ကဗျာ

သို့ပါသောကြောင့်

ဘယ်အချိန်များ အိမ်ပြန်ခွင့်ရမလဲ
တွေးခဲ့ရတာ ညပေါင်းများစွာ။

ဘယ်အချိန်ထိ နံရံတွေထဲရှိဦးမလဲ
တွေးခဲ့ရတာ နေ့ပေါင်းများစွာ ။

အခုတော့ ဒါတွေမတွေးတော့ဘူး အမေ
အမေပြောတဲ့ စကားဟာ
ကျမ ပြောင်းလဲစေခဲ့ပြီ။

ပထမဆုံးအကြိမ်အနေနဲ့
ဘယ်တုန်းကစပြီး
တောက်ခေါက်တတ်ခဲ့လဲ
ငါမမှတ်မိတော့။
အကြိမ်ပေါင်းများစွာ
တောက်ခေါက်ခဲ့မိတာတော့
ငါအမှတ်ရနေဆဲ။