရင်းစာတင်သူရဲ့ စာ (post) အောက်မှာတော့ “သူ့လိုလူမျိုး ရွာမှာရှိတာ ရွာနာတယ်” ဆိုတဲ့ ထင်မြင်ချက် တွေကိုလည်း တွေ့ရပါတယ်။ အလားတူပဲ “ကျောင်းထိုင်တပါး ထောင်ကျသွားတော့ အေးချမ်းသွားကြပြီ လော” ဆိုတဲ့စာ […]

စစ်ဒဏ်သင့် နယ်မြေတွင် ပထမဆုံးအကြိမ် ပြုလုပ်သော ငြိမ်းချမ်းရေး ပန်းချီ/ ကဗျာပြိုင်ပွဲ

/in

  ကောကော်။           ။ ပဲခူးတိုင်းဒေသကြီး၊ ကျောက်ကြီးမြို့နယ်၊ မီးတိုင်တော ကျေးရွာအုပ်စုရှိ အောင်ချမ်းသာကျေးရွာနှင့် ကော့ပြင်းကျေးရွာ စသည့် စစ်ဒဏ်သင့်ခဲ့သော ကျေးရွာများတွင် မြန်မာ့အမျိုးသမီးသမဂ္ဂ (BWU) မှ ဦးဆောင်ပြီး ငြိမ်းချမ်းရေးနှင့် ပါတ်သက်သည့် “ ငြိမ်းချမ်းရေးအနှစ်သာရ” ခေါင်းစဉ်ဖြင့် ပန်းချီ၊ စာစီစာကုံး၊ ကဗျာပြိုင်ပွဲများကို ပထမ ဆုံးအကြိမ်အဖြစ် ယနေ့ စနေနေ့၊ စက်တင်ဘာ(၈)ရက်နေ့တွင်  ကျေးရွာ(၂)ခု၏ အလယ်တန်း စာသင် ကျောင်း၌ ကျင်းပပြုလုပ်ခဲ့သည်။

ဘားအံရေးဘေးကြောင့် အမျိုးသမီးလယ်သူမတွေ နလန်ထူနိုင်ပါ့မလား

/in

မယ်လွန်း။      ။ ရေနည်းနည်းပြန်ကျသွားပြီဆိုပေမယ့် ဘားအံမြို့ပေါ်နဲ့ မြို့နဲ့အနီးတဝိုက် ကျေးရွာတွေမှာ ရေတွေ ကျန်နေဆဲဖြစ်ပါတယ်။ နွားစားကျက်မြေနဲ့ လယ်ယာသီးနှံစိုက်ပျိုးမြေအကုန်လုံး နှစ်မြုပ်သွားတဲ့အတွက် လယ်ယာစိုက်ပျိုးရေးနဲ့ သီးနှံစိုက်ပျိုးရေးကို အခြေခံပြီး အသက်မွေးဝမ်းကျောင်းပြုသူ တောင်သူလယ်သမားတွေအတွက်ရော ရေလွှမ်းမိုးမှုဒဏ်ကို အပြင်းအထန် ကြုံကြရပါတယ်။ ဝင်ငွေအတွက်အပြင် မိသားစုရဲ့ တာဝန်နဲ့၊ အိမ်တွင်းမီးဖိုချောင်အတွက်ပါ တာဝန်ယူနေကြရတဲ့ လယ်သူမတွေကတော့ ရေကြီးမှုဒဏ်ကို တိုက်ရိုက်အထိခိုက်ဆုံးလို့ ပြောနိုင်ပါတယ်။ အမျိုးသမီးတွေနဲ့ လယ်သမားတွေဟာ သီးနှံထွက်ချိန်ကို အားခဲစောင့်နေကြပေမယ့် ခူးချိန်ရောက်ခါနီးမှ အားလုံး ရေလွှမ်းမိုးခံခဲ့ရပါတယ်။ လယ်သူမအများစုမှာ စိုက်ခင်းအရင်းအတွက် ပြန်လည်အကြွေးဆပ်ရန် သီးနှံထွက်ချိန်ကို စောင့်ဆိုင်းနေသူများဖြစ်ပါတယ်။ အသီးခူးခါနီးအခင်းတွေမြုပ်သလို စိုက်ပြီးခါစ အခင်းတွေလည်း အကုန်လုံး ရေမြုပ်ခဲ့ရလို့ ရေပြန်ကျသွားရင် ဘဝကို အသစ်က ပြန်စရမည့် အမျိုးသမီးလယ်သူမ အများအပြားရှိနေပါတယ်။ လယ်ထွန်တာကလွဲပြီး အမျိုးသမီးတွေက အကုန်လုံး လုပ်နေကြရသလို […]

