ကျောက်တော်တွင် အမျိုးသမီးတဦး ဓါးပြအသတ်ခံရ
ရခိုင်ပြည်နယ် ကျောက်တော်မြို့နယ်၊ ပြိန်းချောင်းကျေး ဓားပြတိုက်မှုတွင် အသက်၆၀အရွယ် အမျိုးသမီးတစ်ယောက်ကို ဓားနဲ့ထိုးသတ် သွားခဲ့ကြောင်း စုံစမ်းသိရပါတယ်။
ဒေါ်ဝင်းနုယီ ၆၀နှစ်ဟာ ဘယ်ဖက်ရင်အုံထိုးသွင်းဒဏ်ရာ လည်ပင်းပြတ်ရှဒဏ်ရာဖြင့်ဇူလိုင် ၂၄ ရက်၊ ညက သေဆုံးသွားခဲ့တာလို့ ရွာသားတွေကဆိုပါတယ်။ အဲဒါအပြင် ရွှေလေးကျပ်သားနဲ့ ငွေကျပ်ဆယ်သိန်းကျော်ယူသွားခဲ့ကြောင်း ရွာသားများထံမှသိရပါတယ်။ အခုလိုလူသတ်ဓါးပြတိုက်မှု ဖြစ်ပွားပြီးနောက်ပိုင်းမှာ ရခိုင်ပြည်အတွင်း အေအေ အပေါ် အမျိုးသမီးတွေရဲ့ ဝေဖန်သံတွေ အနည်းငယ်ရှိလာပါတယ်။ ကျောက်တော်မြို့နယ်က အသက်၂၆နှစ်အရွယ် အမျိုးသမီးတစ်ယောက်ကအာရက္ခတပ်တော် အေအေ ထိန်းချုပ်ထားတဲ့ ဒေသမှာ ဖြစ်နေတာဆိုတော့ အေအေ မှာ ပိုတာဝန်ရှိတယ်။ သူတို့က သေချာကိုင်တွယ်ဖို့လိုအပ်တယ်။ မဟုတ်ရင်ဒုစရိုက်မှုတွေက ပို ဖြစ်လာနိုင်တယ်” လို့ ပြောပါတယ်။ လေကြောင်းတိုက်ခိုက်မှုအပါအဝင် တိုက်ပွဲတွေကြားမှာ လူတချို့ဟာ စားဝတ်နေရေး၊ အလုပ်အကိုင်အဆင်မပြေမှုတွေရှိနေတော့ AA ထိန်းချုပ်ထားတဲ့ မြို့နယ်တွေမှာ ခိုးမှု၊ ဓားပြတိုက်မှု၊လူသတ်မှု စတဲ့ ဒုစရိုက်မှုတွေ ပိုတွေ့လာရတယ်လို့ အမျိုးသမီတချို့က ပြောဆိုကြပါတယ်။ လူသတ်လုယက်မှုကြောင့် ဒေသခံအမျိုးသမီးတွေမှာ စိတ်ပိုင်းဆိုင်ရာမလုံခြုံမှုတွေရှိလာတယ်လို့ ကျောက်တော်မြိုခံ အမျိုးသမီးတစ်ယောက်က ပြောပါတယ်။ ” လမ်းတွေမှာ ရွှေတွေဝတ်လို့ မသွားရဲတော့ဘူး။ ဓားပြတိုက်ခိုက်ရမှာလား။ လုယက်ခံရမှာလား စိတ်ထဲမလုံမလဲ ဖြစ်မိတယ်။ ဘယ်သူတွေနဲ့တွေ့ပြီး ဘယ်လိုပုံစံမျိုးခံရမလဲဆိုတဲ့ စိတ်တွေဖြစ်တယ်” လို့ ဆိုပါတယ်။ မြို့နယ် ၁၇ ခုနဲ့ ဖွဲ့စည်းထားတဲ့ ရခိုင်ပြည်နယ်မှာ ၁၄မြို့နယ်ကို အာရက္ခတပ်တော် AA ထိန်းချုပ်ထားပါတယ်။ သိမ်းပိုက်ထားတဲ့ မြို့တွေမှာ တော်လှန်ရေးအစိုးရတစ်ရပ်အနေနဲ့ တရားစီရင်ရေး၊ ဥပဒေစိုးမိုးရေးနဲ့ ဒေသဖွံ့ဖြိုးရေးစတဲ့အုပ်ချုပ်ရေး ယန္တယားတွေကို ပြန်လည်တည်ဆောက်နေပြီးလို့ ဆိုပါတယ်။ ဒါပေမဲ့ တရားဥပဒေစိုးမိုးရေးနဲ့ တရားစီရင်ရေး ယန္တယားတွေမှာအားနည်းချက်တွေရှိနေသေးတယ်လို့ဒေသခံတွေက ထောက်ပြပြောဆိုကြပါတယ်။
