ကချင်မလေး   “အကြောက်တရား လွှမ်းမိုးနေရာကနေ မကြောက်ဖို့။ ကြောက်နေရင် ပိုခြောက်တယ်လို့ ခံစားရတဲ့အတွက် အန်တီက ပြည်သူတွေကိုလည်း သိစေချင်တယ်။ အန်တီတို့ကိုယ်တိုင်က ဒီလိုမျိုးရုန်းကန်တယ်ဆိုတာသိပြီး သူတို့ကိုယ်တိုင်ကလည်း လုပ်ရင်ဖြစ်တယ်ဆိုတာ သိစေချင်လို့ အန်တီတို့ကူညီရင်း ပိုကျယ်ပြန့်လာပါတယ်။”   မိုးသဲကြီးမဲကြီးရွာနေတဲ့ရန်ကုန်ညနေခင်းတခုမှာ တက်ကြွလှုပ်ရှားသူ အမျိုးသမီးခေါင်းဆောင်နော်အုန်းလှနဲ့ စားသောက်ဆိုင်တခုမှာ ဆုံဖို့အတွက် စောင့်နေခဲ့တယ်။ ကရင်မလေးသူငယ်ချင်းတယောက်က သူနဲ့တွေ့ဖို့ချိန်းထားတယ်ဆိုလို့လိုက်သွားခဲ့တယ်။သူ့ကိုအင်တာဗျူးလုပ်ဖို့ အရင်ကကြိုးစားခဲ့ဖူးတယ်။ ဒါပေမယ့်ရုတ်တရက်သူကပြန်ပြီးဖမ်းခံလိုက်ရတယ်။ ဒီတကြိမ်တော့ သူ့ကိုအင်တာဗျူးလုပ်မယ်လို့ အားခဲပြီး လူသူရှင်းတဲ့စားသောက်ဆိုင်ဒေါင့်တနေရာကို ယူပြီးစောင့်နေခဲ့တယ်။ သူရောက်လာပါပြီ။ ကိုင်းတပ်ထားတဲ့အမည်းရောင်ထီးအောက်က အဖြူရောင်အင်္ကျီဖားဖား၊ ဆံပင်ကိုဘေးတဖက် တချက်မှာထုံးထားပြီး ဘာမှလိမ်းခြယ်မထားတော့ရိုးရိုးရှင်းရှင်းမျက်နာဟာ အထင်းသားကြီး မြင်နေရ တယ်။ သူအသက် ၅၂ နှစ် နှင့်ပင်မမျှ သွက်လက်ဆဲ ဖြစ်တယ်။ “မိုးကြီးလို့ကားတွေလည်းကျပ်နေ တာကြောင့် နောက်ကျသွားတယ်သမီးရယ်” လို့  ပြောရင်း လွတ်နေတဲ့ ထိုင်ခုံကို […]

Anna/ Cherry ယမန်နေ့ ဇူလိုင်လ ၃၀ ရက် နံနက် ၄နာရီခွဲအချိန် ရှမ်းပြည်နယ်မြောက်ပိုင်း တရုတ်နယ်စပ် အနီး မုံးပေါ်မြို့တွင် ဈေးတန်းစတင် မီးလောင် မှုဖြစ်ပွားရာဆိုင်ခန်း ၃၀၅ခန်း ရှိသည့်အနက် ရ၂ခန်းမီးလောင်ပျက်စီး၍ ကျပ်သန်းပေါင်း ၁၀၀ကျော် ဆုံးရှုံးခဲ့ရကြောင်း မြို့နယ် အုပ်ချုပ်ရေးမူးမှ သိရှိရပါသည်။ မီးမှာ ၃ နာရီခန့် လောင်ကျွမ်းခဲ့ပြီး နံနက် ၇နာရီ ၁၅မိနစ်တွင် မီးညွန့်ကျိုးသွားခဲ့သည်။ မီးငြိမ်းသတ်ရာသို့ ပြည်သူလူထု ၁၀၀ကျော်၊ ပန်ဆိုင်းမီးသတ်ကား ၁စင်း၊ မူဆယ်မီးသတ်ကား ၂စင်း၊ အရန်မီးသတ်အင်အား ၃၀၊ စစ်ကြောင်း (ခမရ ၇၈)၅၀ဦး၊ မုံးပေါ်ပြည်သူ့စစ် ၃၀ဦး ဖြင့်မီးငြင်းသတ်ရာလူသူထိခိုက်မှု မရှိပဲ ကယ်ဆယ် နိုင်ခဲ့ကြောင်းသိရသည်။ မုံးပေါ်မြို့ဈေးတန်းသည် အမျိုးသမီးများအများစု၏ စီးပွားရှာနေရာဖြစ်ပြီးမုံးပေါ်မြို့နယ် အုပ်စု(၁၁)စုသည် လမ်းပန်းဆက်သွယ်ရေးကြောင့်အခြားမြို့ပေါ်သို့မသွားနိုင်ဘဲမုံးပေါ်မြို့ […]

