“သူတို့တွေက ဒီလိုမျိုးယုတ်မာနေတဲ့အချိန်မှာ ငါတို့က ပျော့ညံ့နေလို့ မရဘူးဆိုတဲ့စိတ် ဝင်တယ်”

“ထောက်ပို့ခြင်းအတူတူ ရှေ့တန်းမှာ မတိုက်ရရင်တောင်မှ ရှေ့တန်းမှာ ရိက္ခာတွေ၊ လက်နက်ပို့တာလောက်တော့ လုပ်ချင်တယ်ပြောတာ၊ အဲ့မှာခေါင်းဆောင်က နင်က မိန်းကလေးမလား၊ နင်တို့ကို ရှေ့တန်းမခေါ်တာ အန္တရာယ်များလို့တဲ့၊ နင်တို့ လုပ်နိုင်တာပဲ လုပ်စမ်းပါတဲ့၊ အဲ့လိုပြောခံရတယ်”

တော်လှန်ရေးနယ်မြေတွေထဲက အာဏာအလွဲသုံးစားပြုနေတဲ့ လက်နက်ကိုင်တချို့ဆီမှာ မုဒိမ်းမှုတွေ၊ လိင်ပိုင်းဆိုင်ရာကျူးလွန်တာတွေခံရပေမယ့်လည်း ကျူးလွန်သူက လက်နက်ကိုင်ထားသူဖြစ်တော့ ကိုယ့်လုံခြုံရေးစိုးရွံ့ရတာ၊ တိုင်ကြားပြန်တော့လည်း အရေးယူခံရဖို့က အလှမ်းဝေးနေတော့ ကျူးလွန်ခံရသူတွေမှာ လူသိရှင်ကြားဖြစ်ပေမယ့်နဲ့ တရားမျှတမှုရဖို့ ဝေးနေဆဲဖြစ်တယ်ဆိုတာ လက်တွေ့ကြုံနေကြရသူတွေရဲ့ ထုတ်ဖော်ပြောကြားချက်တွေအရ သိရပါတယ်။