“ကောင်မလေးတွေ ဆေးရှိန်လွန်လို့ သေတာ၊ ဆေးအတူသုံးရင်း လိင်ကိစ္စဖြစ်သွားတာတွေ၊ အစော်ကားခံရတာတွေကလည်း ၁ခု၊ ၂ ခုမကတော့ဘူး၊ တချို့ဖြစ်စဉ်တွေပဲ အွန်လိုင်းပေါ်တက်လာတာ၊ လိုင်းပေါ်မတက်ပဲ ဖြစ်သွားတာတွေက အများကြီးရှိတယ်”

ဖေဖော်ဝါရီ ၂၁ ရက်ကနေ ဖေဖော်ဝါရီ ၂၇ ရက်နေ့အထိတပတ်တာအတွင်း အမျိုးသမီး ဖြစ်ရပ်တွေထဲက ထူးခြားတဲ့ အကြောင်းအရာတွေကို HI – Honest Information ကစုစည်းဖော်ပြလိုက်ပါတယ်။

 မောင်တောအခြေစိုက် သတင်းထောက်အမျိုးသမီး ၁ဦးကို ရက္ခိုင်အမျိုးသားအဖွဲ့ချုပ်/ အာရက္ခတပ်တော် (ULA/AA)ရဲ့ ထောက်လှမ်းရေးတပ်ဖွဲ့က စုံစမ်းမေးမြန်းလိုတဲ့အတွက် နေအိမ်အထိ လာရောက် ခေါ်ဆောင် သွားပြီး သုံးရက်ကြာတဲ့အထိ နေအိမ်သို့ ပြန်မရောက်ရှိသေးဘူးလို့  မိသားစုဝင်တွေဆီက သိရပါတယ်။