“ ဒီလို့ ရှုပ်ထွေးတဲ့ကိစ္စတွေကို မလုပ်ချင်ဘူး။ ဖြစ်နိုင်ရင် ကိုယ့်တိုင်းပြည်ကိုယ်ပြန်ပြီး အေးဆေးနေချင်တယ်။ ဒီမှာရှာသမျှ က ထိုင်းကိုလုပ်ကျွေးနေတာပဲ။ ဒီစာရွက်စာတမ်းတွေ ပတ်စပို့တွေကိစ္စကတော့ ဘာမှ မစဥ်းစားချင်တော့ဘူး”

“ အမျိုးသမီးဖြစ်ခြင်း မသန်စွမ်းဖြစ်နေခြင်းဆိုတာက ဖူးတို့အတွက်က အကြောင်းပြချက်တွေပါ။ ဖူးတို့လုပ်ချင်တယ်ဆိုရင် အရာရာကိုဖြည်းဖြည်းချင်းစီ ကြိုးစားပြီးတော့ လုပ်လို့ရပါတယ်။ စိတ်ညစ်စရာဘယ်လောက်ပဲရှိရှိ ကိုယ့်ရဲ့စိတ်ကိုအတတ်နိုင် ဆုံးခိုင်မာအောင်ထားပြီးတော့ ကိုယ့်ရဲ့ပန်းတိုင်ကိုလျှောက်လှမ်းဖို့လိုပါတယ်။ ခန္ဓာဗေဒအရချို့ယွင်းချက်ရှိပေမယ့် သူများတွေ ထက်ချို့ယွင်းပေမယ့် စိတ်ဓာတ်တွေကတော့ သူများတွေထက်သန်စွမ်းနေဖို့လိုပါတယ်။”

" ဟိုနေ့ကနေမကောင်းတော့ ဆေးခန်းသွားချင်တာမသွားနိုင်ဘူး။ ဆေးဖိုးရှစ်ထောင်တစ်သောင်းကုန်မှာ ဘယ်လိုတတ်နိုင် မလဲ။ ဒီပိုက်ဆံကို ဆေးခန်းသွားမယ့်အစား စျေးဖိုးပဲလုပ်လိုက်တယ်။ မိသားစုတွေစားလို့ရတာပေါ့။"