စစ်တပ်ရွေးကောက်ပွဲကို နိုင်ငံတကာက ဘယ်လိုသဘောထားသလဲ – ဒို့အတွေး ဒို့အမြင်
နိုင်ငံတကာကလည်း မေးကြပါတယ်။ ပြည်သူကိုမဲပေးခိုင်းမလား၊ မပေးခိုင်းဘူးလားပေါ့။ ကျမတို့အရပ်ဖက်အဖွဲ့အစည်းတွေအနေနဲ့ကတော့ ပြည်သူကို မဲပေးပါလို့လည်းမပြောဘူး။ မဲမပေးပါနဲ့လို့လဲမပြောဘူး။ မဲပေးတယ်ဆိုတာ ပြည်သူတဦးချင်းစီရဲ့အခွင့်အရေးဖြစ်တယ်၊ ရွေးချယ်ပိုင်ခွင့်ဖြစ်တယ်။ အမှန်တော့ ကျမတို့ပြည်သူက ဒီအခွင့်အရေးရှိမှန်းသိပါတယ်။ ဒါပေမယ့် အခုက ရွေးချယ်ပိုင်ခွင့်မရှိတာ၊ ရွေးချယ်ပိုင်ခွင့်မရှိအောင် တမင်သက်သက် အကြမ်းဖက်စစ်တပ်က လုပ်တာကိုး။ ဆိုတော့ ရွေးချယ်ပိုင်ခွင့်မရှိတဲ့ဘဝမှာ သူတို့ရွေးရတဲ့လမ်းဟာ သူတို့ရွေးချင်လို့ ရွေးတာမဟုတ်ဘူးလို့ ကျမတို့ဖက်က စိတ်ချလက်ချနဲ့ ယုံထားဖို့ပဲလိုပါတယ်။
