“တစ်ယောက်တည်းကြိတ်ဖြေရှင်းတာက အလုပ်မဖြစ်ဘူး။ ရှက်စရာမလိုဘူး။ ရဲရဲဝံ့ဝံ့ရင်ဆိုင်ရဲရမယ်။”

နိုဝင်ဘာ ၆ ရက်မှ ၁၂ ရက်အတွင်း တစ်ပတ်တာအမျိုးသမီးဖြစ်ရပ်များထဲမှ ထူးခြားတဲ့အကြောင်းအရာတွေကို HI က စုစည်း ဖော်ပြပေးလိုက်ပါတယ်။

ပိတ်မိနေသည့် စစ်ဘေးရှောင်များအတွက် အကူအညီများ အရေးပေါ်လိုအပ်နေ ဆိုဖီ မြန်မာ-တရုတ်နယ်စပ် ကုန်သွယ်ရေးဇုံလမ်းကြောတစ်လျှောက် ဖြစ်ပွားနေသည့် တိုက်ပွဲများကြား ယမန်နေ့ (နိုဝင်ဘာ ၁၁ အထိ ) အမျိုးသမီးနှင့်ကလေး သေဆုံးမှု ၁၆ ဦးထိ ရှိလာကြောင်း စစ်ဘေးရှောင်အရေး ကူညီနေသူများကဆိုသည်။ ‘၁၀၂၇ စစ်ဆင်ရေး’တွင် ညီနောင်မဟာမိတ်သုံးဖွဲ့နှင့် စစ်ကောင်စီတို့ကြား အောက်တိုဘာ ၂၇ရက်မှ စတင်လာသည့် တိုက် ပွဲအတွင်း အရပ်သားသေဆုံးမှု ၂၅ဦးရှိခဲ့ရာ ထိုထဲတွင် အမျိုးသမီး ၁၂ဦးနှင့် ကလေးလေးဦးထိရှိလာသည်။ သေဆုံးသူများသည် ကွတ်ခိုင်မြို့နယ်တွင် အမျိုးသမီးသုံးဦး၊ သိန္နီမြို့နယ်တွင် အမျိုးသမီးလေးဦး၊ ပန်ဆိုင်းမြို့တွင် အမျိုးသမီး တစ်ဦး၊ လားရှိုးမြို့နယ်နေအမျိုးသမီးလေးဦးတို့ဖြစ်သည်။ “ သိန္နီမြို့မှာတော့  အမျိုးသမီးသေတာ လေးဦးထိရှိပြီ။ မနေ့ကဆိုရင် သားအမိ နှစ်ယောက်ပွဲချင်းပြီးသေတာ။ စစ်တပ်က လေကြောင်းလိုင်းနဲ့ ဗုံးကြဲတော့ထိတာပါ။ […]