“ ဂျပန်မှာဆိုအလုပ်နဲ့ အိမ်နဲ့ပဲအချိန်ကုန်မယ်။ ထောက်ပို့လုပ်နိုင်ပေမယ့် ကိုယ့်နိုင်ငံလိုတော့ စိတ်ရောကိုယ်ပါနှစ်ပြီး လုပ် နိုင်မှာမဟုတ်ဘူး။ အလုပ်ကြောင့်ဖြစ်ဖြစ် ပေါ့လျော့လာနိုင်တယ်။ ဒီမှာကအန္တရာယ်များပေမယ့် ကိုယ်ဆန္ဒရှိသလောက် လုပ်နိုင်တယ်။ အဓိကက ဆရာဝန်၊ ဆရာမမရှိတဲ့စစ်ရှောင်စခန်းတွေ၊ PDFတွေကို ကိုယ်တိုင်လိုက်ကုပေးချင်တာပါ။”

” ဟိုနေ့ကနေမကောင်းတော့ ဆေးခန်းသွားချင်တာမသွားနိုင်ဘူး။ ဆေးဖိုးရှစ်ထောင်တစ်သောင်းကုန်မှာ ဘယ်လိုတတ်နိုင် မလဲ။ ဒီပိုက်ဆံကို ဆေးခန်းသွားမယ့်အစား စျေးဖိုးပဲလုပ်လိုက်တယ်။ မိသားစုတွေစားလို့ရတာပေါ့။”

ဖေဖော်ဝါရီ ၁၃ မှ ၁၉ အတွင်း တစ်ပတ်တာ အမျိုးသမီးဖြစ်ရပ်များထဲမှ ထူးခြားသည်များကို Hi မှ စုစည်းဖော်ပြပေးလိုက်ရပါသည်။

“ညီမအရင်ကဆို ည၇နာရီ ၈ နာရီလောက်မှာ အလုပ်ကနေ တစ်ယောက်တည်း ဆိုင်ကယ်နဲ့ ပြန်တယ် အဲ့တုန်းက နည်းနည်းလုံခြုံသေးတယ်။ ဒါပေမယ့် ခုတလော ညနေ ၄ နာရီခွဲဆိုပြန်ရပြီ။ သွားနေရင်း လာလုမလား။ တစ်ခုခုလုပ်မလား စိုးရိမ်စိတ်နဲ့ပေါ့။ အပြင်သွားမယ်ဆိုတစ်ယောက်တည်း မသွားရဲတော့ဘူး။”