“ အခုလိုခက်ခဲနေတဲ့ကာလမှာ မရှိတဲ့သူတွေကို တတ်နိုင်သလောက်ကူညီတဲ့အနေနဲ့ ဈေးတင်ရောင်းတာ၊ ကုန်ဈေးနှုန်း ထိန်းချုပ်တာတွေက မလုပ်သင့်ပါဘူး။ ဘာလို့ဆို အားလုံးခက်ခဲနေတဲ့အချိန်မှာ အမြတ်မယူဘဲရောင်းပေးတာကိုက ကုသိုလ်လည်းရ ဝမ်းလည်းဝပါတယ်”

“သားလေးသည် အရွယ်ရောက်လာသည့်အတွက်ရော အတူနေကလေးများက “အဖေ”ဟူ၍ပြောနေသည့် အတွက် သူကလည်း အဖေကိုမေးတတ်လာပါသည်။ သားလေးကအဖေကို မေးမေးနေသည့်အတွက် ထောင်ဝင်စာသွားတွေ့သည့်အခါခေါ်သွားမိပြန်သဖြင့်လည်း “ အလုပ်မဟုတ်တာတွေ မင်းလုပ်လုပ်မလာနဲ့” ဟုငေါက်သောကြောင့် နောင်အခါများတွင် သားကို ခေါ်မသွားဘဲ နေခဲ့ရပါသည်”

“ ကိုယ့်အလုပ်က တစ်ရက်နှစ်ရက်မဟုတ်ဘူး၊ အနှစ်နှစ်ဆယ်လောက်ဆိုတော့ သံယောဇဉ်ရှိတယ်။ စိတ်မကောင်းတော့ တော်တော်ဖြစ်တယ်။ အရုပ်ကြိုးပြတ်ပဲ။ ဘယ်ဆက်သွယ်လို့ဆက်သွယ်ရမှန်းလဲမသိ ကိုယ်ကလည်း ကျွမ်းကျွမ်းကျင်ကျင် မသိဘူး။ ထောက်ပံ့မှုမရဖူးဘူး”

“ကိုဗစ်ကာလမှာ ကျမတို့ကိုယ်ဝန်ဆောင်တွေ အတွက် ကျန်းမာရေးစောင့်ရှောက်မှုနဲ့ ပိုလို့ဝေးသွားခဲ့ပြီ။ ရောဂါကို ခုခံဖို့အတွက် ကိုယ်ခံအားကောင်းဖို့
လိုတယ်ဆိုပေမယ့် အသားငါးတွေ ဝယ်စားဖို့အတွက်ကျတော့လည်း ပိုက်ဆံမှမရှိကြတာ။ ကျမ နေမကောင်းရင် ဗိုက်ထဲကကလေးပါ ထိခိုက်သွားနိုင်တဲ့အတွက် ကလေးမွေးဖို့ကိစ္စကို တွေးရင် ငိုချင်တယ်။”

“အောက်ဆီဂျင်ရဖို့အရေး ယောက်ျားလေး မိန်းကလေးမခွဲ တန်းတူတန်းစီစောင့်ဆိုင်းသလို ၁၀ လီတာ၊ ၁၅ လီတာ ဆန့်တဲ့အိုးတွေကို ကိုယ်တိုင်ဝင်မတာ သယ်ဆောင်တာမျိုးလုပ်ပါတယ်၊ အောက်ဆီဂျင်အိုးတွေက လေးလံပြီးပြုတ်ကျရင် လူကိုထိခိုက်တာတွေရှိနိုင်ပေမယ့် အောက်ဆီဂျင်ရမှ အသက်ရှင်သန်နိုင်မယ့် လူနာတွေအတွက် စဉ်းစားပြီး စနစ်တကျ နဲ့လုပ်ဆောင်ကြရပါတယ်။”