တော်လှန်ရေး

“ ကျွန်မမှာအခုဖြစ်ချင်တဲ့ ဆန္ဒပေါ့။ ဘာတွေလုပ်ချင်လဲ ဆန္ဒနှစ်ခုရှိတယ်။ ကို‌မောင်ကျော်ကို ပြန်တွေ့ရမလားဆိုတဲ့ မျှော်လင့် ချက်နဲ့ အကျဉ်းကျခံနေရတဲ့သူတွေရဲ့ ထောင်တံခါးကိုဖွင့်ပေးချင်တယ်။ အားလုံးလွတ်လပ်တဲ့လေကိုရှူရှိုက်ပြီးတော့ လွတ် လပ်တဲ့ဘဝမှာရှင်သန်စေချင်တယ်။”

“သမိုင်းကလိုအပ်လာရင် ဝင်ရောက်ထမ်းဆောင်ဖို့ အသင့်ရှိသူအနေနဲ့ပဲ ကျရာတာဝန်ယူခဲ့တယ်။”

“တော်လှန်ရေးပြီးရင်ဘာဖြစ်ချင်လဲမေးရင် ကိုယ့်အိမ်ကိုယ် အေးအေးချမ်းချမ်းနေချင်တာပဲရှိပါတယ်။”

ဒဂုံတက္ကသိုလ်ကျောင်းသားများသမဂ္ဂ ဥက္ကဋ္ဌ ကိုမင်းဟန်ထက်ကတော့ “မလင်းလင်းက အခုအချိန်ထိ လမ်းတွေပေါ်မှာ ဆက်လက် တော်လှန်နေဆဲ ဟစ်ကြွေးနေဆဲ အမျိုးသမီးခေါင်းဆောင်တွေထဲက တစ်ယောက်ပါပဲ။”လို့ မှတ်ချက်ပြုပါတယ်။

“ ငါ့ရဲ့ဖြစ်တည်မှုသည် အရင်ကတည်းက ဝေဖန်လှောင်‌ပြောင်ခွဲခြားဆက်ဆံခံခဲ့ရတယ်။ အဲ့ဖြစ်တည်မှုနဲ့မွေးဖွားလာတဲ့ ငါသည်လည်းတစ်ချိန်ချိန်မှာ နိုင်ငံအတွက် မိသားစုအတွက် စံပြရတဲ့ပုဂ္ဂိုလ်နိုင်ငံကိုလည်း အကျိုးပြုနိုင်တဲ့ ပုဂ္ဂိုလ်ဖြစ်ရမယ် ဆိုတဲ့ အိပ်မက်လေးတော့ရှိပါတယ်။”

“ အကျဉ်းထောင်ကပြန်လည်လွတ်မြောက်လာတော့ ကျွန်မလူအသိုင်းအဝိုင်းနဲ့တခြားစီဖြစ်နေသလို ခံစားရတယ်။ လူတွေနဲ့ လည်းစကားမပြောချင်ဘူး။ တစ်ယောက်ထဲနေချင်တယ်။ တွေးငေးနေတာမျိုး ညလည်းမအိပ်ဘူး။ ဘယ်အချိန်ပြန်လာဖမ်းဦး မလဲဆိုတဲ့ အတွေးနဲ့နေ့ရောညရော လုံခြုံမှုမရှိဘူးလို့ ခံစားရတယ်။”