ဒေဝီ မေးမြန်းတင်ဆက်သည်။ ပြီးခဲ့တဲ့ ဒီဇင်ဘာ ၈ရက်နေ့က ပြည်ထောင်စု လွှတ်တော်ကိုယ်စားပြုကော်မတီ(CRPH)က အမျိုးသား ညီညွတ်ရေးအစိုးရ(NUG)အဖွဲ့ ပြင်ဆင်ဖွဲ့စည်းရာမှာ ဝန်ကြီးဌာနတွေ ပေါင်းစည်းတာ၊ လျှော့ချတာ ဝန်ကြီး၊ ဒုဝန်ကြီး ပြောင်းလဲခန့်အပ်တာတွေ ပြုလုပ်ခဲ့ပါတယ်။ လူထုကြားမှာ ထူးမခြားနားတဲ့ ပြောင်းလဲမှုအဖြစ် ဝေဖန်သံတွေလည်း ညံခဲ့ကြပါတယ်။ ဒီလိုပြောင်းလဲမှုပြုလုပ်တဲ့အထဲမှာ အထူးသဖြင့် အမျိုးသမီး၊ လူငယ်နဲ့ ကလေးသူငယ်ရေးရာဝန်ကြီးဌာနကို လျှော့ချပြီး လူမှုရေး၊ အလုပ်သမားနဲ့ လူသားချင်းစာနာထောက်ထားရေးဝန်ကြီးဌာနအောက်၊ ဌာနခွဲတခု အဖြစ်သာထားရှိမှုအပေါ် အမျိုးသမီးနဲ့ ဂျဲန်ဒါ အရေးလှုပ်ရှားသူတွေက ဝေဖန်ခဲ့ကြပြီး၊ လက်ရှိအခြေအနေမှာ အမျိုးသမီးနဲ့ ကလေးသူငယ်တွေဟာ နည်းအမျိုးမျိုးနဲ့ အကြမ်းဖက်သတ်ဖြတ်ခံနေရတာ၊ လိင်ပိုင်းဆိုင်ရာ ထိပါးကျူးလွန်ခံရတာတွေ အများအပြားကြုံတွေ့နေရချိန်ဖြစ်တဲ့အတွက် အဓိကအကာအကွယ်ဖြစ်စေတဲ့ ဝန်ကြီးဌာန မရှိတော့တာက အမျိုးသမီးနဲ့ ဂျဲန်ဒါအရေး  လှုပ်ရှားမှုတွေမှာ အားနည်းချက်ဖြစ်စေမလားဆိုတာ ဝေဖန်ထောက်ပြခဲ့ကြတယ်။ အမျိုးသမီး၊ လူငယ်နဲ့ […]

“လွတ်လပ်စွာ ထုတ်ဖော်ပြောဆိုခွင့်ကို ကန့်သတ်ရုံ၊ ဖိနှိပ်ရုံတင်မကဘူး လွတ်လပ်စွာထုတ်ဖော်ပြောဆိုခွင့်မှာမရှိသင့်၊ မပါသင့်တဲ့ သတင်းမှားဖြန့်ဝေတာတွေကို စစ်တပ်ကိုထောက်ခံတဲ့သူတွေ၊ လော်ဘီ တွေကနေ လုပ်နေတယ်” ——– ဒီတစ်ပတ်မှာ ပေါ့ကတ် အစီစဉ်မှာတော့ “အာဏာသိမ်းပြီးနောက်ပိုင်း လွတ်လပ်စွာထုတ်ဖော်ပြောဆိုခွင့် ဆိတ်သုဉ်းလာတာတွေနဲ့ သတင်းလွတ်လပ်ခွင့်ရဲ့အရေးပါမှုတွေအပေါ်ပြည်သူတွေရဲ့အမြင်” တွေကို မေးမြန်းစုစည်း တင်ဆက်လိုက်ပါတယ်။

လက်ရှိမှာ အမျိုးသမီးနဲ့ ကလေးသူငယ်တွေက နည်းလမ်းအမျိုးမျိုးနဲ့  အကြမ်းဖက်ခံရမှု အမြင့်ဆုံး ရောက်ရှိနေတဲ့ ကာလဖြစ်တဲ့အတွက် ထိရောက်တဲ့ လုပ်ဆောင်မှုတွေ ပိုလုပ်ဆောင်ဖို့လိုနေချိန်မှာ ဒီလိုလျှော့ချလိုက်တာက အမျိုးသမီး၊ လူနည်းစုနဲ့ ဂျဲန်ဒါအရေးကို အလေးမထားတဲ့လုပ်ရပ်လို့ အမျိုးသမီးနဲ့ ဂျဲန်ဒါအရေး လုပ်ဆောင်သူတွေကဆိုပါတယ်။