ဒီတပတ် ပေါ့ကတ်အစီအစဉ်မှာတော့ “စစ်တပ်အာဏာသိမ်းထားတဲ့ ၄ နှစ်ကျော်ကာလအတွင်း ပဋိပက္ခနဲ့ဆက်နွယ်တဲ့လိင်ပိုင်းဆိုင်ရာအကြမ်းဖက်မှု ၉၆၃ မှုကောက်ခံရရှိခဲ့တယ်လို့ အမျိုးသမီးများအဖွဲ့ချုပ်(မြန်မာနိုင်ငံ)ရဲ့ထုတ်ပြန်ချက်နဲ့ပတ်သက်ပြီး အမျိုးသမီးခေါင်းဆောင်တွေရဲ့အသံ”တွေကို နားဆင်ရမှာဖြစ်ပါတယ်။
ဒီတစ်ပတ်ရဲ့ ဖျော်ဖြေရေးကဏ္ဍထဲက ဂျဲန်ဒါ အစီအစဉ်မှာတော့ တေးရေး စိုင်းခမ်းလိတ်ရေးသားထားပြီး စိိုင်းထီးဆိုင်သီဆိုထားတဲ့ ” မောင့်တစ်ပတ်နွမ်း” ဆိုတဲ့ သီချင်းကို ဂျဲန်ဒါရှုထောင့်ကနေ သုံးသပ်ဆွေးနွေးသွားမှာဖြစ်ပါတယ်။
🔳 မယ်လွန်း ( ၂၀၁၉ခုနှစ်၊ ဧပြီ ၃၀ရက်က ဓာတ်ပုံအက်ဆေးကို ပြန်လည်ဖော်ပြသည်။) ကယားပြည်နယ်၊ ဖာဆောင်းမြို့နယ်ရှိ မော်ချီးဒေသသည် အမြင့်ပေ ၂၀၀၀ မှ ၅၀၀၀ အတွင်းရှိသော တောင်တန်းဒေသဖြစ်သည်။ မော်ချီးဒေသရှိ မော်ချီးသတ္တုမိုင်းသည် အင်္ဂလိပ်အစိုးရလက်ထက်ကတည်းမှစတင်ကာ ယခုအချိန်အထိ ကမ္ဘာ့အဆင့်တန်းဝင် သတ္တုတွင်းထွက် ထွက်ရှိရာ ဒေသတခုအဖြစ် ဆက်လက်တည်ရှိနေဆဲဖြစ်သည့်အပြင် တိုင်းပြည်၏ သတ္တုကဏ္ဍ ဖွံ့ဖြိုးတိုးတက်ရေးအတွက် တထောင့်တနေရာမှ ပံ့ပိုးလျှက်ရှိသည်။ ခဲတွင်းထဲတွင် အများအားဖြင့် အမျိုးသားများသာ ဝင်ကြပြီး ယခုနောက်ပိုင်းတွင် အန္တရာယ်များသောကြောင့် အမျိုးသမီးများကို ဝင်ခွင့် ပိတ်ပင်ထားသည်။ ခဲလုပ်ငန်းကြောင့် လုပ်ငန်းတွင်း မတော်တဆမှုများ၊ အရက်သေစာသောက်စားမှုများကြောင့် အမျိုးသားအများစုမှာ အသက်ဆုံးရှုံးကြသောကြောင့် မော်ချီးဒေသတွင် အမျိုးသမီးအများစုမှာ မုဆိုးမများဖြစ်ကြသည်။ အမျိုးသမီးအများစုမှာ ခဲဆေးခြင်း၊ ကျောက်ကပ်ထုခြင်း (ကျောက်တွင် ကပ်နေသည့် ခဲများကို […]
သန့်ရှင်းထွန်း လူတွေ ပြည့်ကျပ်ပြွတ်သိပ်နေ ဘင်္ဂလားဒေ့ရှ်နိုင်ငံက ဒုက္ခသည်စခန်းကို မီနာရာဟာ သူ့အသက် ဆယ်နှစ် အရွယ်တည်းက မြန်မာနိုင်ငံကနေ ခိုလှုံလာခဲ့တာ အခုဆိုရင် ရှစ်နှစ်ကျော်ရှိပြီဖြစ်ပါတယ်။ မီနာရာတို့ မိသားစု မြန်မာနိုင်ငံကနေ ဘင်္ဂလားဒေ့ရှ်နိုင်ငံဘက်ကို ခိုလှုံလာတဲ့အချိန်တုန်းက