“စစ်တပ်ကသာ မတားဆီး၊ မပိတ်ပင်ရင် ကျမတို့လည်း အခုလောက် ဒုက္ခမရောက်ဘူး။ သူတို့က ကျမတို့တွေကို ဘယ်လို အငြိုးတွေနဲ့ အခုလို ဒုက္ခရောက်အောင် လုပ်နေတာလဲဆိုတာ မတွေးတတ်တော့ဘူး”

"လူ့ဘဝကြီးက နေဖို့တောင် မကောင်းတော့ဘဲပဲ သေချင်စိတ်တောင် ပေါက်လာကြတာ၊ ကိုယ့်နိုင်ငံက ပြည်သူတွေက မြေလွတ်မြေရိုင်းမှာ နေခွင့်မရှိရင် မြန်မာနိုင်ငံမှာ နေဖို့တောင် မကောင်းတော့ဘူး"

ယခုနှစ်တွင်ကျရောက်သော နိုဝင်ဘာလ ၂၅ မှ ဒီဇင်ဘာလ ၁၀ အထိ အမျိုးသမီးများအပေါ် အကြမ်းဖက်မှုပပျောက် ရေးနေ့ ၁၆ရက်တာ လှုပ်ရှားမှုနေ့များတွင် ပအိုဝ်းကိုယ်ပိုင်အုပ်ချုပ်ခွင့်ရဒေသဖြစ်သော ဆီဆိုင်မြို့နယ်၊ ပင်လောင်းမြို့နယ်၊ ဟိုပုံးမြို့နယ်တို့အပြင် မောက်မယ်မြို့နယ်၊ ပင်လုံမြို့နယ်တို့ရှိကျေးရွာများတွင် အမျိုးသမီး အရပ်ဖက်အဖွဲ့အစည်းများက ဆွေးနွေးပွဲများနှင့်ကမ်ပိန်းများကို ပြုလုပ်ခဲ့ကြသည်။