မိမိကိုယ်မိမိကာကွယ်ပါ။ သူများကိုလည်း အားပေးပါ။ တကယ်လိုအပ်တဲ့အချိန်မှာ အားပေးခြင်းခံတဲ့အခါ အားပေးတဲ့သူရော အားပေးခံရတဲ့သူရော နှစ်ဦးနှစ်ဖက် အကျိုးရှိပါတယ်။ ဥပမာ - ဖုန်းလေးဆက်ပြီး အားပေးတာမျိုး၊ တကယ့်ကို အကူညီလိုအပ်နေသူတွေကို ဖော်ထုတ်ပြီး လူမှုဝန်းကျင်က စုပေါင်းကူညီခြင်းဖြင့် တလုံးတဝတည်း စုစည်းညီညွှတ်ခြင်း ခံစားချက်ကို ရရှိစေမှာဖြစ်ပါတယ်။

စိတ်ဖိစီးမှုတွေ အများကြီးကြုံတွေ့ရတဲ့ အမျိုးသားတွေမှာ တခါတလေမှာ စိတ်ဖိစီးမှုကို ဖြေ ဖျောက်ဖို့အတွက် အရက်သေစာ သောက်စားတာ၊ မူးယစ်ဆေးဝါးသုံးစွဲတာတွေ ရှိတတ်ပါတယ်။ စိတ်ဖိစီးမှု လျော့ချနိုင်ဖို့ အရက်သောက်ကြတယ်၊ အရက်မူးတဲ့အခါမှာ စိတ်ထွက်ပေါက်အနေနဲ့ မိန်းမကို အကြမ်းဖက် လာကြတာ တွေ့ရပါတယ်။

လူ့အဖွဲ့အစည်းလို့ သုံးနှုန်းလိုက်တာနဲ့ လိင်ကွဲပြားမှုအရ အမျိုးသားရော၊ အမျိုး သမီးပါ အကျုံးဝင်နေပါတယ်။ ခေတ်အဆက်ဆက် အမျိုးသမီးတွေအတွက် တရားမျှတမှုကင်းမဲ့တယ်ပဲဆိုဆို၊ ဒီကနေ့ထိ အမျိုးသမီးတွေ ဖိနှိပ်ခံနေရတုန်းလို့ပဲပြောပြော လူ့အဖွဲ့အစည်းကြီးတစ်ခုလုံးက ဓလေ့ထုံးတမ်းတွေအရ အမျိုးသားတွေ ကို ရှေ့တန်းတင်ခြင်း၊ အမျိုးသမီးတွေအပေါ် နိုင်လိုမင်းထက် ပြုနိုင်သယောင် သင်ကြားလမ်းညွှန်ခဲ့ကြတဲ့ အပြုအမူ၊ အပြောအဆိုတွေဟာ လူ့အဖွဲ့အစည်းကြီးထဲမှာ စိမ့်ဝင်ခဲ့ရပါတယ်။