“ရှေ့တန်းသွားတဲ့ ရဲဘော်တွေအတွက် ကျည်တစ်ထောင့်က အသက်လိုအရေးပါတော့ ကျမတို့လည်း ကျည်ဖိုးကူရှာပေးချင်တယ်။ နောက်စစ်ကြောင်းထိုးလို့ လယ်မစိုက်နိုင်တဲ့ တောင်သူတွေလည်း ကူပေးရင်း နေ့စားကောက်စိုက်ဖို့ စဉ်းစားဖြစ်တယ်”

“အရင်နှစ်တွေတုန်းက နေရပ်ပြန်နိုင်ပြီပြောတော့ ပျော်နေခဲ့တာ။ အခုကျတော့ နိုင်ငံရေးကပိုပိုဆိုးလာတော့ အိမ်ပြန်နိုင်ဖို့က ဘာမှမမျှော်လင့်ရဲ့တော့ဘူး။ အနာဂါတ်အတွက်ဘာ စိတ်ကူးမှလည်းမရှိတော့ဘူး တစ်ရက် တစ်ပတ် တစ်လ ဒီလိုဘဲဖြတ်ကျော်နေတယ်။ အိမ်ပြန်ချင်တဲ့စိတ်ကတော့ အခုရရင် အခုတောင်ထပြန်ချင်ပါတယ်”

"တစ်ခါတစ်လေမှာ ချဉ်ပေါင်ရွက် အစုံထုတ်ထားတဲ့ တစ်ရာတန် တစ်ထုတ်သာ ဝယ်နိုင်တဲ့ရက်တွေဆို အရည်ကျဲကျဲနဲ့ ချက်ပြီး ငပိထောင်းနဲ့ ပြီးခဲ့ရတဲ့ ရက်တွေလည်း ရှိတယ်"