စစ်တပ်အာဏာသိမ်းပြီးနောက်ပိုင်း ၄နှစ်ကျော်ကာလအတွင်း မြန်မာပြည်တွင် ပဋိပက္ခနှင့်ဆက်နွယ်သည့် လိင်ပိုင်းဆိုင်ရာ အကြမ်းဖက်မှု(CRSV) ဖြစ်ရပ်ပေါင်း ၅၅၀ ကျော်အပါအဝင် လိင်ပိုင်းဆိုင်ရာနဲ့ ဂျဲန်ဒါန်အခြေပြု အကြမ်းဖက်မှု (SGBV) အမှုပေါင်း ၁,၀၀၀ ကျော်မှတ်တမ်းတင်နိုင်ခဲ့ကြောင်း အမျိုးသမီးများအဖွဲ့ချုပ် (မြန်မာနိုင်ငံ)၏ ထုတ်ပြန်ချက်အရသိရသည်။

အောက်တိုဘာလ ၁၂ ရက်ကနေ ၁၆ ရက်အတွင်း တပတ်တာ အမျိုးသမီးဖြစ်ရပ်များထဲကမှ ထူးခြားတဲ့အကြောင်း အရာတွေ ကို HI က စုစည်းဖော်ပြပေးလိုက်ပါတယ်။

အာဏာသိမ်းစစ်အုပ်စုရဲ့ လက်ချက်ကြောင့် ၂၀၂၅ ခုနှစ်၊ စက်တင်ဘာလမှာ အမျိုးသမီး ၄၇ ဦး သေဆုံးခဲ့ပြီး အဲဒီမှာ ကိုယ်ဝန်ဆောင်အမျိုးသမီးတဦးနဲ့ အသက် ၁၈ နှစ်အောက် ကလေး ၃ ဦးလည်း ပါဝင် တယ်လို့ မြန်မာ့အမျိုးသမီးသမဂ္ဂ(BWU) ရဲ့ ထုတ်ပြန်ချက်အရ သိရပါတယ်။