သန့်ရှင်းထွန်း ပြည်တွင်းစစ်ဖြစ်နေတဲ့ မြန်မာပြည်က ပဋိပက္ခဒေသတိုင်းမှာ မိသားစုတိုင်းအတွက် စားဝတ်နေရေးနဲ့ ရှင်သန်ရပ်တည်ရေးသာမက အိမ်ထဲကအိမ်တွင်းမှုအလုပ်တွေဟာ တကယ်ခက်ခဲတဲ့ တာဝန်တွေ လို့ဆိုရမှာပါ။   ဒီလိုအချိန်မှာ အိမ်မှုအလုပ်တွေကို မိန်းမတွေမှာသာ တာဝန်ရှိတယ်ဆိုတဲ့ အယူအဆဟောင်းကို ဆန့်ကျင်သူ အမျိုးသားတယောက် ရှိနေပါတယ်။ သူကတော့ ရခိုင်ပြည်၊ မောင်တောမြို့နယ်၊ အောင်ဗလကျေးရွာက အသက် ၃၂ နှစ်အရွယ် ကိုကျော်လှိုင် ဖြစ်ပြီး တော့ သူအိမ်ထောင်ပြုခဲ့တဲ့ ၂၀၁၀ ပြည့်နှစ်ကနေ အခုအချိန်ထိ အိမ်မှုအလုပ်တွေဖြစ်တဲ့ ထမင်းချက်တာ၊ အဝတ်လျှော်တာ ကလေးထိန်းတာတွေကို တာဝန်တခုအဖြစ် သတ်မှတ်ပြီး တက်တက်ကြွကြွ လုပ်လာခဲ့သူ ဖြစ်ပါတယ်။ လက်ရှိ ကိုကျော်လှိုင်မှာ အသက် ၂ နှစ်ကျော်အရွယ် သမီးလေးတဦးရှိပြီး၊ ဇနီးသည်ရဲ့ အလုပ်ထဲမှာလည်း နိုင်တဲ့ဘက်က ကူညီပေးတဲ့ အိမ်ထောင်ရှင်အမျိုးသားတဦး ဖြစ်ပါတယ်။ […]

တော်လှန်ရေးနယ်မြေတွေထဲက အာဏာအလွဲသုံးစားပြုနေတဲ့ လက်နက်ကိုင်တချို့ဆီမှာ မုဒိမ်းမှုတွေ၊ လိင်ပိုင်းဆိုင်ရာကျူးလွန်တာတွေခံရပေမယ့်လည်း ကျူးလွန်သူက လက်နက်ကိုင်ထားသူဖြစ်တော့ ကိုယ့်လုံခြုံရေးစိုးရွံ့ရတာ၊ တိုင်ကြားပြန်တော့လည်း အရေးယူခံရဖို့က အလှမ်းဝေးနေတော့ ကျူးလွန်ခံရသူတွေမှာ လူသိရှင်ကြားဖြစ်ပေမယ့်နဲ့ တရားမျှတမှုရဖို့ ဝေးနေဆဲဖြစ်တယ်ဆိုတာ လက်တွေ့ကြုံနေကြရသူတွေရဲ့ ထုတ်ဖော်ပြောကြားချက်တွေအရ သိရပါတယ်။

ဒီတပတ် ပေါကတ်စ့်အစီအစဉ်မှာတော့ “ပဋိပက္ခဒေသအချို့က လူငယ်လူရွယ်တွေ အသက် မပြည့်၊ ပညာရေးဆုံးခန်းမတိုင်ဘဲ အိမ်ထောင်ပြုရတဲ့နောက် အမျိုးသမီးငယ်တွေ ဘာတွေကြုံတွေ့ နေရသလဲ ဆိုတဲ့အပေါ် ပဋိပက္ခဒေသက အမျိုးသမီးအချို့ရဲ့အမြင်”တွေကို စုစည်းမေးမြန်း တင်ဆက်လိုက်ပါတယ်။ ငွေရေးကြေးရေးကိစ္စတွေအတွက်ကြောင့် တချို့ ငယ်ငယ်ရွယ်ရွယ်နဲ့ ချမ်းသာတဲ့သူတွေဆီမှာ အိမ်ထောင်ကျသွားတာရှိတယ်။ ချမ်းသာတဲ့လူတွေက ငယ်ငယ်ရွယ်ရွယ် အသက်မပြည့်သေးတဲ့ ကလေးတွေကို သူတို့က ပိုပြီးမှ လိုချင်ကြတာ‌ပေါ့။