“အမေများနေ့မှာ အမေနဲ့ အတူမရှိပေးနိုင်တာက ကျမအတွက် အရမ်းဝမ်းနည်းဖို့ အရမ်းကောင်းတယ်။ စိတ်ဓာတ်တွေ ကျရင် အမေနဲ့ စကားပြောပြီး ခွန်အားပြန်ယူတယ်။ အမေက ကျမတွက် အကောင်ဆုံးပါ။ အမေကို ချစ်တယ်လို့ ပြောချင်တယ်။”

“ ဆရာမတွေဘဝက CDM လည်း ဖမ်းခံရ၊ Non-CDMလည်း ဖမ်းခံရတဲ့ဘဝဖြစ်နေတယ်။ ဒီကြားမှာ ကျမတို့ မျိုးဆက်တစ်ခုက ပညာမဲ့ဖြစ်လာမယ်။ လွန်ခဲ့တဲ့သုံးနှစ်ကလည်း စာမသင်ရ၊ အခုရောမသင်ရဆိုတော့ ကလေးတွေ စာတတ်မြောက်မှုနှုန်းကျ ဆင်းသွားနိုင်တယ်။”

“ ကျမတို့က ကိုယ့်အားကိုယ်ကိုးပြီး ကိုယ့်လမ်းကိုယ်ဖောက်နေကြတာ။ နွေဦးတော်လှန်ရေးဆိုတာ မြန်မာ့လူ့အဖွဲ့အစည်း ထဲမှာ ရေးကြီးခွင်ကျယ်ဖြစ်နေသေးတဲ့ ကျား၊မခွဲခြားမှုကိုပါ တိုက်ဖျက်နေတာ။”

“ အသက်အရွယ်တစ်ခုရောက်လာလို့ လုပ်ငန်းခွင်ထဲက အမျိုးသမီးတွေအားလုံး လုပ်ငန်းခွင်ကို စွန့်ခွာသွားရမယ်ဆိုလို့ရှိရင် ဘယ်လိုမှထောင်စုနှစ်ရည်မှန်းချက်မှာ မျှော်လင့်ထားရတဲ့အမျိုးသမီး၊ အမျိုးသားတန်းတူအခွင့်အရေးဆိုတာ ဖြစ်လာမှာ မဟုတ်ဘူး။”

“ အာဏာရှင်ပြုတ်ကျဖို့အတွက်ဆိုရင် ကျရာနိုင်ရာနေရာကနေပါဝင်မယ်။ ကူမယ်။ နောက်ဆုံးထွက်သက်အထိ လုပ်နိုင်တာ အကုန်လုပ်ပေးမယ်။ အာဏာရှင်ပြုတ်ကျဖို့အတွက်ဆိုရင် အသက်ပေးရရင်တောင်တန်ပါတယ်။”