“လင်မယားရန်ဖြစ်တဲ့အချိန်က အဝတ်လျှော်နေရင်းဖြစ်တယ်။ခင်ပွန်းဖြစ်သူက တွေ့တဲ့ ခုံနဲ့ ကောက်ထုတယ်။ ဒါကို မျက်မြင်သက်သေမရှိလို့ဆိုတဲ့အခ်က်နဲ့ တရားသေလွှတ်လိုက်တယ်။ ဒဏ်ရာတွေကလည်း ၁၀ ရက်ခြားပြီးတိုင်တာဖြစ်လို့ ယုတ္တိမရှိဘူးလို့ပြောတယ်။ ရဲစခန်း သွားတိုင်တုန်းက ရဲသက်သေလည်းရှိတယ်။ ဆေးစာအတူလိုက်ပါတဲ့ ရဲကလည်း သက်သေ ထွက်ဆိုထားတယ်။ အဲ့ဒါကိုအမှုက တရား သေလွှတ်လိုက်တယ်။ ပတ်ဝန်းကျင်သက်သေကို ထည့်သွင်း မသုံးသပ်တာကတော့ အမျဳိးသမီးတစ်ယောက်အတွက် နစ်နာတယ်”

“ကျမတို့နိုင်ငံမှာ အခုချိန်ထိ သုံးနေတဲ့ ရာဇသတ်ကြီးက အမျိုးသမီးတွေ မုဒိမ်း ပြုကျင့်ခံရရင်တောင်မှ မုဒိမ်းကျင့်ခံရတဲ့ အမျိုးသမီးက ဒါဟာမုဒိမ်းမှုမြောက်ပါတယ် ဆိုတာကို သက်သေပြနေရတာ။ အဲတော့ ဒီဥပဒေရဲ့ အနှစ်သာရနဲ့ ကျမတို့ပြောတဲ့ သဘောတရားက ဘာလဲဆိုရင် ဒီအမျိုးသမီး သဘောတူလို့ လုပ်လိုက်ပါတယ်ဆိုတာကို ဘာနဲ့သက်သေပြမလဲလို့ ကျူးလွန်တဲ့သူကို တဖန် မေးခွန်းထုတ်စေချင်တာပါ”

“ပါတီမှာလည်း အခုချိန်ထိ ကျမအသက် အခုဆို (၄၀)ပြည့်သွားပြီ။ ဒါပေမယ့် ကလေးလို့ပဲထင်တယ်။ ပြီးတော့ အမျိုးသမီးတွေဆိုတော့ အများကြီးလုပ်နိုင်လိမ့်မယ်လို့ သိပ်ယုံကြည်ထားကြတာမရှိဘူး။ အော် သူလုပ်နေ တယ်၊ ကိုင်နေတယ်၊ ဒီလောက်ပဲ။ တကယ်တမ်း တာဝန်တစ်ခုကိုပေးဖို့အတွက် ပါတီအတွင်းမှာဆိုရင် အမျိုး သမီးတစ်ယောက်ကို ရဲရဲဝံ့ဝံ့နဲ့ပေးတာမျိုးမရှိဘူး။ ကျမတို့ကို အမြဲတမ်းအနောက်မှာထားပြီး စဉ်းစားလေ့ရှိ တယ်။ ငယ်တာရယ်၊ အမျိုးသမီးဖြစ်တာရယ်ကြောင့် အမြဲတမ်း ဒုတိယပေါ့နော်။ အခုအမတ်ဖြစ်တော့လည်း လူ ငယ်အချင်းချင်းတူရင်တောင် အမျိုးသားကို ပိုပြီးဦးစားပေးတာမျိုးက လက်ရှိ ကျမကိုယ်တိုင်လွှတ်တော်ထဲမှာ ကြုံနေရတာတွေရှိပါတယ်”

“တော်လှန်ရေးထဲမှာ အိပ်တဲ့အချိန်မှာလည်း တစ်ယောက်တည်း အိပ်ရတဲ့အခါမှာ ကျမကိုယ်ပိုင် သေနတ်တစ်လက် တောင်းထားတယ်။ အဲဒီလိုမျိုး ကျမသတိနဲ့ အမြဲအိပ်တယ်။ ကျမတဲနားက ခြေသံ ကိုကြားတာနဲ့ ဘယ်သူ့ခြေထောက်လဲဆိုတာသိတယ်။ အဲလောက်ထိ သတိရှိရှိနဲ့ နေခဲ့ရတယ်”

“အချိန်တွေပဲကြာလာပြီး တကယ့်တကယ်ကျတော့ ဖြစ်မလာဘူး။ ရှေ့နေချုပ်ရုံးကို တင်လိုက်ရင် ကိုယ်လိုချင်တာတွေက ရမလာပဲ ရှိနေတာတွေက ပြန်ပြန်လျော့သွားတယ်”