ကောကော်။                ။ အဓမ္မပြုကျင့်ခံရပြီးရခဲ့သည့်ကလေး အသက်(၁)နှစ်ကျော်မှ ရဲစခန်းကို သွားတိုင်ခဲ့သည့်အတွက် ကာမလိမ် လည်မှုနှင့် တရားရင်ဆိုင်ရကာ အကြိမ်ပေါင်းမနည်း ရုံးချိန်းသို့ သွားနေရသည့် မအိစန္ဒာ…။ ရိုးသားပြီး ဗဟု သုတနည်းသော သူမဆီမှ အခွင့်အရေးယူကာ အကြိမ်ကြိမ်အဓမ္မပြုကျင့်ခဲ့ပြီး ကိုယ်ဝန်ရလာမှ တခြား အမျိုးသားတဦးနှင့် ဟန်ဆောင်လက်ထပ်စေခြင်း၊ နောက်ဆက်တွဲကလေးဖျက်ချစေခြင်း၊ အခန်းထဲတွင် (၄) ရက်အကြာ ပိတ်လှောင်ထားခြင်း စသည့် စသည့် မယုံကြည်နိုင်စရာ အနိုင်ကျင့်အကြမ်းဖက်မှုများနှင့် ရင် ဆိုင်ခဲ့ရသူ..မအိစန္ဒာ…။ စစ်ကိုင်းတိုင်း၊ ကန့်ဘလူမြို့နယ်မှ ကျေးလက်အမျိုးသမီးတော်တော်များများသည် ရက်ကန်းခတ်သော အတတ်ပညာကို ရွှေဘိုမြို့တွင် သွားရောက်သင်ယူကြရသည်။ လွန်ခဲ့သော (၃)နှစ်က အသက်(၂၀)ကျော် ခါစသာ ရှိသေးသည့် မအိစန္ဒာသည် ရက်ကန်းခတ်သင်ခဲ့သူတဦးဖြစ်သည်။ ရက်ကန်းရုံတွင် အမျိုးသမီး ဦးရေများသောကြောင့် စည်းကမ်းတင်းကြပ်စွာ ချမှတ်ထားသည်။ တနေ့ မနက်(၇)နာရီဝန်းကျင်လောက်တွင် […]

သွေး (စစ်ကိုင်း)။          ။ “နှစ်ပေါင်းသောင်းချီသိန်းချီပြီး စီးဆင်းလာခဲ့တဲ့ မြစ်ကြီးသံလွင်ကို လွတ်လွတ်လပ်လပ် စီးစေချင်ပါတယ်။ ကျမတို့အတွက် တော့ အသက်သွေးကြောပါပဲ” “စီမံကိန်းတွေရှိလာရင် ကျမတို့ဒေသခံတွေ ပထမဆုံးခံစားရတာက ကောင်းကျိုးထက် ဆိုးကျိုးပဲလေ။ ကိုယ့်ဒေသမှာ ငြိမ်း ချမ်းတာကိုပဲ လိုလားပါတယ်” အခု ဖော်ပြခဲ့တာတွေက ရေကာတာ စီမံကိန်းတွေနဲ့ ပတ်သက်ပြီး စိုးရိမ်ပူပန်နေတဲ့ ဒေသခံအမျိုးသမီး(၂)ဦးရဲ့အသံပါ။ မြန်မာနိုင်ငံမှာ ဧရာဝတီမြစ်၊ သံလွင်မြစ်၊ စစ်တောင်းမြစ်၊ ချင်းတွင်းမြစ်ဆိုပြီး အဓိက မြစ်ကြီး(၄)သွယ် စီးဆင်းနေရာမှာ သံလွင်မြစ်ပေါ်မှာ တည်ဆောက်ဖို့ စီစဉ်နေတဲ့ ရေကာတာစီမံကိန်းတွေက ဒေသခံတွေကို စိုးရိမ်မှုတွေ ပိုစေခဲ့ပါတယ်။ တဖက်က ဧရာဝတီမြစ် စုဆုံရာစတင်တဲ့နေရာ၊ တနည်းအားဖြင့် ကချင်ပြည်နယ်ရှိ မြစ်ဆုံနေရာမှာ တည်ဆောက်ဖို့ စီစဉ် နေတဲ့ […]

မယ်လွန်း။                   ။ ပရဟိတမင်းသားတဦးကို အလှမယ်တဦးက တရားစွဲဆိုလိုက်တဲ့သတင်း ဟိုးလေးတကျော်ဖြစ်ပြီးနောက် ပိုင်းမှာ ကာမလိမ်လည်မှုဥပဒေဟာ အမျိုးသမီးတွေ လိုသလိုအသုံးချဖို့  လက်နက်တခုဖြစ်နေသလားဆိုပြီး ပုရိဿအမျိုးသားအများစုရဲ့ စိုးရိမ်မှုတွေ မြှင့်တက်နေပါတယ်။ ဒီနေ့ခေတ်လို ရုပ်ခန္ဓာထက် တွေးခေါ်မှုတွေကို ဦးစားပေးလာတဲ့ ခေတ်ကြီးထဲမှာ အမျိုးသားနဲ့ အမျိုးသမီး လက်မထပ်ပဲ အတူနေထိုင်မှုတွေ ပေါများလာပြီး ကာမလိမ်လည်မှုဥပဒေက အငြင်းပွားဖွယ်ရာ ဖြစ်နေပါ တယ်။ အဆင်ပြေနေတုန်းတော့ အလိုတူအလိုပါနေခဲ့ပြီး  အခန့်မသင့်လို့ ဒီပုဒ်မနဲ့ စွတ်စွဲလာခဲ့ရင် အမျိုး သားတွေအတွက် တရားပါ့မလားဆိုတဲ့အသံတွေလည်း ညံလာပါတယ်။ “ကာမလိမ်လည်မှုဥပဒေ”ဆိုတာ လူ့အခွင့်အရေး၊ အမျိုးသမီးအခွင့်အရေးကို အများကြီးအလေးပေးပါတယ် ဆိုတဲ့ အနောက်နိုင်ငံတွေမှာတောင် မရှိဘူးလို့ ဆိုပါတယ်။ ဒါပေမယ့် မြန်မာနိုင်ငံလို ပုံစံခွက် အစွဲအလန်းကြီးမားတဲ့ လူမှုအဖွဲ့အစည်းရဲ့ အနေအထားအရတော့ “သူ့ အရပ်နဲ့ သူ့ဇာတ်”မို့ ထိုက်တန်တဲ့ […]