မိဘနှစ်ပါးလည်း တူတူပါလာခဲ့ပေမယ့် လက်ရှိမှာတော့ အမေဖြစ်သူ ကွယ်လွန်ခဲ့ပြီး အဖေဖြစ်သူမှာလည်း သက်ကြီးရွယ်အို အဘိုးကြီး တစ်ဦး ဖြစ်နေပါပြီ။ ဖခင်ဖြစ်သူ အသက်ရွယ်ကြီးလာတာ၊ ကျန်းမာရေးမကောင်းတာနဲ့ မိခင်မရှိတော့တာကြောင့် စားဝတ်နေရေးနဲ့ ဆေးဖိုးဝါးခရဖို့ မီနာရာဟာ သူနေထိုင်တဲ့ ဒုက္ခသည်စခန်းမှာ ဝင်ငွေရမယ့် အလုပ်တခုကို ရှာဖွေခဲ့တယ်လို့ ပြောပါတယ်။ အပြင် ထွက်ချင်တိုင်း ထွက်လို့မရတဲ့ ဒုက္ခသည်စခန်းထဲမှာ မီနာရာဟာ အပြင်ထွက်ပြီး အလုပ်ရှာဖို့ထက် စခန်းထဲမှာ ဖခင်ဖြစ်သူကို အနီးကပ်ပြုစုနိုင်မယ့် အလုပ်တခုကို သူလုပ်ခဲ့တယ်လို့ ဆိုပါတယ်။ အဲဒီအလုပ်ကတော့ […]
နိုင်ငံရေးစကားဝိုင်း Moderator – တိုးတိုး ( BWU) Speaker မချောစုဟန် ( တက်ကြွလှုပ်ရှားသူ) ဒေါ်ခင်ဥမ္မာ (ဥက္ကဌ၊ Progressive Voice) ဦးအောင်မျိုးမင်း (လူ့အခွင့်အရေးဆိုင်ရာ ပြည်ထောင်စုဝန်ကြီး၊ အမျိုးသားညီညွတ်ရေးအစိုးရ
HIကတင်ဆက်မယ့် ဒီတစ်ပတ်ရဲ့ ပေါ့ကတ်အစီအစဉ်မှာတော့ “ကျောင်းဖွင့်ရာသီမှာ မြို့ပြနဲ့ပဋိပက္ခနယ်မြေတွေက ဖခင်တွေ သားသမီးပညာရေးအပေါ် စိုးရိမ်ပူပန်မှုစကားသံများ” ကို နားဆင်ရမှာပဲဖြစ်ပါတယ်။
သန့်ရှင်းထွန်း မိုးရာသီမှာ မိုးရေချိန်အများကြီးရွာသွန်နေပေမယ့် ရေသိုလှောင်တဲ့ နည်းစနစ်တွေ မကောင်းသေးတာကြောင့် နွေရာသီမှာ ရေရှားပါးမှုဒဏ်ကို ရခိုင်ပြည်မှာ နှစ်စဉ်ကြုံတွေ့နေကြရပါတယ်။ ဒီလို နွေရာသီမှာ ရေရှားပါးတဲ့ ဖြစ်စဉ်ဟာ ဒေသခံအမျိုးသမီးတွေကို ပိုပြီးအကျိုးသက်ရောက်မှုရှိနေပါတယ်။ အထူးသဖြင့် မြို့ပေါ်ဒေသတွေထက် ကျေးလက်ဒေသမှာ နေထိုင်နေကြတဲ့ ဒေသခံတွေဟာ ရေရှားပါးမှုဒဏ်ကို ပိုခံစားနေကြရသလို စစ်ဘေးရှောင်နေရတဲ့ပြည်သူတွေဟာလည်း ရေရှားပါးမှုဒဏ်ကို အကြီးအကျယ်ခံနေရတယ်လို့ ဒေသခံအမျိုးသမီးတွေက ပြောပါတယ်။ ရေရှားပါးမှုပြသနာဟာ မိသားစုတခုမှာ အမျိုးသားတွေထက် အမျိုးသမီးတွေအတွက် ပိုပြီးကြီးမားတဲ့ ဒုက္ခတခုလိုဖြစ်နေပြီး ဒါဟာ ဂျဲန်ဒါမညီမျှမှုကြောင့် ဖြစ်နေတာလို့ ဆိုပါတယ်။ မိသားစုတခုမှာ အမျိုးသမီးတွေဟာ အိမ်မှုကိစ္စတွေဖြစ်တဲ့ အဝတ်လျော်ဖို့၊ အိုးခွက်ပန်းကန် ဆေးကြောဖို့အတွက် ရေကိုပိုလိုအပ်နေသလိုဖြစ်နေပြီး သားသမီးတွေ ရေချိုးဖို့နှင့် သောက်ဖို့အတွက် ရေရဖို့ကလည်း အမျိုးသမီးတွေက ပိုပြီး ပူပင်ကြရတယ်လို့ ရသေ့တောင်မြို့နယ်က အမျိုးသမီးတစ်ဦးကပြောပါတယ်။ “ရေကန်တွေဆားငံရေတွေ၊ […]
ဒီတပတ်ရဲ့ HIကတင်ဆက်သွားမယ့် ပေါ့ကတ်အစီအစဉ်မှာတော့ “တော်လှန်ရေးမှာ လိင်စိတ်ခံယူမှု ကွဲပြားသူ (LGBT)တွေ တွေ့ကြုံရတဲ့ စိန်ခေါ်မူတွေအကြောင်း” ကို နားဆင်ရမှာဖြစ်ပါတယ်။
နှစ်စဉ်မေလ ဒုတိယအပတ်ရဲ့ တနင်္ဂနွေနေ့ဟာ နိုင်ငံတကာ မိခင်များနေ့ ဖြစ်ပါတယ်။ သာမန်အခြေအနေမှာတော့ ဒီလိုနေ့မှာ အမေတွေရဲ့ ကြီးမားတဲ့ မေတ္တာနဲ့ ပေးဆပ်မှုတွေကို သားသမီးတွေကပြန်ပြီးဂုဏ်ပြုဖို့ အမေ နဲ့ သားသမီးအတူတူ အစီအစဉ်တစ်ခုခု ပြုလုပ်နေကြမှာဖြစ်ပါတယ်။ သို့သော်လည်း စစ်အာဏာရှင်စနစ်ဆိုးကြောင့် သားသမီးများကျဆုံးသွားလို့ ပူဆွေးနေရတဲ့မိခင်တွေ၊ ထောင်ထဲရောက်နေတဲ့ သားသမီးတွေအတွက် သောကရောက်နေရတဲ့မိခင်တွေ၊ နွေဦးတော်လှန်ရေးမှာ အသက်ပေးဆပ်ခဲ့ရတဲ့မိခင်တွေ၊ စစ်ဘေးရှောင်ရင်း သားသမီးနဲ့မိခင် ဝေးကွာသွားရတာတွေ စသဖြင့် နာကျည်းစရာကောင်းလှပါတယ်။ ဒီလိုအခြေအနေဆိုးအောက် ရောက်နေတဲ့ သားသမီးနဲ့ မိခင်များအားလုံးကို ဒီနှစ်ရဲ့နိုင်ငံတကာ မိခင်များနေ့မှာ အားပေးဂုဏ်ပြုရင်း မကြာမှီပြန်ဆုံခွင့်ရကြပါစေလို့ ဆုတောင်းပေးလိုက်ပါတယ်။
အမျိုးသမီးတွေရဲ့ တရားမျှတမှုအတွက် အမျိုးသမီး အသံများကို ဖော်ထုတ်ရာနေရာတခုဖြစ်ပါတယ်။ သတင်းမီဒီယာတွေ အများကြီးရှိပေမယ့် အမျိုးသမီးတွေရဲ့ အသံတွေကို အဓိကထား ဖော်ထုတ်ပေးတဲ့ မီဒီယာတွေ နည်းပါတယ်။ အမျိုးသမီးတွေဟာ အကြမ်းဖက်ခံရတာတွေ၊ မတရားတာတွေ၊ ဓလေ့ထုံးတမ်း ယဉ်ကျေးမှု အခက်အခဲတွေကြားထဲမှာ ကြုံတွေ့နေရတဲ့အတွေ့အကြုံတွေကို ဖော်ပြပေးရာနေရာဖြစ်ပါတယ်။
အမျိုးသမီးရေးဆိုင်ရာ သတင်းဆောင်းပါး၊ ဓာတ်ပုံ၊ ကဗျာ၊ ကာတွန်းများ ပေးပို့လိုပါက
[email protected] သို့ ဆက်သွယ်နိုင်ပါသည်။
