အစ်မကြီး အမိအရာ – ဖျော်ဖြေရေးကဏ္ဍထဲက ဂျဲန်ဒါ

အနုပညာဖန်တီးမှုတွေထဲမှာ ဂျဲန်ဒါပုံစံခွက်သတ်မှတ်ချက်တွေ နည်းနည်းလေး ဖြစ်ဖြစ် ပါသွားတယ်ဆိုရင်တောင်မှ နောက်ဆက်တွဲသက်ရောက်မှုတွေက အရမ်းကို ကြီးမားတယ်ဆိုတာ ကျမတို့အနေနဲ့ သတိချပ်မိဖို့အရေးကြီးတယ်။ အနုပညာနဲ့ မီဒီယာက လူတွေရဲ့ နေ့တဓူဝ အတွေးအခေါ်တွေ အပြုအမူတွေပေါ်မှာ အများကြီး သက်ရောက်မှုရှိတယ်၊ လွှမ်းမိုးမှုရှိတယ်။ အနုပညာဖန်တီးမှုတွေဆိုတာ လူမှုအသိုင်းအဝိုင်းကို အကျိုးပြုဖို့၊ ကောင်းမွန်တဲ့ သက်ရောက်မှုတွေ ရှိဖို့ကို ရည်ရွယ်ပြီးတော့ ဖန်တီးတာမျိုးပဲဖြစ်သင့်တယ်။

___________________________

ဒီတစ်ပတ်ရဲ့ ဖျော်ဖြေရေးကဏ္ဍထဲက ဂျဲန်ဒါ အစီအစဉ်မှာတော့  အဆိုတော်ထက်အဉ္ဇလီသီဆိုထားတဲ့ “အစ်မကြီး အမိအရာ ” ဆိုတဲ့ သီချင်းကို ဂျဲန်ဒါရှုထောင့်ကနေ သုံးသပ်ဆွေးနွေးသွားမှာဖြစ်ပါတယ်။