ခင်စုကြည်။         ။ “ဗုံဆိုတာတီးဖို့….မိန်းမဆိုတာ ရိုက်ဖို့…” ဒါကတော့ ချင်းရိုးရာစကားပုံတစ်ခုဖြစ်ပါတယ်။ အိမ်ထောင်တစ်ခုမှာ လင်ယောကျာ်းဖြစ်သူက ဇနီးမယားကို ရိုက်နှက်ဆုံးမပိုင်ခွင့်ရှိတယ်ဆိုတဲ့ အယူအဆမှားတွေဟာ မြန်မာပြည်တွင်းမှာရှိတဲ့ တိုင်းရင်းသားလူမျိုးစုတိုင်း လိုလိုမှာ  ရှိနေတာကို တွေ့ရမှာပါ။ အမျိုးသမီးတွေအပေါ် အကြမ်းဖက်ခြင်းဆိုတဲ့စကားလုံးဝေါဟာရဟာ ချင်းဘာသာစကားမှာ မရှိဘူးလို့ဆိုကြ ပေမယ့်လည်း အမျိုးသမီးတွေအပေါ်အကြမ်းဖက်မှုတွေကတော့ ချင်းပြည်နယ်ထဲမှာလည်း ကျယ်ကျယ်ပြန့် ပြန့်ဖြစ်ပွားနေပါတယ်။ လင်ယောကျာ်းက ဇနီးသည်ကို ရိုက်နှက်တာကို အကြမ်းဖက်ခြင်းလို့ မယူဆကြတဲ့သူ တွေလည်း အများအပြားရှိနေပါသေးတယ်။ “အိမ်တွင်းအကြမ်းဖက်မှုဆိုတာ အဓိကဆိုလိုတာက ခင်ပွန်းက ဇနီးကို ရိုက်တာ။ သူတို့ဆီမှာ ဒီလို အကြမ်း ဖက်မှုဆိုတဲ့ စကားလုံးတောင် မရှိဘူး။ ကျမတို့သွားတဲ့ဒေသတွေမှာ ဒီစကားလုံး မရှိဘူး။ အယူအဆကလည်း အသစ်အဆန်းလိုဖြစ်နေတယ်။ တချို့ကျတော့လည်း ပညာတတ်အမျိုးသမီးတွေက အနောက်တိုင်းအယူအဆ တွေ လွှမ်းမိုးပြီး ယူလာသလို […]

နန်းဆိုင်နွမ်။          ။ “ ပဋိပက္ခအတွင်းမှာ အမျိုးသမီးတွေဟာ နည်းမျိုးစုံနဲ့ အခက်အခဲတွေ ရင်ဆိုင်နေရတယ်။ ဒါပေမယ့် ငြိမ်းချမ်းရေး ဆွေးနွေးတဲ့အခါကျတော့ အမျိုးသမီးတွေရဲ့အခန်းကဏ္ဍကို ဘေးဖယ်ထားတာတွေ့ရတယ်” ကချင်ပြည်နယ် ဝိုင်းမော်ဇုံ၊ ကချင်နှစ်ခြင်း အသင်းတော် (KBC) မှ အမျိုးသမီးတာဝန်ခံ ဒေါ်လုမိုင်က ဆိုပါတယ်။ မြန်မာ့လူ့အသိုင်းအဝိုင်းရဲ့ ဓလေ့ထုံးတမ်းတွေအရ အိမ်တစ်အိမ်ရဲ့အရေးကိစ္စတွေအားလုံးဟာ အိမ်ထောင်ရှင်မတွေ အပေါ် ရာနှုန်းပြည့်တည်မှီနေတာပါ။ အမျိုးသမီးတွေဟာ အိမ်ထောင်စုရဲ့ ပဲ့ကိုင်ရှင်တွေလို့ဆိုရင်လည်း မမှားပါဘူး။ ပဋိပက္ခတွေဖြစ်ပွားတဲ့နေရာမှာ တိုက်ပွဲတွေဖြစ်တိုင်း ပြေးရင်းလွှားရင်းနဲ့ ကလေးငယ်တွေအတွက် စားရေးသောက် ရေးနဲ့ ကျန်းမာရေးအတွက် မဖြစ်မနေ စီမံခန့်ခွဲနေရတာကလည်း အမျိုးသမီးတွေပါပဲ။ မိသားစုတစ်စု၊ အိမ်ထောင်စုတစ်ခုကို လှေတစီးနဲ့ ခိုင်းနှိုင်းမယ်ဆိုရင် ဒီလှေကလေး မမှောက်ပဲ သွားလိုရာရောက် ဖို့ ပဲ့ကိုင်ရသူဟာ အိမ်ရှင်မတွေဖြစ်တယ်ဆိုတဲ့ ဆိုရိုးလည်းရှိပါတယ်။ ပဋိပက္ခတွေ ဖြစ်လာရင် […]

နန်းဆိုင်နွမ်။           ။ “အိမ်ကယောက္ခမတောင် မိန်းမဆိုတာ အိမ်ထဲမှာနေ၊ အိမ်အလုပ်လုပ်ရမယ်လို့ ပြောနေသေးတာဘဲ” လို့ နန်း မြဦးက ပြောပါတယ်။ မြန်မာနိုင်ငံမှာ လူမျိုးပေါင်းစုံရောပြွန်းနေထိုင်ကြပါတယ်။ လူမျိုးအသီးသီးရဲ့ ဓလေ့ထုံးတမ်းတွေအရ မိဘတွေကိုယ် တိုင်က သားသမီးတွေကို ခွဲခြားဆက်ဆံနေသရွေ့၊ အမျိုးသမီးတွေကိုယ်တိုင်ကလည်း မပြောင်းလဲနိုင်သရွေ့၊ အမျိုးသမီးအခွင့်အရေးက အလှမ်းဝေးနေဦးမှာပါ။ အမျိုးသမီးအခွင့်အရေးအတွက် အသိပညာပေးမှုတွေ၊ သင်တန်းပေးမှုတွေ၊ အမြင်ဖွင့်မှုတွေ၊ နယ်ပယ်တိုင်းမှာ ပြု လုပ်နေပေမယ့် လက်တွေ့မှာတော့ ကျင့်သုံးဖို့ ခက်ခဲနေသေးတယ်လို့ ရှမ်းပြည်နယ်အတွင်းက အမျိုးသမီးရေး တက်ကြွလှုပ်ရှားသူတွေက ပြောလိုက်ပါတယ်။ “ လက်တွေ့မှာ  ကိုယ့်အိမ်က မိန်းကလေးတွေကိုတောင် ကိုယ့်အိမ်ကလူတွေ ခွဲခြားနေကြသေးတာဘဲလေ။ အဲဒီ လို ခွဲခြားနေသရွေ့၊ အမျိုးသမီးဖြစ်တဲ့ ကိုယ်တိုင်ကလည်း မပြောင်းလဲနိုင်သရွေ့၊ တခြားလူတွေလည်း ပြောင်းလဲ မှာ မဟုတ်ဘူး” လို့ ရှမ်းပြည်နယ်မြောက်ပိုင်း၊ […]

နန်းဆိုင်နွမ်။        ။ မိတ္ထီလာမြို့နေရာတော်တော်များများ မီးလောင်ပြာကျသွားပြီးခါစမှာ စကားတောင် မပြောနိုင်ကြတော့တဲ့ အသိုင်း အဝန်းနှစ်ခုဟာ အခုဆိုရင် တဖြည်းဖြည်းပြန်ပြေလည်လာပြီလို့ မသန်းဌေးမြင့်က ပြောပါတယ်။ “ ပဋိပက္ခ စဖြစ်ပြီးတော့ အချင်းချင်းစကားတောင် မပြောကြတော့ဘူး။ အခုတော့အေးဆေးပါပဲ” လို့ ပြောပါတယ်။ မသန်းဌေးမြင့်က မိတ္ထီလာမြို့ခံတစ်ဦးဖြစ်တဲ့ အသက် (၃၅)နှစ်အရွယ် အစ္စလာမ်ဘာသာဝင် အမျိုးသမီးတဦးပါ။ လွန်ခဲ့တဲ့ (၄)နှစ်ကျော်ကာလက မိတ္ထီလာမြို့မှာ ဗုဒ္ဓဘာသာနဲ့ အစ္စလာမ်ဘာသာဝင် အသိုင်းအဝိုင်းနှစ်ခုကြား အဓိ ကရုဏ်းကြီးတစ်ခု ဖြစ်ပွားခဲ့တဲ့အချိန်မှာ မသန်းဌေးမြင့်လည်း ထွက်ပြေးခဲ့ရပါတယ်။ အစ္စလာမ်ဘာသာဝင်တစ်ဦးပိုင်တဲ့ ရွှေဆိုင်ထဲမှာ ၂၀၁၃ ခုနှစ်၊ မတ်လက ဈေးဝယ်သူနဲ့ရောင်းသူ အချင်းများရာက တဆင့် ဘာသာရေးပဋိပက္ခအသွင် ကူးပြောင်းသွားခဲ့တာ ဖြစ်ပါတယ်။ ပဋိပက္ခဖြစ်ပွားမှုမှာတော့ ရိုက်နှက်သတ်ဖြတ်ကြသလို အိမ်တွေ၊ ပစ္စည်းတွေကိုလည်း မီးရှို့ခဲ့ကြတာကြောင့် (၄၃) ဦး […]

မလိခ။            ။ “ကိုယ်က စီးပွားရေးလုပ်လို့အောင်မြင်နေတယ်။ ဒါပေမဲ့ နိုင်ငံရေးမှာလည်း အစကတည်းက ကိုယ့်ဒေသခံလူမျိုးတွေကို ကူညီနေတော့ ဒီအာဏာရှင်စနစ်အောက်မှာ အခက်အခဲတွေ အများကြီးတွေ့ရတယ်။ ဖိနှိပ်မှုတွေလည်း အများကြီးရှိတဲ့ အခါကျတော့ ကိုယ့်အမျိုးသားရေး၊ နိုင်ငံရေးက ပိုပြီးတော့ အရေးကြီးတယ်လို့ မြင်လာတယ်။ ဒီအပြောင်းအလဲ အရွေ့ တခုမှာ ကိုယ်တတ်နိုင်တဲ့ဘက်ကနေ ကိုယ့်လူမျိုးအတွက်၊ ကိုယ့်နိုင်ငံအတွက် လုပ်မယ်ဆိုပြီးတော့ လုပ်ရင်းလုပ်ရင်းနဲ့ ကျမရဲ့ စီးပွားရေးလုပ်ငန်းတွေကို လှည့်မကြည့်နိုင်တော့ဘူး။ တကယ်လို့ စီးပွားရေးလုပ်ငန်းမှာ အချိန်ပေးနေတယ်ဆိုရင် လည်း ဒီဘက်မှာ လေ့လာချိန်မရဘူး။ သင်တန်းတွေ မတက်နိုင်ဘူး။ ဒီထဲမှာ ထဲထဲဝင်ဝင်လုပ်လိုက်တော့ စီးပွားရေး အရင်ကလို မလုပ်နိုင်တော့ဘူး၊ ကိုယ်ကလည်း လေ့လာလေ ပိုသိလာလေဆိုတော့ နောက်မဆုတ်နိုင်တော့ဘူး” ရှမ်းပြည်နယ်အရှေ့ပိုင်း၊ မိုင်းဆတ်မြို့မှာ အောက်တိုဘာလ (၂၇)က (၂၈)ရက်အထိ ပြုလုပ်ခဲ့တဲ့ လားဟူအမျိုးသား […]