နန်းဆိုင်နွမ်။            ။ “အငှားကိုယ်ဝန်ဆောင် အမျိုးသမီးအလုပ်သမား” ဆိုသည့်စာရွက်ကို တရုတ်မြန်မာနယ်စပ်၊ ရှမ်းပြည်နယ်မြောက် ပိုင်းရှိ မူဆယ်မြို့လယ်ခေါင်နေရာအနှံ့တွင် တွေ့မြင်နေရသည်။ ထိုကြေညာစာရွက်များကို မူဆယ်မြို့၏ လူအများသွားလာလှုပ်ရှားနေသည့် ပုဂ္ဂလိကဘဏ်များ၊ တရုတ်မြန်မာ နယ်စပ်ထွက်ပေါက်ဂိတ်များ၊ ဈေးများ၊ ပြည်ထောင်စု လမ်းမပေါ်ရှိ နာရီစင်များ၊ လမ်းမီးတိုင်များတွင် ကပ်ထား ခြင်းဖြစ်သည်။ “ ဒီစာရွက်ကိုမြင်တော့ ကျမတော်တော်တုန်လှုပ်သွားတယ်။ ဒီလို  ပေါ်တင်ကြေညာတာ၊ စီးပွားရေးတခုလို လုပ် လာတာတော့ မကောင်းဘူး။ နောက်အမျိုးသမီးတွေရဲ့ ဘဝရှေ့ရေးကို ကျမမတွေးဝံ့ဘူး”  ဟု မူဆယ်မြို့နေ အ သက် (၃၂)နှစ်အရွယ် နန်းထွေးက ပြောသည်။ မူဆယ်မြို့သည် တရုတ်နယ်စပ်မြို့ဖြစ်သကဲ့သို့ မြန်မာပြည်အနှံ့မှ အမျိုးသမီးများ လာရောက်အလုပ်လုပ်ကိုင်နေ သည့် နေရာလည်းဖြစ်သည်။ “ […]

နန်းဆိုင်နွမ်။          ။ ရှမ်းပြည်နယ်ရဲ့ အေးစိမ့်တဲ့ ဆောင်းတွင်းမြောက်ပြန်လေ တဖြူးဖြူးတိုက်ခတ်နေချိန်မှာ မီးတွင်းမိခင် (မီးဖွားပြီးခါစ မိခင်) မအမ်လူတယောက်  ရက်သားအရွယ်ကလေးငယ်ကို ချီပိုးပြီး နာရီပေါင်းများစွာ  ခြေကျင်ခရီးနှင်ခဲ့ရပါတယ်။ မအမ်လူဟာ အသက်(၂၅)နှစ်အရွယ်၊ ရှမ်းပြည်နယ်မြောက်ပိုင်း၊ ကွတ်ခိုင်မြို့နယ် ပန်ကူကျေးရွာ၊ ပန်ကူဒုက္ခသည် စခန်းမှာ နေထိုင်သူဖြစ်ပါတယ်။ နိုဝင်ဘာ (၂၀)ရက်နေ့က တအာင်း(ပလောင်) အမျိုးသား လွတ်မြောက်ရေး တပ်မတော် ( TNLA ) မှ ကွတ်ခိုင် အ ခြေစိုက် တပ်မတော်အရာရှိတဦးကို ဖမ်းဆီးသွားခဲ့တဲ့ကိစ္စနဲ့ပါတ်သက်ပြီး ခေါ်ယူစစ်ဆေးလိုတဲ့အတွက် မီးဖွားပြီး ခါစ ရက်ပိုင်းသာ ရှိသေးတဲ့ မအမ်လူကို  မြန်မာ့တပ်မတော်မှ ခေါ်ဆောင်သွားခဲ့တာပါ။ မအမ်လူနဲ့အတူ ရက်သားအရွယ် သူ့ရဲ့ကလေးငယ်နဲ့ နောက်ထပ် အသက်(၂)နှစ်ကျော်အရွယ်ကလေး(၁)ဦး၊  အသက်(၂၇)နှစ်အရွယ် အမျိုးသမီးတဦး၊ အမျိုးသား(၁)ဦးတို့ကိုပါ တပ်မ(၉၉)က ဖမ်းဆီးခေါ်ဆောင်သွားခဲ့ပါ […]