ပုရိသ – ဖျော်ဖြေရေးကဏ္ဍထဲက ဂျဲန်ဒါ

“ဒီလိုအကြမ်းဖက်မှုတွေကို မရည်ရွယ်လို့ဖြစ်စေ၊ မသိလို့ဖြစ်စေ ကျူးလွန်တာဟာလည်း အကြမ်းဖက်မှု ကျူးလွန်တာပဲဖြစ်ပါတယ်။ အိမ်တွင်းအကြမ်းဖက်ခံရတဲ့ အမျိုးသမီးတွေဟာ ရုပ်ပိုင်းဆိုင်ရာထိခိုက်မှု အပြင် စိတ်ပိုင်းဆိုင်ရာထိခိုက်မှုတွေလည်း ခံစားကြရပြီး ဒါဟာရာဇဝတ်မှုဖြစ်လို့ ပေါ့ပေါ့တန်တန်ဝါဒ ဖြန့်တာမျိုး မလုပ်သင့်ပါဘူး။”

 ——–

ဒီတစ်ပတ်ရဲ့ ဖျော်ဖြေရေးကဏ္ဍထဲက ဂျဲန်ဒါ အစီအစဉ်မှာတော့ “ပုရိသ” ဆိုတဲ့ ရုပ်ရှင်ထဲက ဇာတ်ဝင်ခန်းတစ်ချို့ကို ဂျဲန်ဒါရှုထောင့်ကနေ Review လုပ်ပေးသွားမှာဖြစ်ပါတယ်။

ဒီအစီအစဉ်ဟာဆိုရင် ဟာသအငြိမ့်တွေ၊ ရုပ်ရှင်တွေ၊ သီချင်းတွေ၊ ကြော်ငြာတွေ စတဲ့ ဖျော်ဖြေရေးကဏ္ဍတွေထဲက ဇာတ်ဝင်ခန်းတွေ၊ အသုံးအနှုန်းတွေ၊ အပြုအမူ အပြောအဆိုတွေကို ဂျန်ဒါရှုထောင့်ကနေ သုံးသပ် review လုပ်တဲ့ အစီအစဉ်ဖြစ်ပါတယ်။