ခရီးသည်တင်အဝေးပြေးကားများ တစီးပြီးတစီးရပ်နားနေသည့် မြို့ကလေး၏ စားသောက်ဆိုင်တခုတွင် ခရီး သွားဧည့်သည်များက ဆိုင်လေးတခုထဲဝင်သွားပြီး အချို့က စားစရာများ မှာယူစားသောက်နေကာ တချို့ မှာတော့ ဒေသထွက်ကုန်များကို လက်ဆောင်ပစ္စည်းများအဖြစ် ဝယ်ယူနေကြသည်။

  ကောကော်။       ။ ကယားပြည်နယ်၊ ဒီမောဆိုဈေးသည် တပတ်ကို (၃)ရက်ဖွင့်လှစ်ထားပြီး ကျေးရွာအသီးသီးမှ ရွာသူ ရွာသားများက ထိုဈေးကို အားထားပြီး ဒေသထွက်ကုန်အသီးအနှံများ လာရောက်ရောင်းချ လှဲလှယ် ကြသည်။ ဈေး၏ အပြင်ဘက်တန်းတွင် အမျိုးသမီးများ တန်းစီပြီး ဆီပုံးအဝါ (သို့မဟုတ်) စဉ့်အိုးများ ချထားကာ ထိုင်နေကြသည်။ မတ်ခွက်ထဲသို့ စဉ့်အိုးထဲမှ ခေါင်ရည်များကို လောင်းထည့်ကာ ဖြတ်လျှောက် လာသမျှ ဧည့်သည်များနှင့် ဈေးသူဈေးသားများကို အမြည်းသဘောဖြင့် တိုက်ကြသည်။ ဈေးဝယ်မည့်သူများက ရောင်းချနေသည့်ခေါင်ရည်သည်များ၏ ခေါင်ရည်များကို တဆိုင်ပြီးတဆိုင် အမြည်း သဘော သောက်သုံးကြပြီး သူတို့သဘောကျသည့်အရသာရှိသည့် ခေါင်ရည်ကို ရွေးဝယ်သွားတတ်ကြ သည်။ မတ်ခွက်တခွက်ကို ကျပ်ငွေ (၅၀၀) ရေသန့်တလီတာဗူးကို (၁၀၀၀) ကျပ်ဖြင့် ရောင်းချလျက်ရှိကာ ခေါင်ကျရည်ကိုတော့ မတ်ခွက်ဖြင့် […]