မယ်လွန်း။           ။ ကယားပြည်နယ်၊ ဖရူဆိုမြို့နယ်ရဲ့ တောင်ပေါ်ကျေးရွာတရွာဖြစ်တဲ့ ငူသွဲလဲကယားကျေးရွာမှာ အမျိုးသမီး အများစုဟာ တောင်ယာစိုက်ပျိုးရေးလုပ်ငန်းနဲ့ အသက်မွေးဝမ်းကျောင်းပြုကြပါတယ်။ တောတောင်ရှုခင်း၊ တောင်ယာစိုက်ခင်းတွေနဲ့ လှပပေမယ့် ရေရှားပါးလွန်းတဲ့ဒဏ်ကို မိုးရာသီကလွဲပြီး နှစ်စဉ်နှစ်တိုင်းမှာ ကြုံတွေ့နေကြရပါတယ်။ တောင်ယာလုပ်ငန်းအပြင် အိမ်တွင်းအလုပ်တွေကိုပါ အဓိကတာဝန်ယူရတဲ့ ကယားအမျိုးသမီးတွေရဲ့ နေ့တဓူဝအလုပ်တွေထဲမှာ ရှားပါးလှတဲ့သောက်သုံးရေရရှိဖို့ နေ့စဉ် ရေခပ်ရတဲ့ တာဝန်ကလည်း မသေးပါဘူး။ အမျိုးသားတွေလည်း ဝိုင်းဝန်းကူညီခပ်ပေးကြတာရှိပေမယ့် အများစုမှာ အမျိုးသမီးတွေသာ အဓိက တာဝန်ယူကြရပါတယ်။ အရင်က သောက်သုံးရေရရှိဖို့အတွက် ရွာကနေ ၁-၂ နာရီကြာ ဝေးကွာတဲ့နေရာကို သွားရောက်ပြီး ရေခပ် ကြရပေမယ့် အခုေတော့ ရွာအနီးက ဂူငယ်လေးတခုကို ရှာဖွေတွေ့ရှိပြီးနောက်မှာ မိုးတွင်းကာလက ဂူထဲ အောင်းနေတဲ့ ရေအကြွင်းအကျန်တွေကို သုံးရေအဖြစ် တရွာလုံး အသုံးပြုလာခဲ့ပါတယ်။ ရေအနည်းအကျဉ်းသာဖြစ်လို့ တရက်တာ […]