နန်းဆိုင်နွမ်။           ။ `စစ်ပွဲကြောင့် မွေးလူနာတဦးကို  ဆေးရုံလွှဲပြောင်းလို့မရ၊ သွေးတွေကလည်း သွန်နေပြီ၊ သတိလစ်ပြီး နောက်ဆုံး တော့ ကျမလက်လွှတ်ဆုံးရှုံးခံလိုက်ရတယ်”။ နော်ဆာမူးနာထူးက နှစ်(၂၀)ကျော်ကြာခဲ့ပြီဖြစ်ပေမယ့် ဘယ်တော့မှ မေ့မရနိုင်တဲ့ ကရင်ပြည်နယ်အတွင်း ကရင့် အမျိုးသားအစည်းအရုံး၊ တပ်မဟာ(၃)နယ်မြေ၊ ညောင်လေးပင်ကျေးရွာက သူ့အတွေ့အကြုံကို ပြောပြတာပါ။ အဲဒီတိုက်ပွဲကတော့ ကရင်အမျိုးသားအစည်းအရုံး( KNU)နဲ့ အစိုးရတပ်အကြား ဖြစ်ပွားခဲ့တဲ့တိုက်ပွဲပါ။ “အဲဒီနေ့က ဆေးရုံလွှဲပြောင်းခွင့်သာရခဲ့မယ်ဆိုရင် ကိုယ်ဝန်ဆောင်မိခင်နဲ့ ကလေး၊ နှစ်ဦးစလုံး အသက်ရှင်နိုင်မှာ ပါ”  လို့လည်း သူကပြောပါတယ်။ တိုက်ပွဲဖြစ်တဲ့အခါ ကိုယ်ဝန်အရင့်အမာနဲ့ အမျိုးသမီးတွေအနေနဲ့ သေမင်းခံတွင်းဝကို တိုးဝင်ရသလိုပါပဲ။ တိုက်ပွဲ ကြားထဲက စစ်သားတွေ၊ ကျည်ဆန်တွေ၊ ဗုံးဆံတွေက မီးဖွားခါနီး ကိုယ်ဝန်ဆောင်ရယ်လို့ ကရုဏာသက်တတ် ကြတာမဟုတ်တော့ သန်သန်မာမာလူတွေနဲ့အပြိုင် ဘေးလွတ်ရာ ပြေးကြရပါတယ်။ စစ်ပွဲကြောင့် သေနတ်ဒဏ်ရာနဲ့ […]

ပစ်တိုင်းထောင်မ၊ ရန်ကုန်။              ။   “သူနဲ့ဝေးတဲ့ရာနေရာကို သွားချင်တယ်။ ရဲတိုင်ဘာတိုင်လည်းမလုပ်ချင်ဘူး။ ရဲလာမဖမ်းခင် သူက အစ်မကို အရင်သတ်မှာ”   နေရာက ကရင်ပြည်နယ်၊ ကရင့်အမျိုးသား အစည်းအရုံး တပ်မဟာ (၃) တပ်ရင်း (၈) ညောင်လေးပင်ခရိုင်၊ မုန်းမြို့နယ်က ရွာလေးတစ်ရွာမှာပါ။ အဲဒီရွာလေးဟာ ကရင်အမျိုးသားအစည်းရုံး(KNU)လို့ ခေါ်ကြတဲ့ ကရင့် လက်နက်ကိုင်နယ်မြေလည်းဖြစ်ပါတယ်။ ကရင်နယ်မြေဖြစ်တဲ့အတွက် ကရင်လူမျိုးအများစုနေထိုင်ကြတဲ့ နေ ရာလေးတစ်ခုပါ။ ဝါးနဲ့တိုင်ထူ၊ ဝါးနဲ့ကာ၊ အခင်းကလည်းဝါး၊ အမိုးကိုတော့ အင်ဖက်နဲ့မိုးပြီး ဆောက်ထားတဲ့ အိမ်လေးကတော့ ကရင့်အမျိုးသမီးအစည်းအရုံး (KWO) ရုံးပဲဖြစ်ပါတယ်။ ရုံးထဲမှာ ခန္ဓာကိုယ် ပိန်ပိန်ပါးပါး အသက် (၃၇)နှစ်အရွယ် အမျိုးသမီးတစ်ယောက် ကျောပေးပြီး ထိုင်နေတာကို တွေ့ရပါတယ်။ သူဟာ အဲဒီရွာခံမဟုတ်ဘူးလို့ ပြောနိုင်တာကတော့  ကရင်စကားမပြောတတ်၊ […]

