ပြည်သူတွေကို စစ်အုပ်စုက အကြောင်းအမျိုးမျိုးပြပြီး ဖမ်းဆီးသတ်ဖြတ်တာတွေ နိုင်ငံတစ်ဝှမ်း ကျူးလွန်နေပါတယ်။ အထူးသဖြင့် နွေဦးတော်လှန်ရေးနဲ့ဆက်စပ်တဲ့သူတိုင်းကို စစ်အုပ်စုက အကြမ်းတမ်းဆုံး ကိုင်တွယ်နေခဲ့တာလည်း ဖြစ်ပါ တယ်။ ဒါပေမဲ့ နန်းခမ်းလုံကတော့ အခြေနေအားလုံးကို ဂရုမထားအားဘဲ သူလုပ်စရာရှိတာ ရဲရဲဝံ့ဝံ့လုပ်ကိုင်နေတဲ့ အမျိုး သမီးတစ်ဦးပါ။ ပြီးခဲ့တဲ့ ၂၀၂၁ ခုနှစ်ထဲ စစ်တပ်ကအာဏာသိမ်းတာနဲ့ သူလည်းရန်ကုန်မှာ ရှိနေခဲ့တယ်။ ဒါကြောင့် အသက်မွေးဝမ်း ကြောင်းအလုပ်ကနေ ထွက်လိုက်ပြီး လူမှုရေးအလုပ်တွေပဲ ဆက်တိုက်လုပ်နေခဲ့တာ ခုဆို တစ်နှစ်ကျော်ရှိပါပြီ။ သူဇောင်းပေးပြီးလုပ်ဖြစ်နေတဲ့ လူမှုရေးအလုပ်တွေက တခြားတော့မဟုတ်ပါဘူး။ နွေဦးတော်လှန်ရေးနဲ့ဆက်စပ်သူတွေရဲ့ အခက်အခဲကို နိုင်သမျှ ကူညီဖြေရှင်းပေးတာမျိုးပါ။

"တကယ်တော့ သူဟာ တာဝန်ကျေတဲ့သူရဲကောင်းပါ။ သူသေဆုံး ရတာဟာ ကျနော်တို့အတွက်တော့ အစားထိုးမရတဲ့ဆုံးရှုံးမှုကြီးတစ်ခုပါပဲ”

“နို့တစ်စာရတည်းက ကျနော့် မိန်းမက ငါတို့မှာနေစရာမရှိတော့ဘူး။ ငါအဆိပ်သောက်သေတော့မယ်လို့ ခဏခဏ ပြောနေခဲ့တယ်။ ကျနော်ကတော့ အမှန်တကယ်လုပ်မယ်လို့ မထင်ခဲ့ဘူး။ နောက်ဆုံးတော့ သူထွက်ပေါက်ရှာတွေ့ သွားခဲ့တယ်”