” သူများဆီ ပိုက်ဆံတောင်းရင်နှိမ်တာပေါ့ ။ တခါတုန်းက ဗိုက်ဆာလို့ အကိုကြီးနဲ့အမကြီးနှစ်ယောက်စီ ကြက်ကင်သွားတောင်းစားတာ ၊ အဲ့ဒီကိုကြီးကမကျွေးဘဲ တုတ်ပဲပစ်ချခဲ့တာ၊ အဲ့ဒီလိုအရင်ဘဝပြန်မသွားချင်တော့ဘူး”
“ ဆိုးတယ်လို့ နာမည်ကြီးတဲ့ ကျောင်းသားတွေ သူနဲ့ဆိုငြိမ်တယ်။ စာလုပ်တယ်။ တပည့်မိန်းကလေးတွေကိုဆိုလည်း ရဲရင့်စေချင်တယ်။ အသိဉာဏ်ကြွယ်ဝစေချင်ခဲ့တယ်”
“ ဟိုတစ်ရက်က မိုးအရမ်းကြီးတဲ့ရက်က မိုးကာလည်းမရှိဘူး။ အကုန်လုံးက စိုကုန်တယ်၊ အိပ်လို့လည်းမရဘူး ၊ တစ်ည လုံး စိုစိုနဲ့ထိုင်နေရတယ်”
“ရခိုင်ပြည်နယ်မှာ အလုပ်လက်မဲ့ဖြစ်နေတဲ့ အဓိကပြသနာက စက်ရုံ၊ အလုပ်ရုံတွေမရှိတာပါ။ တကယ်လို့ စက်ရုံ၊ အလုပ်ရုံတွေရှိမယ်ဆိုရင် ဘယ်အမျိုးသမီး၊ အမျိုးသားမှ တခြားနေရာကို သွားပြီးအလုပ်လုပ်စရာမလိုပါဘူး။ ကိုယ့်ဒေသမှာ ကိုယ့်မိသားစုနဲ့ အလုပ်လုပ်ခွင့်ရနေမှာပါ”
” တန်းစီတာသိတာနဲ့ တချို့တွေက မုန့်တွေလာပေး အအေးတွေလာပေးနေတယ်။၊ ထုတ်ပေးတဲ့သူတွေကလည်း ကျေးဇူး တင်လို့အအေးတွေ မုန့်တွေ ကျွေးချင်တယ်။ အဲ့လိုဆိုညီမတို့က အကျိုးအမြတ်ယူတယ် ဖြစ်မှာဆိုးလို့ မစားပါဘူး။”
“ ရွာသူကြီးဘဲဖြစ်ဖြစ်၊ အာဏာဘယ်လောက်ဘဲ ရှိရှိ ဒီလိုမတရားမှုကို ကျုးလွန်ခံရပြီဆိုရင် ရှက်စရာဆိုပြီး ဒီတိုင်းတိတ်တိတ်လေးမနေပါနဲ့။ တိုင်တန်းပါ။ ဥပဒေတွေနဲ့ ပတ်သက်တာ မသိခဲ့ဘူးဆိုရင် အမျိုးသမီးတွေကို ကူညီပေးနေတဲ့ အဖွဲ့အစည်းတွေနဲ့ ချိတ်ဆက်ပြီး ရှေ့ဆက်ပါ”
“ မနှစ်က ရာသီဥတုမကောင်းတော့ အရင်းမရတဲ့အပြင် မျိုးခပါရူံးတယ်။ အခု နွေစပါးကျတော့လည်း မိုးမိတော့ စပါးတွေ က မဲပြီးဈေးကောင်းမရဘူး။ နောက်ပြီး နွေစပါးပေါ်တဲ့အချိန်မှာမှ အာဏာသိမ်းတာနဲ့ကြုံပြီး ဘဏ်လုပ်ငန်းတွေက ငွေထုတ် မရ အခက်အခဲဖြစ်တော့ စပါးဝယ်တဲ့ စက်ပိုင်တွေက ဈေးနှိမ်ဝယ်တာခံရတယ်။ ဘာလုပ်ကိုင်စားသောက်ရမှန်း မသိဖြစ် နေတယ်”
“တိုက်ပွဲတွေဖြစ်ပြီး လူတွေပြေးလာကြတော့ သူတို့မှာ ခါးဝတ်တစ်ထည်ကိုယ်တစ်လုံးနဲ့လေ။ အဲဒါကို ညီမက သူတို့တွေ ဝင်ငွေရအောင် ဘယ်လိုကူညီပေးရမလဲဆိုတဲ့ နည်းလမ်းရှာရင်းနဲ့ တိုက်ပွဲရှောင်တွေကိုယ်တိုင်လုပ်တဲ့ ဝါးထွက်ပစ္စည်းတွေကို ရောင်းချပေးဖြစ်သွားတာဖြစ်ပါတယ်”
“ဖမ်းထားတဲ့သူတွေကို ရှေ့မှာထားပြီး ရိုက်နှက်နှိပ်စက်နေလို့ ကျမတို့ နောက်ဆုတ်ပေးလိုက်တာပါ။ အရှုံးပေးလိုက်တာ တော့ မဟုတ်ဘူး။ ကျမတို့က ဘယ်တော့မှ အရှုံးမပေးဘူး။ ဆက်တိုက်ပွဲဝင်သွားမှာပါ”
“ကျား၊ မ ဖြစ်တည်မှုအပေါ်ခွဲခြားနှိမ်ချ ဆက်ဆံတဲ့ ရှေးရိုးစွဲ အကျင့်စရိုက်တွေကို လက်မခံတဲ့ ကျမတို့တွေဟာ ဒါမျိုးတွေ ကြုံလာတိုင်း ငြိမ်မနေဘဲ သင့်တော်တဲ့ နည်းလမ်းပေါင်းစုံနဲ့တုန့်ပြန်ဖို့ လိုအပ်တယ်။ မျိုးဆက်နဲ့ချီ အချိန်ယူတိုက်ဖျက်ရမယ့် အရာတွေဖြစ်လို့ စိတ်ပျက်အားလျှော့မသွားဖို့လိုပါတယ်။ တစ်ကြိမ်၊ အကြိမ်တစ်ရာ၊ ထောင်သောင်းမက ချီသွားပါစေ ကြုံတိုင်း ထောက်ပြပြောဆိုဖို့ လိုတယ်”
အမျိုးသမီးတွေရဲ့ တရားမျှတမှုအတွက် အမျိုးသမီး အသံများကို ဖော်ထုတ်ရာနေရာတခုဖြစ်ပါတယ်။ သတင်းမီဒီယာတွေ အများကြီးရှိပေမယ့် အမျိုးသမီးတွေရဲ့ အသံတွေကို အဓိကထား ဖော်ထုတ်ပေးတဲ့ မီဒီယာတွေ နည်းပါတယ်။ အမျိုးသမီးတွေဟာ အကြမ်းဖက်ခံရတာတွေ၊ မတရားတာတွေ၊ ဓလေ့ထုံးတမ်း ယဉ်ကျေးမှု အခက်အခဲတွေကြားထဲမှာ ကြုံတွေ့နေရတဲ့အတွေ့အကြုံတွေကို ဖော်ပြပေးရာနေရာဖြစ်ပါတယ်။
အမျိုးသမီးရေးဆိုင်ရာ သတင်းဆောင်းပါး၊ ဓာတ်ပုံ၊ ကဗျာ၊ ကာတွန်းများ ပေးပို့လိုပါက
[email protected] သို့ ဆက်သွယ်နိုင်ပါသည်။