နန်းဆိုင်နွမ်။ ။ ညအချိန်ရောက်လာတိုင်း မမွန်မွန်တစ်ယောက်ကတော့ အလုပ်သွားလုပ်ရမှာကို  စိုးရိမ်ပူ ပန်နေပါတယ်။ အရင်က သူအလုပ်သွားရင် စိုးရိမ်မှုသိပ်မရှိခဲ့ပေမယ့် အခုနောက်ပိုင်းမှာ ရဲတွေရဲ့ဖမ်းဆီးမှု ဆက်တိုက်ဖြစ်နေတော့ မမွန်မွန်အလုပ်လုပ်ရတာ စိုးရိမ်မှုတွေရှိနေတာပါ။ တချို့ရဲသတင်းပေးတွေက သာမန်သတင်းပေးမျိုးမဟုတ်ပဲ မမွန်မွန်တို့လို အမျိုးသမီးတွေ ကို ဧည့်သည်ပုံစံ ဟန်ဆောင်ပြီး ဟိုတည်ကို ခေါ်သွားတတ်ကြပါတယ်။ ဟိုတယ်ရောက်ရင်လည်း ပုံမှန်ဧည့်သည်တွေလိုပဲ သူတို့ရဲ့လိင်မှုကိစ္စပြီးစီးပြီးမှ အခကြေး ငွေမပေးဘဲ ရဲကို ဖုန်းဆက်ခေါ်တာမျိုး လုပ်ကြတာပါ။ “ ရဲသတင်းပေးတွေက အရပ်ဝတ်တွေနဲ့ ဧည့်သည်ပုံစံလို လာခေါ်တော့ ကျမတို့လိုက် သွားပါတယ်။ ဟိုတည်ရောက်လို့ ကိစ္စပြီးမှ ရဲတွေကို ဖုန်းဆက်ခေါ်တယ်။ နောက် ရဲတွေ ကျမတို့ကို လာဖမ်းတာ ခဏခဏကြုံရပါတယ်” လို့ မမွန်မွန်က ပြောပါတယ်။ မကြာသေးမီက အဖမ်းအဆီးများကလည်း မွန်မွန်တို့ရဲ့အလုပ်ကို ပိုမိုခက်ခဲသွားစေခဲ့ပါ […]

ခက်ဆစ်။           ။   အမျိုးသား ဒီမိုကရေစီ အဖွဲ့ချုပ် (NLD) ဗဟိုအမျိုးသမီးလုပ်ငန်းအဖွဲ့ကို သြဂုတ်လ(၂၁)ရက်နေ့တွင် စတင်ဖွဲ့စည်းလိုက်ကြောင်း အမျိုးသား ဒီမို ကရေစီအဖွဲ့ချုပ် ဗဟိုအလုပ်မှုဆောင်အဖွဲ့၏ ထုတ်ပြန်ချက်အရ သိရသည်။ အဆိုပါ ဗဟိုအမျိုးသမီးအဖွဲ့တွင် ဥက္ကဌအဖြစ် ဒေါက်တာမေဝင်းမြင့်၊ အတွင်းရေးမှူးအဖြစ် ဒေါ်ဇင်မာအောင် တို့မှ ဦးဆောင်ကာ အဖွဲ့ဝင် (၉)ဦးဖြင့် ဖွဲ့စည်းလိုက်ခြင်းဖြစ်သည်။ “ပါတီအတွင်း အမျိုးသမီးတွေ ပြန်လည်စုစည်းနိုင်အောင်၊ အားကောင်းအောင်၊ ပထမအဆင့်အနေနဲ့ လုပ် ဆောင်သွားမှာပါ။ ပြီးတော့ အမျိုးသမီးတွေနဲ့ပတ်သက်တဲ့ အကြောင်းအရာတွေကို မျက်ခြေမပြတ်ဖို့ လိုတယ်။ နောက်တဆင့်အနေနဲ့ကတော့ ပြင်ပအမျိုးသမီးအဖွဲ့တွေနဲ့ ချိတ်ဆက်လာနိုင်မယ်။ အမျိုးသမီးတွေနဲ့ ပတ် သက်တဲ့ အကြောင်းအရာတွေကို သတ်သတ်မှတ်မှတ် ပိုပြီးလုပ်ဆောင်နိုင်လာမယ်” ဟု ဗဟိုအမျိုးသမီးအဖွဲ့ […]

  မလိခ ။         ။ ကချင်ပြည်နယ် နမ္မတီးမြို့နယ်၊ ကဆုန့်ကျေးရွာတွင် သြဂုတ်လ (၁၁) ရက်နေ့က ကချင်လွတ်လပ်ရေး တပ် မတော်(KIA)နှင့် မြန်မာ့တပ်မတော်တို့ တိုက်ပွဲဖြစ်ပွားခဲ့သဖြင့် နမ္မတီးမြို့ပေါ်သို့ ထွက်ပြေးတိမ်းရှောင်လာ သူများထဲတွင် အမျိုးသမီးနှင့် ကလေးငယ်များ အခက်အခဲ ပိုမိုကြုံတွေ့နေရသည်ဟု သိရသည်။ KIA တပ်မဟာ (၂)လက်အောက်ခံ တပ်ရင်း (၁၁)တပ်ဖွဲ့များနှင့် တပ်မတော်တို့အကြား ကဆုန့်ကျေးရွာအနီး သြဂုတ်လ (၁၀)ရက်နေ့ နံနက်ပိုင်းက စတင်တိုက်ပွဲဖြစ်ပွားခဲ့ပြီး သြဂုတ်လ (၁၁)ရက်နေ့ နံနက် (၁၀) နာရီ အချိန်တွင် ဒေသခံများက ကက်သလစ်ဘုရားကျောင်းတွင် ထွက်ပြေးတိမ်းရှောင်ရေးနှင့်ပတ်သက်၍ အစည်းအဝေး ပြုလုပ်နေစဉ် တပ်မတော်ဘက်မှ စစ်အင်အား အလုံးအရင်းဖြင့် ဝင်ရောက်လာကာ ပစ်ခတ် မှုများရှိခဲ့သဖြင့် ကျေးရွာသားများ ကိုယ်လွတ်ရုန်း ထွက်ပြေးခဲ့ကြရသည်ဟု စစ်ပြေးဒုက္ခသည်များအား အကူအညီပေးနေသည့် […]