“ ကျွန်မက ကဏန်းချည်တဲ့အလုပ်နဲ့ မိသားစုလေးယောက်ရဲ့စားဝတ်နေရေးကို ရုန်းကန်နေရသူပါ။ ခေတ်ကာလကောင်းတဲ့အချိန်တွေတုန်းကဆိုရင် ကဏန်းဈေးတွေကောင်းပြီး အရောင်းအဝယ်တွေလည်း ကောင်းနေကြတာဆိုတော့ ဒီလုပ်ငန်းကိုလုပ်ရတာ အဆင်ပြေနေခဲ့ပါတယ်။ ၂၀၁၇-၂၀၁၈ လောက်ကစပြီးတော့ ရခိုင်ပြည်နယ်ထဲမှာ တိုက်ပွဲတွေ နေရာအနှံ့ဖြစ်လာတယ် တပြိုင်တည်းမှာပဲ ကိုဗစ်-၁၉ရောဂါကပ်ဘေးဒဏ်ကိုလည်း ခံစားလာရပြန်တယ်။ စစ်ပွဲနဲ့ ရောဂါကပ်ဘေးနှစ်ခု ကြားထဲမှာ ကျွန်မတို့လို မုဆိုးမတွေအတွက် စားဝတ်နေရေးအခြေအနေက ဆိုးဆိုးဝါးဝါးရုန်းကန်ရတဲ့ အခြေအနေကို ဆိုက်ရောက်သွားခဲ့ရပါတယ်”

“ အမျိုးသမီးတွေ သက်ကြီးရွယ်အိုတွေက စစ်ကြောင့်စိတ်ဒဏ်ရာရနေတဲ့ကြားက အခု ဒီလို မီးလောင်ပြာကျဆုံးရှုံးမှုတွေ များတော့ စိတ်ပိုင်းဆိုင်ရာကုစားဖို့ကခက်ခဲမယ်။ ကြာမယ်။”

“ ဟိုတစ်ရက်က မိုးအရမ်းကြီးတဲ့ရက်က မိုးကာလည်းမရှိဘူး။ အကုန်လုံးက စိုကုန်တယ်၊ အိပ်လို့လည်းမရဘူး ၊ တစ်ည လုံး စိုစိုနဲ့ထိုင်နေရတယ်”