“နေ့တိုင်းချောင်းကိုဆင်းပြီး ဒီရေတောစိုက်တယ်။ ကျမတို့သဘာဝပတ်ဝန်းကျင်အတွက် ကျမတို့ကာကွယ်ရမယ်ဆိုတဲ့ အသိစိတ်ကြောင့်ပါ။”

မြေပြန့်ဒေသတွေမှာ စပါးစိုက်ပျိုးတာ ရိတ်သိမ်းတာတွေကို စက်ပစ္စည်းများကို အသုံးပြုကြလေ့ ရှိပေမယ့် တောင်ပေါ် ဒေသမှာတော့ လူအင်အားကိုသာ အသုံးပြုပြီး စိုက်ပျိုး၊ရိတ်သိမ်း ကြပါတယ်။ အများအားဖြင့် အမျိုးသမီးတွေက ပြု လုပ် ကြပါတယ်။ စပါးရိတ်သိမ်းမှုဟာ တစ်ခါတည်းလွယ်လွယ်နဲ့ ပြုလုပ်ရတာမျိုးတော့ မဟုတ်ပါဘူး။ တစ်ဆင့်ချင်းစီ အသေး စိတ် ပြုလုပ်ရတာပါ။

လက်ဖက်လုပ်ငန်းကို အဓိကလုပ်ကိုင်ကြသူအများစုဟာ အမျိုးသမီးတွေသာ ဖြစ်တယ်လို့ဆိုပါတယ်။ လက်ဖက်ခူးတာ၊ လက်ဖက်လှော်တာ၊ နေလှန်းတာတွေဟာ အလေးမ ရတာတွေ မရှိတာကြောင့် အမျိုးသမီးတွေက ပိုလုပ်ဖြစ်တယ်လို့ ဆိုပါ တယ်။ ငယ်ငယ်ကတည်းက လက်ဖက်လုပ်ငန်းလုပ်ကိုင် အသက်မွေးဝမ်းကျောင်းပြုနေတဲ့ မွိုးအိန်းကလည်း လက်ဖက်လုပ်ငန်းကို လုပ်ကိုင်တာဟာ အများကြီး စုဆောင်းရတာမျိုးမရှိပေမယ့် မိသားစုစားဝတ်နေရေးမှာ လိုအပ်တဲ့ ဆား၊ ဆီ၊ ဝယ်တဲ့ နေရာမှာ အသုံးပြုဖြစ်တယ်လို့ ဆိုပါတယ်။