ခင်ဘုန်းမို့ စုစည်းတင်ဆက်သည်။ နိုဝင်ဘာလ ၂၂ ရက်ကနေ ၂၈ ရက်အတွင်း တပတ်တာ အမျိုးသမီးဖြစ်ရပ်များထဲမှ ထူးခြားတဲ့အကြောင်းအရာတွေကို HI – Honest Information က စုစည်းဖော်ပြပေးလိုက်ပါတယ်။  ဒီတပတ်ထဲ အမျိုးသမီးတွေနဲ့ပတ်သက်တဲ့ ထူးခြားဖြစ်စဉ်တွေထဲကမှ ထူးထူးခြားခြား အဖြစ်ဆုံးကတော့ သတင်းဓာတ်ပုံတပုံပါပဲ။   ဒီတပတ်မှာ ၅၀၅(က)နဲ့ပြစ်ဒဏ်ကျခံနေရသူတွေဟာ အာဏာသိမ်းစစ်တပ်ရဲ့ လွတ်ငြိမ်းချမ်းသာအမိန့်နဲ့ ပြန်လည် လွတ်မြောက်လာခဲ့ကြပါတယ်။ အကျဉ်းထောင်ရှေ့က လွတ်မြောက်လာသူတွေရဲ့ ပုံရိပ်တွေကို သတင်းမီဒီယာတွေက ဖော်ပြကြရာမှာ နှာခေါင်းပိုက်တပ်ထားပြီး ခန္ဓာကိုယ်ပိန်လှီနေတဲ့  မကျန်းမာသူ အမျိုးသမီးကြီးတဦးနဲ့ သားဖြစ်သူလို့ထင်ရတဲ့ အမျိုးသားတဦးတို့ ရဲ့ ပုံရိပ်ဟာ လူထုရဲ့ စိတ်နှလုံးကို လှုပ်ခတ်စေခဲ့ပါတယ်။ မူလအစက ဒီသတင်းဓာတ်ပုံဟာ အကျဉ်းကျနေတဲ့ သားဖြစ်သူကို မိခင်က လာရောက်ကြိုဆိုတာလို့ စာဖတ်သူတွေက ထင်ခဲ့ကြပေမယ့် တကယ်တမ်းက အမျိုးသမီးကြီးကိုယ်တိုင်လည်း စစ်အုပ်စုရဲ့ ဖမ်းဆီးထောင်ချခံရခြင်းကနေ […]