(ကချင်မလေး) နိုင်ငံတကာ စီပွားရေးစင်တာ (International Business Center) လို့ခေါ်တဲ့အဆောက်အဦးက နာမည်နဲ့ လိုက်အောင်ပဲ ဟိန်းနေလိုက်တာ။ အဝင်ပေါက်နှင့် အထွက်ပေါက် နှစ်ခုအလယ်မှာ လုံခြုံရေး အစောင့်တွေက အဝင်အထွက်ကို စောင့်ကြပ်နေတယ်။ အတွင်းပိုင်းသို့ ဝင်ရောက်သွားချိန်မှာတော့ လူ ၈ ဦးဆန့် စားပွဲဝိုင်း ၁၀ လုံးခန့်ချထားတာ တွေ့ရပါတယ်။ အရှေ့ဘက်မှာ စကားပြောစင်တခုနှင့် ၄” ခန့်ရှိစားပွဲအရှည်ကို မျက်နှာချင်းဆိုင်က ချထားတယ်။ အစီရင်ခံစာ မိတ်ဆက်ပေးရန် အချိန်ရောက်လာသည်နှင့်အမျှ ဧည့်သည်တွေ၊ သတင်းထောက်တွေက ဘာသာပြန်စက်ကိရိယာတွေကို အသီးသီးယူပြီး လက်မှတ်ထိုး ကာ ဝင်လာနေပါတယ်။   အဲဒီနေ့ မိတ်ဆက်ပေးတဲ့ အစီရင်ခံစာက “ မြန်မာနိုင်ငံ ဒေသဆိုင်ရာ အုပ်ချုပ်မှုတွင် အမျိုးသမီးများ ပါဝင်ဆောင်ရွက်ခြင်း” ဆိုတဲ့ အစီရင်ခံစာပဲ ဖြစ်ပါတယ်။ […]

ယနေ့ ဇူလိုင်လ ၁၉ ရက်နေ့၊ ကယားပြည်နယ် လွိုင်ကော်မြို့တွင် ပြုလုပ်သော ၆၇ နှစ်မြောက် အာဇာနည်နေ့အခမ်းအနားသို့ နိုင်ငံရေးအဖွဲ့အစည်းများ၊ လူမှုအဖွဲ့အစည်းများနှင့် အမျိုးသမီးအဖွဲ့အစည်းများမှ လွမ်းသူ့ပန်းခွေများဖြင့် တက်ရောက်ခဲ့ရာ အမျိုးသမီးများ ထက်ဝက်ခန့်ပါဝင်ခဲ့ကြပါသည်။ အခမ်းအနားကို လွိုင်ကော်မြို့ မင်္ဂလာရပ်ကွက် တောင်ကွဲစေတီရှေ့ အာဇာနည်ကျောက်တိုင်တွင် ပြုလုပ်ခဲ့ပါသည်။ “ဗမာ့သွေးဗမာ့စိတ်ဓာတ်” သီချင်းဖြင့် အခမ်းအနားကိုစတင်ခဲ့ပြီး အမျိုးသားဒီမိုကရေစီအဖွဲ့ချုပ် (ကယားပြည်နယ်) ဥက္ကဌ ဒေါက်တာဒေါ်ခင်စည်သူမှ သဝဏ်လွှာဖတ်ကြားခဲ့ပါသည်။ အခမ်းအနားသို့ အဖွဲ့အစည်း ၁၁ ဖွဲ့မှ စုစုပေါင်း လူဦးရေ ၂၀၀ ခန့်တက်ရောက်ခဲ့ကြသည်။