ဒီရုပ်သံဆောင်းပါးမှာတော့ အာဏာရှင်စနစ်ကိုဆန့်ကျင်ရေးလှုပ်ရှားမှုမှာ သူကိုယ်တိုင် ကြုံတွေ့ခဲ့ရတဲ့ လူ့အခွင့်အရေးချိုးဖောက်မှုတွေ၊ အမျိုးသမီးတွေကို ရည်ရွယ်တဲ့ လိင်ပိုင်းဆိုင်ရာ ခြိမ်းခြောက်မှုနဲ့ အနိုင်ကျင့်မှုတွေအကြောင်း ထုတ်ဖော်ပြောပြထားပါတယ်။
HI – Honest Information မြန်မာနိုင်ငံမှာ အာဏာရှင်တော်လှန်ရေးနောက်ဆက်တွဲဖြစ်တဲ့ စစ်ရေးပဋိပက္ခတွေအပြင် သဘာဝဘေး၊ စီးပွားရေးကြပ်တည်းမှုတွေနဲ့ လူနေမှုဘဝမလုံခြုံမှုတွေ ထပ်ဆင့်ထပ်ဆင့်ကျရောက်ခဲ့တဲ့ ၂၀၂၅ ခုနှစ်မှာ မြန်မာအမျိုးသမီးတွေဟာ ကိုယ့်ဂုဏ်သိက္ခာနဲ့ အသက်ရှင်ကျန်ရစ်ဖို့အတွက်ပါ တိုက်ပွဲဝင်ခဲ့ရပါတယ်။ စစ်ဘေးရှောင်စခန်းထဲက အမျိုးသမီးတွေ၊ သားသည်မိခင်တွေ၊ အဆက်မပြတ် လေကြောင်းတိုက်ခိုက် ခံရမှုအောက်က ကလေးမိခင်တွေ၊ ထောင်နံရံအပြင်ဘက်ကို ထွက်လာပြီး အပြင်လောကကို ရောက်ရှိလာပြီး နောက်တောင် ရောဂါဝေဒနာတွေကို ဆက်ပြီးသယ်ဆောင်နေရဆဲ နိုင်ငံရေး အကျဉ်းသူတွေရဲ့ အသံတွေနဲ့ တော်လှန်ရေးနယ်မြေတွေထဲက လိင်ပိုင်းဆိုင်ရာစော်ကားခံရတဲ့ ဖြစ်ရပ်တွေက ၂၀၂၅ ခုနှစ်ကို အမျိုးသမီးတွေ အထိအခိုက်အနာအဆာအများဆုံး ခံစားခဲ့ရတဲ့ နှစ်တနှစ်အဖြစ် မှတ်တမ်းတင်စေခဲ့ပါတယ်။ ကုန်လွန်ခဲ့တဲ့ ၂၀၂၅ ခုနှစ်ကို ပြန်လှည့်ကြည့်မယ်ဆိုရင် မြန်မာအမျိုးသမီးတွေ ဘာတွေကို ကျော်ဖြတ်ခဲ့ရသလဲ၊ ခေတ်ဆိုးခေတ်ပျက်ကို ဘယ်လိုတွေဖြတ်သန်းခဲ့ရသလဲဆိုတာ တွေ့မြင်နိုင်မှာဖြစ်ပါတယ်။ တော်လှန်ရေးနယ်မြေထဲက […]
ဒေဝီ တနင်္သာရီတိုင်း ပုလောမြို့နယ်မှ CDM ဆရာမနှင့် ခင်ပွန်းဖြစ်သူတို့ သတ်ဖြတ်ခံရတဲ့ဖြစ်ဉ်မှာ တရားခံတွေကို ဖမ်းဆီးရမိပြီလို့ KNU က မကြာသေးခင်က ထုတ်ပြန်ထားပေမယ့် တနင်္သာရီတိုင်း CDM နိုင်ငံဝန်ထမ်းများစည်းလုံးညီညွတ်မှုကွန်ယက်(TCSN)ကတော့ အမှုဖြစ်စဉ်က မြေပြင်အချက်အလက်နဲ့ ကွဲလွဲမှုတွေရှိနေတယ်လို့ မနေ့က ထပ်မံထုတ်ဖော်ပြောဆိုလိုက်ပါတယ်။ တော်လှန်ရေးအင်အားစုတွေထိန်းချုပ်ထားတဲ့ ပုလောမြို့နယ်၊ ဒူးရင်ပင်ရှောင် ကျေးရွာအုပ်စု၊ ဆားခဲကျေးရွာရှိနေအိမ်မှာ ဒီဇင်ဘာ ၁၆ရက်၊ နံနက် ၁နာရီလောက်က CDM ဆရာမ ပန်ထွာ (ခ) ဒေါ်အေသီအောင်နဲ့ ခင်ပွန်းတို့က ဓားဒဏ်ရာတွေနဲ့ သတ်ဖြတ်ထားတာကို ခံခဲ့ရတာဖြစ်ပါတယ်။ လူသတ်မှုကျူးလွန်သူတွေဟာ ကရင်အမျိုးသားကာကွယ်ရေးတပ်( KNDO) တပ်ရင်း ၇၊ တပ်ခွဲ ၅ အချုပ်က ထွက်ပြေးသွားသူတွေဖြစ်ပြီး ထွက်ပြေးစဉ် ပုလောမြို့နယ် အမျိုးသားညီညွတ်ရေးအစိုးရ(NUG) ပညာရေးဘုတ်အဖွဲ့ တာဝန်ခံ CDM ဆရာမ […]
ဒီဇင်ဘာ ၂၀ ရက်ကနေ၂၆ ရက်နေ့အထိတစ်ပတ်တာအတွင်း အမျိုးသမီး ဖြစ်ရပ်များထဲမှ ထူးခြားတဲ့ အကြောင်းအရာတွေကို HI – Honest Information က စုစည်းဖော်ပြလိုက်ပါတယ်။ ဒီတပတ် အမျိုးသမီးသတင်းတွေထဲ လူထုကြားဝေဖန်မှုများတဲ့ သတင်းတပုဒ်ကတော့ ဝန်ထမ်းဟောင်းများကို NUG ဝန်ကြီးချုပ်ရုံးအတွင်းဝန် ဒေါ်ကြည်ပြာက စွဲချက် ၆ ချက်ဖြင့် ပြန်တိုင်ဆိုတဲ့ သတင်းပါ။ နိုင်ငံတကာအလှုငွေတွေကို ကိုယ်ကျိုးစီးပွားအတွက် သုံးစွဲမှု၊ ဝန်ထမ်းတွေအပေါ်ဖိနှိပ်မှုတို့ဖြင့် တိုင်ကြားခံထားရတဲ့ အမျိုးသားညီညွတ်ရေးအစိုးရ (NUG) ဝန်ကြီးချုပ်ရုံး အမြဲတမ်းအတွင်းဝန် ဒေါ်ကြည်ပြာက သူ့ကို တိုင်ကြားခဲ့တဲ့ ဝန်ထမ်းဟောင်း ၁၂ ဦးကို အစိုးရလျှို့ဝှက်ချက်များကို ပေါက်ကြားစေခဲ့ခြင်း၊ NUG ကို အကြည်ညိုပျက်အောင်ပြုခြင်း ဆိုတဲ့ စွဲချက် ၆ချက်ဖြင့် ပြန်တိုင်ကြားခဲ့မှုက လူထုကြား ဝေဖန်ပြောဆိုစရာ ဖြစ်ခဲ့ပါတယ်။ ဒေါ်ကြည်ပြာအပေါ် […]
“ကျမမှာ ကိုယ်ဝန်ရှိနေလို့ပါ၊ ဗိုက်နဲ့ခါးကို မလုပ်ပါနဲ့ရှင်”
