ဒီအပတ်ပေါ့ကတ်အစီအစဉ်မှာတော့ နိုင်ငံတကာအမျိုးသမီးများအပေါ် အကြမ်းဖက်မှုပပျောက်ရေးနေ့ ပေါ်ပေါက်လာပုံ သမိုင်းအကြောင်းနဲ့အတူ လက်ရှိမှာကြုံတွေ့နေရတဲ့ အမျိုးသမီးများအပေါ် အကြမ်းဖက်ခံရမှုအခြေအနေတွေနဲ့ပတ်သက်ပြီး အမျိုးသမီးတွေရဲ့စကားသံတွေကို နားဆင်ရမှာပဲဖြစ်ပါတယ်ရှင်။

အပြည်ပြည်ဆိုင်ရာ အမျိုးသမီးများအပေါ် အကြမ်းဖက်မှုပပျောက်ရေး - ၁၆ရက်တာ လှုပ်ရှားမှုအဖြစ် အသိပညာပေးဟောပြောပွဲကို နိုဝင်ဘာ ၂၅ရက်နေ့က ထိုင်းနိုင်ငံ၊မဲဆောက်မြို့မှာရှိတဲ့ မြန်မာရွှေ့ပြောင်းလုပ်သားတွေနဲ့ ပြုလုပ်ခဲ့ပါတယ်။

စစ်ပဋိပက္ခဖြစ်ပွားရာ ဒေသများမှ လက်နက်ကိုင်တပ်ဖွဲ့အသီးသီးသည် အမျိုးသမီးများအပေါ် အကြမ်းဖက်မှု ကျူးလွန်သူများကို ထိရောက်စွာ အပြစ်ပေးအရေးယူနိုင်သည့် ယန္တရားများ တည်ဆောက်ရန် လိုအပ်နေပြီး နိုင်ငံရေး ဦးဆောင်အဖွဲ့များအနေဖြင့် တာဝန်ယူတာဝန်ခံမှုရှိပြီး တရားမျှတမှုရရှိစေမည့် လမ်းကြောင်းများကို မဖြစ်မနေ ဖော်ဆောင်ရန် လမ်းညွန်ရမည်ဖြစ်သည်။