မီးဖွားခါနီးကိုယ်ဝန်ဆောင်လေးဦးနှင့် နို့တိုက်မိခင်လေးဦးပါဝင် နွေဦးမောင် စက်တင်ဘာ ၁၀၊ ၂၀၂၃။ မြန်မာနိုင်ငံတွင် လူသားချင်းစာနာမှုဆိုင်ရာ လုပ်ငန်းများလုပ်ကိုင်နေသော ဆွစ်ဇာလာနိုင်ငံ၊ ဂျနီဖာမြို့အခြေစိုက် လူသာရမ်ဖက်ဒရေးရှင်း(Lutheran World Federation – LWF)မြန်မာက စစ်တွေရုံးခွဲမှ ဝန်ထမ်း ၈၀ ဦးအား အလုပ်မှထုတ်ပယ်ခဲ့ရာ အမျိုးသမီးဝန်ထမ်း ၄၃ ဦးပါဝင်ကြောင်း အလုပ်မှထုတ်ပယ်ခံရသောဝန်ထမ်းများက ဆိုသည်။ ယခုကဲ့သို့ အလုပ်မှ ထုတ်ပယ်လိုက်ခြင်းကို စက်တင်ဘာ ၄ ရက်က ဝန်ထမ်းများထံ အီးမေလ်းမှတဆင့် အကြောင်းကြားစာပေးပို့လာခြင်းဖြစ်သော်လည်း ပြီးခဲ့သည့် သြဂုတ်လအတွက် လုပ်ခလစာများကိုလည်း ပေးအပ်ခြင်းမရှိသေးကြောင်း အလုပ်ထုတ်ခံ အမျိုးသမီးဝန်ထမ်းများက ပြောသည်။ LWF မှဝန်ထမ်းများကို လစာငွေပေးရာတွင် ယူရိုငွေမှ မြန်မာကျပ်ငွေလဲလှယ်၍ ပေးအပ်ရာတွင် စျေးကွက်ပေါက်စျေးအတိုင်းမပေးဘဲ စစ်ကောင်စီဘဏ်ကသတ်မှတ်သော ငွေလဲလှယ်နှုန်းအတိုင်းပေးသည့်အပေါ် မကျေနပ်၍ ပေါက်စျေးအတိုင်းပေးရန် တောင်းဆိုရာမှ ယခုကဲ့သို့ […]