“အရင်က ချမှတ်ခဲ့တဲ့ ကုလသမဂ္ဂရဲ့ ဆုံးဖြတ်ချက်နဲ့ ကြေညာချက်တွေမှာ အမျိုးသမီး၊ ငြိမ်းချမ်းရေးနဲ့ လုံခြုံရေးဆိုင်ရာ ကိစ္စရပ်တွေ ပါဝင်ခဲ့ပေမယ့် ဒါတွေက ဆုံးဖြတ်ချက်အမှတ် ၁၃၂၅ လို ပီပြင်တဲ့ သြဇာ သက်ရောက်မှု မရှိခဲ့ကြပါဘူး။ ဒီဆုံးဖြတ်ချက်က ကုလသမဂ္ဂ အထွေထွေအတွင်းရေးမှူးချုပ်၊ အဖွဲ့ဝင်နိုင်ငံတွေနဲ့ လက်နက်ကိုင် ပဋိပက္ခမှာ ပါဝင်တဲ့ အဖွဲ့အစည်းတွေကို တိတိကျကျ အရေးယူဆောင်ရွက်ဖို့ တောင်းဆို တိုက်တွန်းထားပါတယ်။”

"… သူတို့ပြောတာက ဆရာမတို့က အမျိုးသမီးဖြစ်နေတာကိုတဲ့။ ကျနော်တို့က အမျိုးသားကိုပဲ မဲထည့်တာပေါ့တဲ့။ ဆိုတော့ လူထုတွေရဲ့ စိတ်ထဲမှာက အမျိုးသမီးဆိုရင် ဦးဆောင်မှုအခန်းကဏ္ဍမှာ မရှိသင့်ဘူးဆိုတဲ့ဟာက အစဉ်အဆက်မှာ တွေးလာတာမျိုးကိုပဲ သူတို့နားလည်ထားတယ်…"

"ကျမရဲ့ ရွေးကောက်ပွဲ မဲဆွယ်ကတိကဝတ်တွေကို ဆိုရှယ်မီဒီယာမှာ အသုံးပြုပြီးလူထုဆီရောက်အောင် မပို့နိုင်ဘူးပေါ့။ ကျမတို့ ကိုယ်တိုင်သွားမှပဲဖြစ်မယ့် အနေအထားမျိုးတွေမှာ မိုးတွင်းကာလလည်းဖြစ်၊ လမ်းခရီးကြာရှည်စွာနဲ့လျှောက်ရတာမျိုး၊ ကားလမ်းတွေလည်း မရှိတဲ့အတွက်ကြောင့် ဆိုင်ကယ်လမ်းခရီးနဲ့ သွားရတာမျိုး အသက်ကိုဖက်နဲ့ထုပ်ပြီးမှ စည်းရုံးရေးဆင်းနေရတဲ့ အနေအထားဖြစ်တယ်"