နန်းမိုဟွမ်နဲ့ နမ့်ခမ်းဒေသ ရှမ်း၊ တအာန်းအမျိုးသမီးများ လုံခြုံရေး ဘယ်သူတာဝန်ယူမလဲ

/in

နန်းဆိုင်နွမ်။             ။ မနက်(၈)နာရီအချိန်မှာ ကားတစီးရုတ်တရက်ဝင်လာပြီး ကလေးများကို ထမင်းကျွေးနေတဲ့ နန်းမိုဟွမ်ကို သေ နတ်နဲ့ထောက်ကာ ကားပေါ်ဆွဲခေါ်ပြီး တင်ဆောင်သွားခဲ့ပါတယ်။ ဖြစ်စဉ်ကတော့ သြဂုတ်လ(၁၇)ရက်နေ့မှာ တအာန်း(ပလောင်)လွတ်မြောက်ရေးတပ်မတော် (TNLA) က တပ်သား (၅)ဦးလိုက်ပါလာတဲ့ ကားတစီးဟာ ရှမ်းပြည်နယ်မြောက်ပိုင်း၊ နမ့်ခမ်းမြို့၊ ဟိုနောင်ရပ်ကွက်နေ နန်းမိုဟွမ်တို့ရဲ့ အိမ်ဆောက်ပစ္စည်း (ကုန်မာ)ဆိုင်ရှေ့မှာ လာရပ်ပြီး နန်းမိုဟွမ်ကို  သေနတ်နဲ့ထောက်ကာ ကားပေါ်အတင်းဆွဲ ခေါ်သွားခဲ့တာပါ။

စွဲချက်တင်ခံလိုက်ရတဲ့ စစ်ဆန့်ကျင်လှုပ်ရှားသူ လူထုခေါင်းဆောင် နန်ပူ

/in

နန်းဆိုင်နွမ်။                   ။ လက်နက်ကိုင် ပဋိပက္ခဒေသအတွင်းက ဒုက္ခရောက်နေသူတွေ၊ တိုက်ပွဲအတွင်း ပိတ်မိနေသူတွေကို ကယ်ဆယ်ကူ ညီရေးအတွက်ဆိုရင် မမောမပမ်း၊ အမြဲတမ်းသွက်လက်ဖျတ်လတ်နေသူ….။အသားကဖြူဖြူ၊ လူပုံစံက သွယ်လျလျနဲ့ တိတိကျကျပြောရရင် မြန်မာနိုင်ငံမြောက်ဘက်ကုန်းမြင့်ဒေသက ကချင် တိုင်းရင်းသူ (ဒေါ်)နန်ပူဟာ အမျိုးသားတွေနဲ့ယှဉ်ပြီး စစ်ပွဲတွေထဲမှာ မကြောက်မရွံ ဦးဆောင်ဦးရွက်ပြုနေသူဖြစ် ပါတယ်။ သူမဟာ ယခုနှစ် ဧပြီလအတွင်း ကချင်လွတ်လပ်ရေးတပ်မတော်နဲ့ မြန်မာ့တပ်မတော်တို့ တိုက်ပွဲဖြစ်ပွားကာ အရပ်သားများ ပိတ်ဆို့ခံခဲ့ရတဲ့အတွက် ဦးဆောင်ဆန္ဒပြတောင်းဆိုခဲ့သူလည်းဖြစ်ပါတယ်။ (ဒေါ်) နန်ပူဟာ သူ့ရဲ့လုပ်ဆောင်မှုတွေကြောင့် တပ်မတော်က တရားစွဲဆိုခြင်းကို ရင်ဆိုင်နေရပြီး စက်တင်ဘာ လ(၃)ရက်နေ့မှာတော့ တရားရုံးက သူမအမှုကို စွဲချက်တင်လိုက်ပါပြီ။ ကချင်စစ်ပွဲရပ်တန့်ရေးအတွက် မြစ်ကြီး နားမြို့က ဆန္ဒပြပွဲဦးဆောင်ခဲ့သူ(၃)ဦးကို အသရေဖျက်မှုနဲ့ စစ်တပ်ဖက်က တရားစွဲဆိုထားတဲ့ကိစ္စမှာ “ထွယ်” အမျိုးသမီးနဲ့ ဖွံ့ဖြိုးရေးအဖွဲ့မှ (ဒေါ်) နန်ပူလည်း […]

