အမှန်အတိုင်း ပြော မယ်ဆိုရင် ချင်းမှာက အမျိုးသမီးတော်တော်များများက သူတို့ကို ဓလေ့အရ ဖိနှိပ်ထားတယ်ဆိုတာကို မသိတဲ့ သူတွေ အများကြီးရှိတယ်။ ဒါကို မှန်တယ်ဆိုပြီး သွားနေကြတာ။ အဲဒါကြောင့် ကျွန်တော့်အမေလည်း သူ့ကို ဓလေ့အရ ဖိနှိပ်ထားတယ်ဆိုတာကို မသိဘူးဆိုတာ မဖြစ်နိုင်ဘူးပေါ့နော်။ ဒါပေမယ့် ကျွန်တော့်အမေက အမျိုး သမီးတွေရဲ့အခွင့်အရေးနဲ့ပတ်သက်လို့တော့ သိပ်မရင်းနှီးသေးပါဘူး။ ဒါကြောင့် အခုနောက်ပိုင်းမှာ အမျိုးသမီး တွေအနေနဲ့ ကိုယ့်မှာ ဘယ်လိုအခွင့်အရေးတွေ ရှိတယ်ဆိုတာ ပြောပြဖို့ ကျွန်တော့်မှာ တာဝန်ရှိသလိုဖြစ်လာ တယ်။

နိုင်ငံတကာအမျိုးသမီးများနေ့ဟာ လက်ရှိဖြစ်ပေါ်နေတဲ့ မညီမျှမှုတွေကို ဆန့်ကျင်ကန့်ကွက်ဆန္ဒပြပွဲတွေ ကျင်း ပပြီး လူအများသတိပြုမိလာအောင် ဆောင်ရွက်တဲ့ နိုင်ငံရေးအခြေခံနေ့တစ်နေ့ဖြစ်သလို လူ့ဘောင်အဖွဲ့အ စည်းတွေရဲ့ နိုင်ငံရေးနဲ့ စီးပွားရေးနယ်ပယ်တို့မှာ အမျိုးသမီးတွေ ဘယ်လောက်ထိ ရုန်းကန်လှုပ်ရှားခဲ့ရတယ် ဆိုတာကို ဖော်ပြအောင်ပွဲခံတဲ့ နေ့ရက်တစ်ရက်လည်း ဖြစ်လာခဲ့ပါတယ်။