အားလုံးပဲ မင်္ဂလာပါ။ ဒီနေ့မှာတော့ “အပြည်ပြည်ဆိုင်ရာ အမျိုးသမီးလူ့အခွင့်အရေး ကာကွယ်စောင့်ရှောက်သူများနေ့ “quiz အစီစဉ် နဲ့ ပတ်သက်တဲ့ ဗဟုသုတရစရာ မေးခွန်းလေးတွေကို အတူတူ ဖြေကြည့်ကြမယ်။ ဗီဒိယိုလေးကိုကြည့်ပြီး ကိုယ်တိုင် အဖြေမှန် ဘယ်နှစ်ခုဖြေနိုင်လဲဆိုတာ စမ်းသပ်ဖြေဆိုကြည့်လိုက်ရအောင်။ အဖြေမှန်တွေကိုလည်း ဗီဒိယိုထဲမှာ တိုက်ဆိုင်စစ်ဆေးလို့ရပါတယ်။
ဒီတပတ် ပေါ့ကတ်စ်အစီအစဉ်မှာတော့ “အမျိုးသားညီညွတ်ရေးအစိုးရ( NUG) ရဲ့ အစိုးရအဖွဲ့ ပြန်လည်ပြင်ဆင်ဖွဲ့စည်းရာမှာ အမျိုးသမီး၊လူငယ်နဲ့ ကလေးသူငယ်ရေးရာ ဝန်ကြီးဌာန ပြန်လည်ပါဝင်လာခြင်းမရှိတော့ဘဲ လူမှုရေး၊အလုပ်သမားနဲ့ လူသားချင်းစာနာထောက်ထားရေးဝန်ကြီးဌာနလက်အောက်ဌာနခွဲ တခုအနေနဲ့သာထားရှိတော့မယ့်အပေါ် အမျိုးသမီးနဲ့ဂျဲန်ဒါအရေးတက်ကြွလှုပ်ရှားသူအချို့ရဲ့ အမြင်”တွေကို မေးမြန်းတင်ဆက်လိုက်ပါတယ်။ ———- မြန်မာနိုင်ငံမှာ အမျိုးသမီးဦးရေ ထက်ဝက်ကျော်ရှိတယ်။ လူငယ်က ၆၀ ရာခိုင်နှုန်းကျော် ရှိတယ်။ ဒီလိုနိုင်ငံမှာ ဒီအင်အားစုကြီးကို ကာကွယ်မယ်၊ မြှင့်တင်မယ်၊ ထောက်ပံ့မယ်၊ ပံ့ပိုးမယ်ဆိုတဲ့ နိုင်ငံရေးစဉ်းစားချက် ယုတ်လျော့သွားတဲ့အခါ ဝန်ကြီးဌာနပြုတ်သွားတယ်။ ဝန်ကြီးဌာနပြုတ်သွားတဲ့ အခါမှာ နိုင်ငံရေးပြောရေးဆိုခွင့် မရှိတော့ဘူး။
ချစ်ရသူတွေကို ဆုံးရှုံးလိုက်ရတဲ့ ဝမ်းနည်းမှု၊ အစားထိုးမရတော့တဲ့ အနာဂတ် အိပ်မက်တစ်ခု….. နေ့စဥ် ဘဝဇာတ်ခုံပေါ်က ရှောင်လွှဲမရတဲ့ ရုန်းကန်နေရမှုတွေကြား အာဏာရှင်တွေကတော့ “ အရာရာဟာ ပုံမှန်ပါပဲ ” တဲ့။ မြေပြင်မှာ လူတွေ သွေးတွေ မျက်ရည်တွေ ကျနေချိန် သူတို့ခေါင်းပေါ်မှာလည်း လေယာဥ်တွေ ဝဲနေတုန်းပါပဲ။ မဲပုံးနဲ့ ဗုံးကြဲခံရလို့ ချိုင့်သွားတဲ့ ချိုင့်ခွက်ဟာ ဘယ်လောက် အကွာအဝေး