ထမီအပေါ် အနုပညာအားဖြင့် ဘယ်လိုတုန့်ပြန်ကြသလဲ

/in

ကောကော်။ ။ ̏ ကျွန်တော်တို့မြန်မာနိုင်ငံမှာ အမျိုးသမီးတွေဝတ်တဲ့ လုံချည်ကို အိမ်ရှေ့မှာ ထုတ်လှန်းရင် မယဉ်ကျေးဘူး လို့ ပတ်ဝန်းကျင်က ခံယူထားကြတယ်၊ အဲဒါကြောင့် ထမီတွေကို မတွေ့ရဘူးလို့ပြောတော့ သူမက ဟုတ် လားလို့ တအံ့တသြနဲ့ ပြန်မေးတယ် ̋

အကြမ်းဖက်ခံရသူအမျိုးသမီးများအတွက် ငွေတောင်ပြည်မှ Helpline (၂၄)နာရီဝန်ဆောင်မှုစတင်ပြီ

/in

ကောကော်။              ။ ̏ ခါတိုင်းဆိုရင် ကျမတို့လက်ကိုင်ဖုန်းကို ညသန်းခေါင်အချိန်ခေါ်လာရင် ကိုင်ချင်မှကိုင်မယ်၊ အခု Helpline ထားရှိလိုက်တာမို့ ဘယ်အချိန်ဖြစ်ဖြစ် ကိုင်ရတော့မယ်။ ဆိုတော့အမျိုးသမီးတွေအတွက် ဝန်ဆောင်မှု ကောင်းကောင်းရှိဖို့လည်း အစီအစဉ်တွေ လိုလာပါမယ် ̋ အကြမ်းဖက်ခံရတဲ့ အမျိုးသမီးများအတွက် Helpline တခုဖွင့်လိုက်ခြင်းဖြင့် ပိုပြီးထိရောက်မြန်ဆန် တဲ့ဆက်သွယ်မှုတခု ရရှိလာမယ်လို့ မျှော်လင့်တယ်လို့ ကရင်နီအမျိုးသမီးအစည်းအရုံး(KNWO)မှ တာ ဝန်ရှိသူ မော်သဲမာက ပြောပါတယ်။ လိင်ကွဲပြားမှုအပေါ် ခွဲခြားတဲ့အမြင်တွေကြောင့် ဖြစ်ပေါ်လာတဲ့ အကြမ်းဖက်ခံရသူများကို အချိန်မ ရွေး အမြန်ဆုံးကူညီနိုင်ဖို့ ကရင်နီအမျိုးသမီးအစည်းအရုံး(KNWO)က ကယားပြည်နယ်၊ လွိုင်ကော်မြို့မှာ Helpline (၂၄)နာရီဝန်ဆောင်မှုကို ၂၀၁၈ ခုနှစ်၊ သြဂုတ်လအတွင်း စတင်ဖွင့်လှစ်ထားပြီလို့ ကရင်နီ အမျိုး သမီးအစည်းအရုံးမှ အထွေထွေအတွင်းရေးမှူး ဒေါ်မီးမီးက ပြောပါတယ်။ အခုလို လွိုင်ကော်မြို့မှာ […]