“ ဒီဒေသမှာ အမျိုးသမီး အခက်အခဲကတော့အများကြီးပါပဲ။ လက်နက်ကိုင်တွေခေါ်ပြီး ပြန်လွှတ်တာတွေရှိတယ်။ ဒီကိစ္စကတော့ ကျမအနေနဲ့က ပါတီထဲမှာ လူကြီးတွေ အာဏာပိုင်တွေ သက်ဆိုင်ရာတွေနဲ့ တိုင်ပင်ပြီး အကောင်းဆုံး ဆောင်ရွက်ပေးမှာပါ။ အမျိုးသမီးတွေရဲ့လုံခြုံရေးကအစ ကျမ တခြားအဖွဲ့အစည်းတွေနဲ့ ပူးပေါင်း၊ အကြံယူပြီးတော့ ဆောင်ရွက်သွားပါမယ်”

“လူတွေက နိုင်ငံရေးသမားတွေဆို နည်းနည်းအထင်သေးကြတယ်။အလုပ်မရှိ အကိုင်မရှိပေါ့။ ကိုယ့်အတွက်လည်းအကျိုးအမြတ်လည်းမရပဲ ဘာမှလည်းဟုတ်တာမဟုတ်ပဲ လုပ်နေကြတယ်ပေါ့။ တကယ်တော့ နိုင်ငံရေးသမားဆိုတာ အဲ့ဒီလိုမဟုတ်ဘူး။ တကယ့်ကို ကိုယ့်ယုံကြည်ချက်နဲ့ကိုယ် လျှောက်လှမ်းနေတဲ့သူတွေဆိုတာကို ပြချင်တာ။ အဲ့ဒီလိုဖြစ်အောင်လို့လည်း ကြိုးစားနေတယ်"

“ဖမ်းပြီး မရိုက်ခင်တုန်းကတော့ မိုးမြန်မြန်လင်းဖို့ ဆုတောင်းရတယ်။ ရိုက်ခံရပြီးနောက်တော့ မိုးမလင်းဖို့ ညတိုင်းဆုတောင်းနေရတယ်။ အန်တီ ဘဝ အရမ်းနစ်နာခဲ့တယ်။ မရှိရှိတာ ချေးပြီး ပေးခဲ့တယ်။ ဒဏ်ရာရခဲ့တယ်။ အမေလည်းဆုံးရတယ်။ အမျိုးသမီးကိုလုပ်တာ လူမဆန်မှုတွေကို အန်တီ မကျေနပ်ဘူး”