ရှိပါသလဲ။ မဲတစ်ပြားရဲ့ တန်ဖိုးက ပျောက်ဆုံးသွားတဲ့ အသက်တစ်ချောင်း၊ လူမစုံတော့တဲ့ ထမင်းဝိုင်း တစ်ခုရဲ့ တန်ဖိုးနဲ့ တူညီပါသလား။ ဒီပြဇာတ်ကနေ မေးခွန်းတွေ မေးချင်ပါတယ်။ ကြည့်ရှုခံစားပြီး ခံစားချက်တွေကို မျှဝေပေးပါ။ (ပြောက်ကျားမြက်)
“လူငယ်တွေရဲ့ဦးဆောင်မှုအမြင်တွေကနေ ၁၉ ဖွဲ့နဲ့ တပ်ပေါင်းစု ဖွဲ့လိုက်နိုင်တာကတော့ အင်မတန်မှအားရကျေနပ်စရာကောင်းတယ်လို့ပြောရပါမယ်။ ပြည်သူတွေကလည်းဝမ်းမြောက်အားတက်ကြမှာပါ။ တစ်ခုရှိတာက တပ်ပေါင်းစုရေရှည်ဆက်သွားနိုင်ဖို့ အမြော်အမြင်ရှိရှိနဲ့ စိတ်ရှည်သည်းခံမှုတွေနဲ့ လုပ်ဆောင်သွားရမယ်။ ဒီ ၁၉ ဖွဲ့ဟာ စစ်ရေးအရပဲပေါင်းစုကြတာမဟုတ်ဘူးလို့ လေ့လာမိတယ်။ နိုင်ငံရေးအရ Bottom up Federal စနစ်နဲ့ ဘယ်လိုအတူတကွသွားကြမလဲဆိုတဲ့ စဉ်းစားချက်နဲ့ဗမာတိုင်းရင်းသားလူငယ်အစုအဖွဲ့တွေအများကြီးပါတဲ့ အင်အားစုတစ်ခုဖြစ်ပါတယ်။”
ကျူးလွန်သူတွေဟာ အာဏာသိမ်းစစ်တပ်၊ သူတို့ရဲ့ပြည်သူ့စစ်အဖွဲ့ဖြစ်တဲ့ ပျူစောထီးတွေ၊ လက်နက်ကိုင် တော်လှန်ရေးအဖွဲ့တွေနဲ့
သြဇာအာဏာရှိသူတွေ ဖြစ်နေတာကြောင့် ရှင်သန်လွတ်မြောက်လာသူတွေအတွက် တရားမျှတမှုရရှိဖို့ အလှမ်းဝေးနေဆဲဖြစ်တယ်
အမျိုးသမီးတွေရဲ့ တရားမျှတမှုအတွက် အမျိုးသမီး အသံများကို ဖော်ထုတ်ရာနေရာတခုဖြစ်ပါတယ်။ သတင်းမီဒီယာတွေ အများကြီးရှိပေမယ့် အမျိုးသမီးတွေရဲ့ အသံတွေကို အဓိကထား ဖော်ထုတ်ပေးတဲ့ မီဒီယာတွေ နည်းပါတယ်။ အမျိုးသမီးတွေဟာ အကြမ်းဖက်ခံရတာတွေ၊ မတရားတာတွေ၊ ဓလေ့ထုံးတမ်း ယဉ်ကျေးမှု အခက်အခဲတွေကြားထဲမှာ ကြုံတွေ့နေရတဲ့အတွေ့အကြုံတွေကို ဖော်ပြပေးရာနေရာဖြစ်ပါတယ်။
အမျိုးသမီးရေးဆိုင်ရာ သတင်းဆောင်းပါး၊ ဓာတ်ပုံ၊ ကဗျာ၊ ကာတွန်းများ ပေးပို့လိုပါက
[email protected] သို့ ဆက်သွယ်နိုင်ပါသည်။
