Blog Post

WLB က ပြည်တွင်း အခြေစိုက် ကွန်ရက်များချဲ့ထွင်ရန် ဆုံးဖြတ်

မလိခ

မတ်လ ၂၀ ရက်၊၂၀၁၇ ခုနှစ်။

နယ်စပ်ဒေသတွင် နှစ်ပေါင်းများစွာ အခြေစုိုက်ခဲ့သော အမျိုးသမီးများ အဖွဲ့ချုပ် (မြန်မာနိုင်ငံ) WLB သည် လာမည့် ညီလာခံ သက်တမ်းတွင် ငြိမ်းချမ်းရေး၊ အမျုိုးသမီးတန်းတူရေး၊ ဖက်ဒရယ် ဒီမုိုကရေစီအရေး၊ တရားမျှတရေးတုို့ကုို မြန်မာနိုင်ငံအတွင်း အဓိက ရုံးစိုက်ကာ ကွန်ရက်များ တိုးချဲ့ လုပ်ဆောင်သွားရန် ဆုံးဖြတ်ခဲ့ကြသည်။

ညီလာခံတွင် WLB တွဲဘက် အထွေထွေ အတွင်းရေးမှူး (၁) အဖြစ် ရွေးချယ်တင်မြှောက်ခံရသည့် နော်ဆဲဆဲက ရှေ့လုပ်ငန်းစဉ်များနှင့် ပတ်သက်၍ ယခုလို ပြောသည်။

“တရားမျှတမှုနဲ့ ပတ်သက်ပြီးတော့ ဆက်လက် လုပ်ဆောင်မယ်။ တရားဥပဒေ ဆုိုင်ရာတွေလည်း ကျမတုို့ လုပ်ဆောင်ဖုို့ ကြိုးစားမယ်”ဟု WLB တွဲဘက် အထွေထွေ အတွင်းရေးမှူး (၁) နော်ဆဲဆဲက ပြောသည်။

ပြည်တွင်းတွင် ကွန်ယက်များ ပုိုမုို စုဖွဲ့နုိုင်ရန် ပြောင်းရွှေ့ သွားရန်လည်း သဘောတူညီခဲ့သည်ဟု သူက ပြောသည်။

“ပြည်တွင်းမှာ အခြေစုိုက်ဖုို့ အဖွဲ့ တော်တော်များများက သဘောတူညီချက်အရလည်း ရွှေ့ပြောင်းတာလဲ ဖြစ်တယ်။ ပြီးလုို့ရှိရင် အခြေအနေအရ တဖက်မှာဆုိုရင်လည်း နုိုင်ငံရေး ရပ်တည်ချက်အနေနဲ့ ကျမတုို့ လုပ်ဆောင်တဲ့ အပေါ်မှာ ပေါ်လစီပုိုင်းဆုိုင်ရာ ပြုပြင်ပြောင်းလဲတာတုို့၊ ပြုပြင်ပြောင်း လဲနုိုင်အောင် ကြိုးစားသွားမယ့် အနေအထားနဲ့ ကျမတို့ ပြည်တွင်းမှာလည်း ပြန်ရွှေ့ဖုို့ ရှိပါတယ်။ ဒါပေမဲ့ တစုံလုံးတော့ မဟုတ်ဘူး။ ဒါပေမဲ့ ကျမတို့ ပုိုမုိုလုပ်နုိုင်အောင်၊ Network တွေနဲ့ ပုိုမုို ချိတ်ဆက်နုိုင်အောင်၊ လုပ်ချင်တာတွေ ပုိုအားကောင်းအောင် ပြန်ရွှေ့ပြောင်းဖုို့ ရှိပါတယ်”

WLB ၏ ကိုးကြိမ်မြောက် ညီလာခံအတွင်း မူဝါဒရေးရာ ဦးဆောင် အဖွဲ့ကို အဖွဲ့ဝင် အဖွဲ့အစည်းများမှ တစ်ဦးစီ ပါဝင်၍ ပြင်ဆင်ဖွဲ့စည်းခဲ့ပြီး အတွင်းရေးမှူး ၃ ဦးကို ရွေးချယ်တင်မြှောက်ခဲ့သည်။

အထွေထွေအတွင်းရေးမှူးအဖြစ် တအာင်းအမျုိးသမီးအစည်းအရုံး (TWO) မှ လိုည်းပုိုးညိူဝ်း၊ တွဲဘက် အထွေထွေ အတွင်းရေးမှူး(၁)အဖြစ် ကရင်အမျိုးသမီးအစည်းအရုံး(KWO)မှ နော်ဆဲဆဲ နှင့် တွဲဘက်အထွေထွေ အတွင်းရေးမှူး(၂)အဖြစ် ကရင်နီအမျိုးသမီးအစည်းအရုံး(KNWO)မှ မော်ဒေးမြာတို့ သုံးဦးတုို့ကုို ရွေးချယ်တင်မြောက်ခဲ့သည်။

ညီလာခံ အတွင်း မဟာဗျူဟာ ဆိုင်ရာ အလုပ်ရုံဆွေးနွေးပွဲကျင်းပခဲ့ပြီး မဟာဗျူဟာမြောက် အကြံပြုချက်များကို ညီလာခံတွင် ထည့်သွင်းဆုံးဖြတ်ခဲ့ကြသည် ဟု  တွဲဘက်အထွေထွေအတွင်းရေးမှူး (၂) မော်ဒေးမြာက ပြောသည်။

“ပထမတချက်က ငြိမ်းချမ်းရေး၊ ဒုတိယတချက်က တရားမျှတရေး(justice)၊ တတိယအချက်ကတော့ ဖက်ဒရယ် ဒီမုိုကရေစီပေါ့နော်။ ဒီသုံးခုကုို အခြေခံပြီးတော့ ဆက်ပြီးတော့ လုပ်ဆောင် သွားဖုို့ကုို ဆွေးနွေးဖြစ်ခဲ့ကြပါတယ်”

ညီလာခံအတွင်း နိုင်ငံရေး ဆွေးနွေးပွဲများနှင့် ငြိမ်းချမ်းရေး လုပ်ငန်းစဉ်များအတွင်း အမျိုးသမီးများ ပိုမိုပါဝင်လာရေးအတွက်လည်း ကြိုးပမ်းသွားရန် ဆုံးဖြတ်ခဲ့ကြသည်။

 

Leave a Reply

Your email address will not be published. Required fields are marked *

Related Posts

ရေကာတာ ရပ်တန့်ရေး လှုပ်ရှားသူ ရွှေ့ပြောင်းဒုက္ခသည် မိသားစုများ ကုမ္ပဏီထောက်ပံ့မှု ဖြတ်ခံရ

ဆိုင်း(HI)။ ၂၇၊ ဇွန်၊၂၀၁၄။ မြစ်ဆုံရေကာတာ လုံးဝရပ်တန့်ရေး လှုပ်ရှားမှုတွင် ပါဝင်ခဲ့ခြင်းကြောင့် ရွှေ့ပြောင်း ဒေသခံအမျိုးသမီး (၂) ဦးနှင့် မိသားစုဝင် (၁၈) ဦးကို (CPI)