“ကလေးတွေရဲ့ ဆုံးရှုံးနေတဲ့အခွင့်အရေးတွေကို အချိန်မီတားဆီးကာကွယ်ပေးဖို့ လိုအပ်နေပြီဆိုတဲ့ သံချောင်းခေါက်သံ ဟာ ကျယ်လောင်နေပြီ ဖြစ်ပါတယ်။ ကလေးတွေရဲ့ အခွင့်အရေးဖြစ်တဲ့ အသက်ရှင်သန်ပိုင်ခွင့်ကို ဒီထက်အချိန်မနှောင်း ခင်မှာပဲ ဆောလျှင်စွာ ထိထိရောက်ရောက်ကာကွယ်ပေးနိုင်ဖို့ အရေးတကြီးလိုအပ်နေပါပြီ”

ဖေဖော်ဝါရီ ၁ ရက်နေ့ စစ်တပ် အာဏာသိမ်းပြီးနောက် ပြည်သူအများဟာ နိုင်ငံတဝန်းမှာ စစ်အာဏာရှင်ဆန့်ကျင် ရေး အတွက် ပုံစံမျိုးစုံနဲ့ ဆန္ဒထုတ်ဖော်ခဲ့ကြပါတယ်။ ငြိမ်းချမ်းစွာ ဆန္ဒထုတ်ဖော်နေတဲ့ ပြည်သူတွေကိုလည်း စစ်တပ်က ပစ်ခတ်သတ်ဖြတ်တာတွေ အကြမ်းဖက် ရိုက်နှက်တာတွေနဲ့ ဖမ်းဆီးတာတွေကို ဆက်တိုက်ပြုလုပ်နေဆဲပါပဲ။ ဒီလိုပြုလုပ်ပေမယ့် ပြည်သူအများက နောက်တွန့်မသွားကြဘဲ စစ်အာဏာရှင်ဆန့်ကျင်ရေးအတွက် နည်းလမ်းပေါင်းစုံနဲ့ ဆက်လက် ဆန္ဒထုတ်ဖော်ကာ တော်လှန်နေလျက်ရှိပါတယ်။ ဒီတော်လှန်ရေးထဲမှာ အမျိုးသမီးတွေလည်း ပုံစံမျိုးစုံနဲ့ ရဲရဲရင့်ရင့် ရှေ့တန်းမှာ ပါဝင်တော်လှန်နေကြပါတယ်။ ဒီအတွက်လည်း တော်လှန်ရေးမှာ အသက်ပေးခဲ့ရတဲ့အမျိုးသမီးတွေ၊ အနှိပ်စက်ခံ၊ ဖမ်းဆီးခံရတဲ့ အမျိုးသမီးပေါင်း များစွာရှိခဲ့ပါပြီ။ ဒါကြောင့် စစ်အာဏာသိမ်းပြီး ယနေ့အထိ နှစ်လအတွင်း(ရက်ပေါင်း၆၀နီးပါး)မှာ အမျိုးသမီးတွေပါဝင် လှုပ်ရှားမှုအဖုံဖုံကို မှတ်တမ်းတင်စုစည်းဖော်ပြပေးလိုက်ပါတယ်။

“ ကျွန်မတို့လူ့အဖွဲ့အစည်းက ရုပ်ချောချောလှလှလေးနဲ့ဆိုရင်၊ အိမ်မှာ အိမ်မှုကိစ္စလုပ်နိုင်တယ်ဆိုရင်ပြီးပြီလို့ ယူဆကြတာများတယ်။ အချိန်တန်ရင် ယောက်ျားတစ်ယောက်က လာတောင်းလိမ့်မယ်။ လုပ်ကျွေးလိမ့်မယ်။ တကယ်တော့ ကိုယ်ကအဲဒီလိုလည်းမဟုတ်ဘူး”